¹ Lelo Saulo, ali twalilile fye uku lekulanda ifi ntinya ne fya ku kulekwipaya abasambi bakwa Shikulu, alile naku ku mukulu waku ba shimapepo ² elo no kuya kwipusha amakalata yaku piita ukuya nayo ku Damasko, epa kweba ati nga ca kweba ati asanganako uuli fye onse uwali uwali kukonka bo, cibe abaume nangu abanakashi, kuti abaleta ali bakakile ku Yelusalemu. ³ Umo ali akoya, ica citikile cakweba ati lulya lwine apalamina ku Damasko, mu kukapa kwa linso kwaishile ulubuto kwa bonekele ulubuto ulwa mushingulukile ukutula ku mulu; ⁴ elo aponene panshi elo aumfwile ishiwi likolanda kuli ye ati, ''Saulo, Saulo, bushe nindo ico uko mpakashila?'' ⁵ Saulo alyasukile ati, ''Bushe niwebo nani Shikulu?'' Shikulu ali mwasukile ati, Ninebo Yesu, uuntu ukopakasa; ⁷ Lelo alamuka, ulekuya kwingila mu musumba, elo balaya ku kweba ifya kucita.'' ⁶ Abantu abo aba endele pamo na Saulo ba litalemene shilili, ishiwi lyo bali ku likutika, lelo tababwenepo nangu umo. ⁸ Saulo alya lamukile panshi, elo uluntu aiswile amenso, talikubonapo icintu nangu cimo; eico bali mwikete pa kuboko elo noku mutwala ku Damasko. ⁹ Pantu pa nshiku shitatu ali ukwa kubula ukubona elo tali kulya nangu ukunwa. ¹⁰ Nomba mwali no musambi mu Damasko uwe shina lya Anania. Shikulu alandile kuli ye mu ciloto ati, ''Anania!'' Alandile ati, ''Boneni, Ndi pano, Shikulu.'' ¹¹ Shikulu aladile kuli ye ati, ''Alamuka, elo ulekuya ukulola ku musebo uuntu bakuta uwa Kololoka, elo pa ng'anda yakwa Yuda wipushepo umuntu uutulile ku Tasisi uwe shina lya Saulo, pantu akopepa. ¹² Ali bwene mu cimonwa umuntu uwe shina lya Anania akoisa elo no kutambalika amaboko pali ye, epa kweba ati enga bona.'' ¹³ Nomba Anania alyasukile ati, ''Shikulu, Nebo nalyumfwa ifintu ifingi pali uyu muntu, ne fintu ifingi ifyo acita ku ba mushilo bobe mu Yelusalemu. ¹⁴ Alipoka insambu ku bakulu baku ba shimapepo ishakwikata umuntu uuli onse kuno ukokuta pe shina lyobe.'' ¹⁵ Lelo Shikulu alandile kuli ye ati, ''Kabuye, pantu ndi musalile ukuba icibombelo candi, ukupiita ishina lyandi no kuli twala ku bena fyalo elo ku mfumu elo naku bana ba Israeli; ¹⁶ pantu ndi noku mulanga ifyo ali no kupita mukucula pa mulandu fye we shina lyandi.'' ¹⁷ Eico Anania ali fuminepo, elo no kuya kwingila mu ng'anda. Ninshi alita tambalikile amaboko pali ye, no ku mweba ati, ''Munina Saulo, Shikulu Yesu, uyo uwa kubonekele pa musebo uluntu wali kwisa, eu ntumine pa kweba ati winga tampako ukubona elo no kwi ulamo Mupashi wa Mushilo.'' ¹⁸ Apo pene ifintu ifyali kwati mamba fyali ponene no kufuma mu menso yakwa Saulo, elo atampile no kubona; alimine elo no ku batishiwa; ¹⁹ elo alile ifilyo elo noku kwata amaka. Alikele na basambi mu Damasko pa nshiku ishingi. ²⁰ Ulo lwine fye alitampile ukushimika palwa kwa Yesu mu ma sinagogi, no kule kulanda ati ni Mwana Lesa. ²¹ Na bonse abali ku mukutika bali papukile elo no kule kulanda ati, ''Bushe te oyu muntu uwali kucusha nokonaula abali mu Yelusalemu abali kukuta pali ili ishina?'' Nakuno kwine eshile fye kubekata pa kweba ati abatwale kuba kulu bakuba shimapepo.'' ²² Lelo Saulo ye a ishile kuba na maka elo ukukwatisha amaka, elo ali kulengapa muba