¹ Mucitabo ico natampilepo ukulemba, Teofili, nalilembamo fyonse ifintu ifyo Yesu atampile ukucita elo noku sambilisha, ² mpaka fye napa bushiku ubo apitilwe ukuya ku mulu, panuma uluntu apele ifipope ukupitila muli Mupashi Wa Mushilo ku batumwa bakwe abantu asalile. ³ Panuma yaku cula kwakwe, alikuilanga umwine umutuntulu kuli bo nefishinka ifingi ifyakuba shinina elo imiku iingi. Pa nshiku amakumi yane alikumonekela kuli bo, elo ali kulanda pa bufumu bwakwa Lesa. ⁴ Uluntu alikukumana nabo pamo, aliku bakonkomesha ukukana fuma mu Yelusalemu, nomba ukupembela ubulayo bwakwa Wishi, pafyo alandile ati, '''Mwalyumfwile kuli nebo ⁵ ukuti Yoani alikubatisha ku menshi, nomba mwebo muli noku batishiwa muli Mupashi Wa Mushilo mu nshiku fye ishinono ishikoisa.'' ⁶ Uluntu balongene pamo bali mwipwishe ati, ''Shikulu, bushe niluno lwine ulo mukobwesesha ubufumu ku bena Israeli?'' ⁷ Ali landile kuli bo ati, ''Temwebo ukwishiba inshita ne nshiku ifyo ni Tata ewafishiba mu nsambu shakwe. ⁸ Nomba mukapokelela amaka uluntu Mupashi wa Mushilo akesa pali mwebo, elo mukaba bakambone bandi monse mu Yelusaleemu elo namu Yudea monse elo na Samaria, elo ukufika no kwapela isonde lyonse. ⁹ Uluntu Shikulu Yesu alandile ifyo fintu, umo bali bakololekesha mu mulu, alipitilwe mu mulu, elo ne kumbi lyamu fishile ku menso yabo. ¹⁰ Umo bali bakololesha mu mulu ninshi akoya, ulo lwine fye, abaume babili balishile kutalamana apo bali ninshi balifwele insalu ishakubuta. ¹¹ Balandile kuli bo ati, ''Mwe bena Galileya, findo ifyo mutalamine apa mukololesha na mu mulu? Uyu Yesu uwapitwa ukufuma kuli mwebo nokuya mu mulu, ali noku bwela mu musango umo wine mwamubona akoya ku mulu.'' ¹² Eluntu babwelelemo ku Yelusalemu ukutula kulupili ulo ulukutwa ulwa Miolifi, ulo lwaba pepi na Yelusaleemu, ubulwendo bwapa cibelushi fye. ¹³ Uluntu bafikile, baile pa muputule wa pamulu, apo epo bali kwikala. Bali ni Petelo,Yoani, Yakobo, Andele, Filipo, Toma, Batolomeo,Mateo, Yakobo umwana waume wakwa Alifasi, Simoni uo balikukuta Umusoleti, elo Yuda umwana mwaume wakwa Yakobo. ¹⁴ Bonse bali ipeleshe ku mulimo wakupepa, pamo pene fye na banakashi, elo na Maria nyina wakwa Yesu, elo naba wabo. ¹⁵ Mu nshiku shilya Petelo ali taleme pakati kakuba munyina, ukushinta na ku mpendwa ya bantu 120, elo nokulanda ati, ¹⁶ Mwe bamunyinane, cali cikankala icakuti ifyalembwa fyafikilishiwa, ifyakuti Mupashi wa Mushilo ali landile kale pakanwa kakwa Dabidi palwa kwa Yuda, uyo untu alikutungulula abo abaikete Yesu. ¹⁷ Pantu ali ni umo muli fwebo elo nokubombela bonse pamo umulimo.'' ¹⁸ (Nomba uyu muntu alishitile impanga mu ndalama isho apokele muli buntalamisoka, elo umo mwine emo umwine aponene ukutampilapo umutwe ukufika panshi, elo no mubili wakwe wali lepukile, elo namala yakwe yonse yalipongolokele. ¹⁹ Nabo bonse abekala mu Yelusalemu balyumfwile palwa ici, eico mululimi lwabo iyi mpanga balikuikuita ati ''Akeledama,'' emukutila, ''Impanga ya mulopa.'') ²⁰ ''Pantu calilembwa mu Citabo ca Malumbo ati, 'Lekeni iyi mpanga ishale icipompwa, elo mwileka umuntu nangu umo ekalemo'; 'Lekeni umuntu umo abule icifulo ca butungulushi bwakwe.' ²¹ Cililingile, eico kanshi, ukuti umuntu umo uo twali kusanganwa naye pamo inshita yonse iyo twali kwendauka na Shikulu Yesu naye pakati kesu, ²² ukutampila fye kulubatisho lwa kwa Yoani ukushinta fye napa bushiku apitilwe ku mulu ukufuma pali fwebo, pamulandu wabukambone bwesu ubwa kututubuka kwakwe.'' ²³ Balibulleipo abantu babili, Yusufu uukutwa Barabasi, kabili uo baininikile Yusutasi, elo na Matiyasi. ²⁴ Balipepele elo nokulanda ati,''Mwebo, Shikulu, mwebaishiba imitima ya bantu bonse, kanshi tusokolweleni pali aba babili umuntu uo musalile ²⁵ ukubula amalo muli uyu mulimo wa butumwa uo Yuda afutukile no kulola mu nshila yakwe umwine.'' ²⁶ Elo bapendwile pali bo, elo no kupendula kwabo kwaile pali Matiya, elo ba mupendeele pamo pa batumwa abali ikumi limo na umo.