¹ Nomba kwaliko umuntu umo mu musumba wa Kaisaliya, Konelio e shina lyakwe, uwali umukulu wa bashilika ba nkondo mu Italy. ² Ali umuntu uwaishibile Lesa nganshi pamo na bonse abamu ng'anda yakwe, ali kupela ifya nkumbu ifingi ku bantu, elo alikupepa kuli Lesa libili libili. ³ Ukulosha fye ku nshita iya kulenga pabula mu nshita yakasuba, alibwene fye bwino bwino mu cimonwa malaika wakwa Lesa a koisa kuli ye. Malaika alandile kuli ye ati, ''Konelio!'' ⁴ Konelio alolekeshe malaika elo alitutumine elo alandile ati, ''Bushe findo mukwai?'' Malaika alandile kuli ye ati, ''Ukupepa kobe elo ne fya bupe fyobe ku balanda fili mfwikile ukubati cabupe ica kwibukisha ku menso yakwa Lesa. ⁵ Ino ine nshita tuma abantu ku musumba wa Yopa no kuya kuleta umuntu uweshina lya Simoni uo bakuta ati Petelo. ⁶ Akoikala na kaluka uweshina lya Simoni, uo ing'anda yakwe yabela ku mbali ya bemba.'' ⁷ Uluntu malaika uwa likulanda naye aile, Konelio alikutiile babili pa babomfi bakwe aba mu ng'anda, elo no mushilika uwapikintika ukufuma pali abo abali ku mubombela. ⁸ Konelio alibebele ifintu fyonse ifya citikile elo alibatumine naku Yopa. ⁹ Nomba pa bushiku bwakonkelepo ukulosha ku nshita iya kulenga mutanda, ulo bali pa bulwendo elo ninshi baya bakopalamina ku musumba, Petelo aile pa mulu wa ng'anda mu kupepa. ¹⁰ Eluntu aumfwile insala elo ali kufwaya fimo ifya kweba ati alye,lelo ulo abantu bali kwipika ifilyo, bali mupele icimonwa, ¹¹ elo abwene umulu waisuka elo ne cipe cimo cikotentemuka ukutula ku mulu, cali ukubati cisalu icikulu icikoisa pa calo, ciliketwe ku fifutu fine. ¹² Muli ico cipe mwali inama shonse ishakupusana pusana isha kwata amolu yane elo ne fisenya pa calo, elo ne fyoni fya mu mulu. ¹³ Eluntu ishiwi lyalandile kuli ye ati, ''Alamuka, Petelo, ipaya elo ulye.'' ¹⁴ Lelo Petelo alyasukile ati, ''Ifyo tali fyo, Shikulu; pantu nshatala ukulyapo icintu icili conse icamkukowela elo icitali ca kusanguluka.'' ¹⁵ Lelo ishiwi lya lishile kuli ye na kabili umuku wa bubili ati: Ico Lesa asangulwile, webo wicikuuta ati cakukowela.'' ¹⁶ Neci cacicitikile imiku itatu; eluntu icipe apopene bali cipitiile ukubwelelamo ku mulu. ¹⁷ Nomba ulo Petelo ali ninshi ali fulungene umwalolele icimonwa abwene, boneni, balya bantu abo batumine kuli Konelio batalemene pa mwenshi wa mpongolo, elo pa numa ninshi balipwishe inshila ya ku ng'anda. ¹⁸ Ba likutile elo no kwipusha nga cakweba ati Simoni, uo bakuta Petelo, alikwikala palya. ¹⁹ Umo Petelo ali akotontonkanya palwa cimonwa, Umupashi wa Mushilo walandile kuli ye ati, Bona, abaume batatu ba kokufwaya. ²⁰ Pintimuka elo no kuya panshi elo ulekuya nabo. Wi wayawaya ukuya nabo, pantu Ninebo mbabatumine.'' ²¹ Eico Petelo alikile panshi ku bantu balya elo no kubeba ati, ''Enine uo mukofwaya. Bushe cindoico mwaishila?'' ²² Balandile ati, ''Mukulu waba shilika uweshina lya Konelio, umuntu umololoke elo umuntu uutina Lesa, elo bala mulandila ifya bune abamu calo conse ica Yudeya, bali mwebele kuli malaika wakwa Lesa uwa mushilo ukwisa kukupiita no kukutwala ku ng'anda kwakwe, pa kweba ukuti akutikishe imbila ukufuma kuli webo.'' ²³ Eico Petelo abengishe pa kweba ati ekale nabo. Ubushiku bwa konkelepo ulucelo alya lamukile elo nokuya nabo, elo bamo pali ba munyina ukutula ku Yopa bali mukonkele. ²⁴ Pa bushiku bwakonkelepo balifikile ku Kesalia. Konelio ali kumupembela; alikutile pamo balupwa bakwe elo na banakwe bonse abali naye mupepi. ²⁵ Ifya citikile fya kweba ati uluntu fye Petelo aingile, Konelio ali mukumenye elo nokuwila