¹ Umo Petelo elo na Yoani bali bakolanda ku bantu, ba shimapepo elo na kapitao wa mwi tempele naba Sadduki baishile pali bo. ² Ico bali cucutikile nganshi pa mulandu Petelo elo na Yoani bali kusambilisha abantu elo no kubila muli Yesu uwa tutubukile ukufuma ku bakufwa. ³ Bali bekete elo balibabikile mukalyati ukushinta no lucelo lwakonkelepo, pantu cali ni nshita ya cungulo. ⁴ Lelo abantu abengi aba kutikile ku mbila balisumine; elo nempendwa ya bantu abasumine nalimo ukushinta fye na ku makana yasano. ⁵ Icacitikile cakweba ati ubushiku bwakonkelepo bakateeka babo, abakulu, elo na ba kalemba balongene pamo mu Yelusalemu. ⁶ Anasi umukulu wa kuba shimapepo naye emo ali, elo Kaifa, elo Yoani, elo Alekisanda, elo nabo bonse abali balupwa lwa mukulu wa kuba shimapepo. ⁷ Uluntu babikile Petelo elo na Yoani pakati kabo, Bali bepwishe ati, '' Bushe niku maka ya musango ndo, nangu ni mwishina lyakwa nani, umo mukocitila ifi?'' ⁸ Eluntu Petelo, aiwilemo no Mupashi wa Mushilo, alandile kuli bo ati, "Mwebo ba kateeka ba bantu elo nabakulu, ⁹ ngacakweba ati tuko eshiwa lelo pa cicitwa ica bune ico ico citwa ku mulwele, elo nga ni mu musango ndo umo uyu muntu apolelemo, ¹⁰ lekeni cishibibwe kuli mwebo bonse elo naku bantu bonse abena Israeli ukweba ati uyu muntu atalamene pa menso yenu umumi ni mwishina lyakwa Yesu Kristu uwa ku Nasaleti, uyo uo mwebo mwatanikile, lelo uo Lesa atutubwishe ukufuma kuba kufwa. ¹¹ Yesu Kristu e bwe ilyo mwebo bakakula mwakene lelo elyaisa kubikwa pa cifutu. ¹² Takwaba ipusukilo uku pitila mu muntu umbi, pantu takwaba ishina limbi panshi ya mulu ilyo ilya pelwa mu bantu umo tuli no kulekupusukilamo.'' ¹³ Nomba uluntu babwene ukupama kwakwa Petelo elo na Yoani elo baibwishe ukweba ati bali fye abantu yawe-yawe, abantu abo abatasambilila, nabo bali papukile, no kwishiba ukweba ati Petelo elo na Yoani bali pamo na Yesu. ¹⁴ Pa mulandu balibwene umuntu uyo uo ba poseshe alitalamene pamo nabo, tabasangene nefya kweba ati balande pali ici. ¹⁵ Lelo panuma bali konkomeshe abatumwa ukufuma mu cilye, bali kui bwabwasha abene beka. ¹⁶ Balandile ati, ''Bushe findo ifyo twakocita kuli aba bantu? Pantu icilangililo icikoboneka cili citikile ukupitila muli bo, elo neci cilishibikilwe ku uli onse uyo uwikala mu Yelusalemu, elo tekuti tu cikane ici. Lelo pa kweba ati ici cisalanganina mu bantu, ¹⁷ ka tubakanye fye ukutwalilila ukulanda na kabili ku muntu uuli onse muli ili shina. ¹⁸ Eluntu ba bakutile elo noku bakanya ukulanda nangu ukusambilisha kuli bonse mwishina lya kwa Yesu. ¹⁹ Lelo Petelo elo na Yoani babasukile elo no kulanda kuli bo ati, ''Nga kuti caba ica bune pa cinso cakwa Lesa uku kutikila mwebo ukucila pali ye, ni mwebo mupingule. ²⁰ Tekuti tuleke ukulanda palwa fintu ifyo twabwene elo no kukutika.'' ²¹ Panuma yaku konkanyapo ukusoka Petelo elo na Yoani, bali balekeleko baya.Tabasangenemo umulandu nangu umo waku bakandilapo, pa mulandu wakweba ati abantu bonse bali kulumbanya Lesa pa fintu ifyo acitile. ²² Uyu umuntu uwa pokelele ici ici langililo ica kuposhiwa ali cilile pa myaka amakumi yane. ²³ Pa numa yaku balekelako, Petelo elo na Yoani baishile ku bantu babo elo no kulondolola fyonse ifyo ba shimapepo na bakulu ifyo balandile kuli bo. ²⁴ Ilyo baumfwile ici, bali lumbenye Lesa pafyo abacitile elo balanda, ''Shikulu niwe wapangile inyulu elo ne calo na bemba nafyonse ifyabamo. ²⁵ Niwe walandile mu mupashi ukupitila mukanwa kamubomfi obe, Tata wesu Dabidi, 'cindo abena fyalo basangukila, elo nabantu baletontokanya ifya cabe cabe. ²⁶ Walandile ati, 'Nemfumu shapano isonde shaishile pamo, elo naba kateka baishile kulongana pamo no nokupingila shikulu elo na Kristu wakwe. ²⁷ Cine cine, bonse Herode na Pontio Pileto,pamo pene fye na bena fyalo elo na bena Israeli balongele pamo muli uyu wine musumba ukwimina umubomfi obe uwakushila Yesu, uyo uo webo wasubile. ²⁸ Balongene pamo ukufikilisha fyonse ifyo ukuboko no butantiko bobe wapangile limo ukweba ati bukacitika. ²⁹ Nomba, Shikulu, boneni ifyo bakotusoka elo upele aba bomfi bobe ukupama mukulanda icebo cobe. ³⁰ Tambulula ukuboko kobe nokuposha elo nokupela ifishibile elo nefisunguko ukupitila mwishina lya mubomfi obe uwamushilo Yesu.'' ³¹ Panuma ya mapepo ,pa ncende bakolonganine palisunkene, elo bene baisushiwamo no mupashi wa mushilo elo balandile icebo cakwa Lesa nokupama. ³² Nempendwa ikulu iya basumine bali no mutima umo elo ne tontonkanyo limo. Tapali nangu umo uwakulanda ati ifintu ifyo nakwata fyandi, pantu . ³³ Abaatumwa bali kulanda mumaka, ubunte bwakushikuka kwa mfumu Yesu, elo nokusenamina ukukulu kwali pali bonse. ³⁴ Tapali nangu umo pakati kabo uwabulilwe icintu icili conse, pantu bonse abakwete impanga shabo nangu amayanda yabo balishitishe elo no kuleta indalama ishafumine mufyo bashitishe ³⁵ elo nokushibika makasa ya batumwa, kabili fyalyabanishiwe kuli cila umo ukulingana nefyo alikukabiila. ³⁶ Yusufu, uyo uo abatumwa balekukuta ati, Banabasi (icikoyalulwa ati umwana mwaume wa cikoseleshi ), umwina Lebi uwatulile ku Shiprosi, ³⁷ ashitishe ibala lyakwe no kuleta indalama pamakasa ya batumwa