Yuda ukwikatwa ubulanda abo abali kwikala mu Damasko pa ku shininkisha ukweba ati Yesu e Kristu wine. ²³ Pa numa ya nshiku ishingi, aba Yuda bali pangene pamo pa kweba ati ba mwipaye. ²⁴ Lelo amapange yabo yali shibikilwe kuli Saulo. Bali kulonda pa mpongolo akasuba elo no akasuba no pa kweba ati benga mwipaya. ²⁵ Lelo abasambi bakwe bali mupitiile ubushiku bweka elo noku kumupushisha pa cibumba, no kumutula panshi mu mutonga. ²⁶ Uluntu aishile mu Yelusalemu, Saulo alyeseshe uku ilunda ku batumwa, lelo bonse bali kumutina, tabasumine ati naye ali mutumwa. ²⁷ Lelo Banabasi ali mupitiile elo noku mutwala ku basambi, elo no kubeba ifyo Saulo abwene Shikulu pa nshila elo no kweba ati Shikulu ali landile kuli ye, elo nefyo mu Damasko alandile mu kupama mwi shina lyakwa Yesu. ²⁸ Ali kusanganwa nabo, ukulekuya elo no kushinguluka Yelusalemu. Ali kulanda mukupama palwe shina lyakwa Shikulu Yesu ²⁹ elo ali kutalikana naba Yuda abali kulanda ici Griki; lelo bali kwesha no kufwaya uku mwipaya. ³⁰ Uluntu ba munyina baishibile pali ici, bali mutwele ku Kaesalia elo noku mutuma ukuya ku Tasisi. ³¹ Eico uluntu, ulukuta monse mu Yudeya, Galileya, elo namu Samaria lwakete umutende elo no ku shimpwa; elo, no kwendela mu katina kakwa Shikulu elo namu kukoseleshiwa na Mupashi wa Mushilo, ulukuta lwalikule na mumpendwa. ³² Nomba caishile kuba ifi, ulo Petelo apitile no kushinguluka mu citungu conse, alishile ku kumanya abantu ba mushilo abakwa Lesa abali kwikala mu musumba wa Lita. ³³ Uko eko asangene umuntu umo uo bali kukuta ati, Aneya, uwali kusendama fye pa myaka cine konse, pantu ali no bulebe. ³⁴ Petelo alandile kuli ye ati, ''Aneya, Yesu Kristu akuposha. Alamuka elo piita no busanshi bobe,'' elo apo pene fye alya lamukile. ³⁵ Eico abantu bonse abali kwikala mu Lita elo na mu Sharon bali bwene uyu muntu elo balisumine na muli Shikulu. ³⁶ Nomba mu Yoppa mwaliko umutumwa umo uwe shina lya Tabita(ilya lola mu kweba ati ''Doka''). Uyu umwanakashi ali wilemo ne milimo iya bune elo nemilimo iya luse iyo ali kucitila abalanda. ³⁷ Eico ica citikile cakweba ati muli isho inshiku alilwele elo no kufwa; uluntu ba musambikile, bali mulalikile mu muputule wapa mulu. ³⁸ Ico Lida yali pepi naku Yopa, elo na batumwa ba lyumfwile ati Petelo ali kulya, bali tumine abantu babili kuli ye, noku mupapata ati, ''Isa kuli fwebo ukwa kubula ukufilwa.'' ³⁹ Petelo alimine no kuya nabo. Uluntu afikile, balimutwele ku mupule uwapa mulu, elo naba mukamfwilwa bonse batalemene pali ye ninshi bakoloosha, ba komulangisha ne nsalu elo ne mingilaiyo Doka alikubila ulo ali nabo. ⁴⁰ Petelo ali bebele bonse ukufuma mu muputule, afukeme panshi, elo no kupepa; elo apilibukila ku citumbi, no kulanda ati, ''Tabita'' alamuka.'' Eluntu aiswile amenso no kulolesha, elo paku bona Petelo alikeleko. ⁴¹ Petelo eluntu amutambikile ukuboko elo noku mwimya; elo uluntu akutile abantu bakwa Lesa abamushilo elo naba mukamfwilwa, abapele kuli bo umulole. ⁴² Ili ilyashi lyali shibikilwe monse mu Yopa, elo na bantu abengi balisumine muli Shikulu. ⁴³ Ica citikile ca kweba ati Petelo alikele inshiku ishingi mu Yopa pamo no muntu uweshina lya Simoni, kaluka.