pa makasa yakwe noku mupepa. ²⁶ Lelo Petelo ali mwafwile noku mwimya, noku mweba ati, Talamana! Nandi wine ndi muntu fye.'' ^{29 27} Ulo Petelo alikulanda naye, aingile mukati no kuya kusangana abantu abengi ba lilongene pamo. ²⁸ Alandile kuli bo ati, ''Mwebo mwebene mulishibile ukweba ati taca suminshiwa mu mafunde umu Yuda ukusankana nangu ukutandalila umuntu umwina fyalo. Lelo Lesa umwine ali nangile ati nta lingile ukukuta umuntu uuli onse ati uwakukowela nangu ati uutasanguluka. /v 29 Eca cilenga ukweba ati njise ukwabula ukutalika, uluntu ba cisa mu ku mpiita. Eico Nko kwipusha nico ico wacila mfwaila.'' ³⁰ Konelio alandile ati, ''Inshiku shine e shapitapo pa nshita ukuba ati ni ino ine, nali kupepa pa nshita iya kulenga pabula mu ng'anda mwandi; elo bona, umuntu alitalamene ku ntanshi yandi ne fifwalo ifyakubuta. ³¹ Alandile ati, 'Konelio, ukupepa kobe kulyumfwikile kuli Lesa, elo ne fya bupe fyobe kubalanda filibukishe Lesa pali webo. ³² Eico kanshi tuma umuntu ku Yopa, elo aye akukutile umuntu uweshina lya Petelo. Ako ikakala mu ng'anda yakwa kaluka uwe shina lya Simoni, uwikala ku mbali ya mumana. ³³ Eico lulya lwine fye na litumine abakukupiita. Uli wa luse pa kwisa. Nomba eluntu, fwebo bonse epo tuli pa menso yakwa Lesa pakweba ati tukutike fyonse ifyo bakwebele kuli Shikulu ukulanda.'' ³⁴ Eluntu Petelo aasamwine akanwa kakwe elo no kutampa ukulanda ati, ''Icine fye na kutikisha ukweba ati Lesa takwata umu umu cisha cinani. ³⁵ Kanshi, mu calo conse uuli onse uumutina elo no kucita ifintu ifya kulungama ye alapokelelwa kuli Lesa. ³⁶ Mwebo muli shibile imbila iyo atumine ku bena Israeli, uluntu alandile imbilaiya bune iya mutende ukupitila muli Yesu Kristu, uyo uuli e Shikulu wa bonse¬ ³⁷ mwebo bene muli shibile ifya cititikile mu Yudeya monse, ukutampila mu Galileya, panuma ya lubatisho ulo Yoani asambilishe; ³⁸ ifintu ifyacitikie pa lwakwa Yesu umwina Nasaleti, nefyo Lesa amusubile no Mupashi wa Mushilo elo na maka. Aile ako shinguluka no kulekucita ifintu ifya bune elo no kuposha bonse abatitikishiwilwe na Satana, pantu Lesa ali pamo na ye. ³⁹ Fwebo tuli bakambone ba fintu fyose ifyo Yesu acitile, monse mu calo caba Yuda elo namu Yelusalemu. Bali mwipeye uku mutanika pa citi ca lupanda, ⁴⁰ leloLesa ali mututushe pa bushiku bwa kulenga shitatu elo ali mulengele noku bonekela, ⁴¹ teku bantu bonse, lelo ni kuli ba kambone abo abasalilwe na Lesa ulo inshita tailafika¬kuli fwebo fwe baliile elo nokunwa naye panuma yaku mututubusha ku bakufwa. ⁴² Ali tukonkomeshe fwebo ukuya tukobila ku bantu elo no kuba bu kambone ubwa kweba ati ni uyu wine uwasalwa kuli Lesa ukuba kapingula wa bakulola elo na bakufwa. ⁴³ Kuli ye eko naba kasesema bapele bu kambone, pakweba ati uyo onse uwasumina akabelelwa uluse ku masambi ukupitila mwi shina lyakwe.'' ⁴⁴ Umo Petelo ali akolanda ifi fintu, Umupashi wa Mushilo waponene pali bonse abo abali kumfwa ku cebo cakwe. ⁴⁵ Abo abantu abali mwi bumba ilya basumina mu kusembululwa ¬nabo bonse abaishile pamo na Petelo ¬bali papukile, pantu ica bupe ica Mupashi wa Mushilo cali pongolokele napa bena Fyalo nabo. ⁴⁶ Pantu ba lyumfwile uko aba abena Fyalo bali kulanda mu ndimi shimbi elo noku lumbanya Lesa. Eluntu Petelo ayasukile ati, ⁴⁷ ''Bushe ninani uwingakanya aba bantu ukuti be batishiwa mu menshi, aba bantu abapokelela Umupashi wa Mushilo ukubati nifwebo?'' ⁴⁸ Eluntu aba konkomeshe ukweba ati ba batishiwe mwi shina ilyakwa Yesu Kristu. Eluntu ba mwipwishe ukweba ati ekale nabo pa nshiku ishingi.