¹ Nomba kwaliko no umuntu umo ishina lyakwe ali Anania, no mukashi wakwe Safira, balishitishe icipimfya ca conde cabo, ² elo alifishilepo indalama shimo pacipendo ico ashitishe (umukashi wakwe naye alishibile), elo batwele indalama isha shelepo no kushibika pamakasa ya batumwa. ³ Lelo Petelo alandile ati, ''Anania, bushe nindo ico Satana aiulila mu mutima obe pakweba ati ubepe Umupashi wa Mushilo elo wafisapo indalama shimo isho ushitishe impanga? ⁴ Ulo taulaishitisha, tali yali yobe, elo nolo washitishe, bushe tayali mu nsambu shobe? Bushe cindo ico wa cibikila mu mutima obe ukucita icakuba nga ici?Taubepele abantu, lelo ni Lesa. ⁵ Pakumfwa ayo amashiwi, Anania aliponene panshi ekufwa no kufwa, elo baumfwile umwenso bonse aba umfwileko. ⁶ Abalumendo bal imufungile, elo baimine elo bamufungili, elo bamupitiile panse no kuya ku kumushika. ⁷ Papitile fye limbi insa shitatu, umukashi wakwe naye alishile taishibile ifyalikucitika. ⁸ Petelo epa ku mweba ati, '' Unjebe nga cakweba ati mushitishe iyi impanga pali uyu umutengo. ''Alyasukile ati, '' Ina, nifyo fine.'' ⁹ Eluntu Petelo amwebele ati. '' Bushe cindo ico mwaci isuminishisha no kweska Umupashi' wakwa Shikulu? Bona amakasa ya balumendo abaciya mukushika umulume obe tayalafutika, nobe wine balakufunya.'' ¹⁰ Ulo lwine fye aliponene na panshi pa makasa ya kwa Petelo uko kwine e kufwa no kufwa. Uluntu abalumendo baingile, ba musangene fye ninshi alifwile, elo bamupitiile elo no kuya ku mushika lubali lwa mulume wakwe. ¹¹ Umwenso uukulu waishile pa lukuta lonse na pali abo bonse abakutikileko ifi fintu. ¹² Ifilangililo ifingi elo ne fipapusho fyali kucitika mu bantu ukupitila mu basambi. Bonse bali pamo mu lukolo lwa kwa Solomoni. ¹³ Lelo tapali nangu umo pali bo uwapamine no kuikumika kuli bo; nangu cali ifyo, bali kukoseleshiwa ku bantu. ¹⁴ Nalo lwine abalikusumina bali kuilundako kuli Shikulu, amabuumba yaku bashitata elo naba namayo, ¹⁵ ica kweba ati bali kupiita na bakulwala mu misebo elo noku balalika pa masanshi elo namu nkolo, pa kweba ati Petelo nga akopita icinshingwa kuti capitako pali bamo muli bo. ¹⁶ Kabili kwali shile ne mpendwa ya bantu abengi ukutuma mu mishi iyashingulukile Yelusalemu, balikuleta aba kulwala elo nabo abali ku cushiwa ne mipashi ya kukowela, elo bonse balikupola. ¹⁷ Lelo umukulu uwaku bashi mapepoalipingwile elo nabo bonse abali naye(uyo ewali emubela waba Saduki); elo bali wilemo bufuba ¹⁸ elo baikete na batumwa, elo no kubabika mu cifungo ca cikaya. ¹⁹ Lelo mu nshita ya bushiku malaika wakwa Shikulu aliswile ifibi ifya mu cifungo elo noku bafunisha panse, elo no kubeba ati, ²⁰ ''Kabuyeni, muye mutalamane mwi tempele elo mulande ku bantu amashiwi yonse aya buno bwikalo.'' ²¹ Uluntu bakutikile ifyo, balingile mwi tempele ukulosha mu kuca kwa bushiku elo bali kusambilisha. Lelo umukulu wakuba shimapepo alishile, elo nabo abali pamo naye, elo akutile bashi cilye pamo, bonse abakalamba ba bantu bamu Israeli, elo atumine abakuya kuleta abasambi ku cifungo. ²² Lelo abalinshi abo abaile taba basangenemo mu cifungo, elo babwelelemo elo nokutwala ulusebo ati, ²³ ''Twali tusangene icifungo cilisalikile elo naba malonda bali talamene pa mwenshi, lelo uluntu twacisula icibi, tatwa cisanganamo nangu umo mukati.'' ²⁴ Nomba uluntu kapitao waku we tempele elo nakulu ba kuba shi mapepo bakutikile kuli ayo amashiwi, calibapeseshe amano pali bo elo tabaishibile nefikofumamo. ²⁵ Eluntu umuntu umo aishile elo noku beba ati, ''Abantu abo mwabikile mu cifungo bali mwi tempele elo bakosambilisha na bantu.'' ²⁶ Eico kapitao pamo naba kalinda baile pamo elo noku babwesha, lelo ukwakubula ulukakala pantu bali kutina ukweba ati abantu kuti babalasa amabwe. ²⁷ Uluntu babaletele, bali batalamikile ku cilye. Umukulu waku ba shimapepo alibepushishe, ²⁸ nokubeba ati, ''Twali mikonkomeshe ne cipope ukuleka ukusambilisha muli ili ishina, muli wishe Yelusalemu nama masambilisho yenu elo mukokabila noku bika umulopa waku uyu muntu pa mitwe yesu.'' ²⁹ Lelo Petelo elo na basambi balyasukile abati, ''Tulingile uku kutikila Lesa ukucila uku kutikila abantu. ³⁰ Lesa wakuba shifwe ali tutubwishe Yesu, uyo uo mwaipeye noku mutanika pa musalaba. ³¹ Lesa alimwimya noku mubika ku kuboko kwakwe ukwa kulyo ukuba e ntungulushi elo e kalubula, no kuleta ukulapila ku bena Israeli, elo nokubelelwa kwa masambi. ³² Ni fwebo bakambone ba ifi fintu fyonse, pamo pene no Mupashi wa Mushilo,uyo uo Lesa apela kuli bo abantu aba komumfwila.'' ³³ Uluntu bashi cilye bau kutikile ifyo, balifulilwe elo no kufwaya bepaye abasole. ³⁴ Lelo umu umu Falisi uwe shina lya Ngaamalieli, kasambilisha wa mafunde, uyo uo abantu bonse bapele umucinshi, alitalamene elo noku konkomesha ati abasambi ba bafunisheko panse panono fye. ³⁵ Eluntu aalandile kuli ati, ''Mwe bena Israeli, mutontonkanye bwino pafyo mukofwaya mucite kuli aba bantu. ³⁶ Inshita yaku numa, Teotasi alimine noku ituntumba ukuba umo elo ne mpendwa ya bantu, ukufika fye naku myanda ine, bali mukonkele. Ali peywe, elo na bonse abali ku mumfwila balisalangene elo tapashele no umo. ³⁷ Panuma ya uyu muntu, Yuda uwa ku Galileya alimine mu nshiku sha kupenda abantu elo na bantu bambi bali mukonkele. Naye ulo afwile, elo na bonse abali ku mumfwila balisalangene. ³⁸ Nomba nebo nkolanda kuli mwebo ati, talukeniko kuli aba abantu balekeni balekuya, pantu ubu ubwanshiko nangu imilimo nga ya muntu fye, ili noku cimfiwa. ³⁹ Lelo nga cakweba ati cakutula kuli Lesa, tamwaka bacimfye, limbi mukaisangana no kweba ati mukolwa na Lesa.'' Eico ali banakilishe. ⁴⁰ Eluntu bakutile abasambi mukati elo no kubapuma elo nokuba konkomesha ukuleka ukulanda mwishina lyakwa Yesu, elo noku balekako. ⁴¹ Balifumine mu cilye aba nsansa pantu bali lingile ukucula no musebanya pe Shina. ⁴² Panuma ya ifyo cila bushiku, mwi tempele muli cila ng'anda ne ng'nda, batwalililepo fye uku lekubila imbila iya kweba ati Yesu e Kristu.