¹ Huwo nadi al etnashar sawa wa wodi le huwomon guwa wa sultan ashan i turuju bara kulu shayateen wa bi aliju ayanat. ² Huwo rasulu huwomon bara ashan bi beshiru al malakuut ta Allah wa aliju al ayan. ³ Huwo kelimu le huwomon, ''ma ta shilu fi safar taki__wele asaya,ele shenta,wele reqif, wele gurush, wa gumsh ziyada. ⁴ Aye bet al intkaum dakalu fogo, geni takum inak lahadi intakum ruwa. ⁵ Aye bet al intakum dakalu ma rahibu intakum sibu bet de, nedifu takum gubar ta kura takum ka shuhuda le huwomon.'' ⁶ Bad dak huwomon futu wa ruwa min bilad, bi beshiru al injil wa ilaj fi kulu makan. ⁷ Hasa Herudus al rais asuma kan, an kulu al ge hasil wa huwo kan kafu, la anu kan juzu min nas kelimu inu Youhana gum min al mutu, ⁸ wa tanin kelimu inu Elia zahir, wa lisa tanin kelimu inu wahid min anbia al ta zaman gum. ⁹ Herudus kelimu, .'Ana gata ras ta Youhan. De munu al ana bi asuma hajat an huwo?'' Wa huwo hawil ashan bi ayenu huwo ¹⁰ Zaman rusul rija, huwomon kelimu le huwo kulu hajat hwomon amulu. Yala huwo shilu huwomon ma huwo, wa huwomon ruwa beid le medina isim tuo Bethsaida. ¹¹ Lakin zaman jumhuur asuma keda huwomon ruwa wara tuo. Huwo rahibu huwomon wa wonusu le huwomon an malakuut ta Allah, wa huwo aliju del al muhtaj ilaj. ¹² Hasa yom kan ja biga le niya, wa al etnashar ja le huwo wa kelimu, ''Rasulu al jumhuur del kede ruwa le hawile beled ashan bi ligo mahal nuum wa akil, la anu mahal de gaba, ¹³ ''Lakin huwo kelimu le huwomon, ''Intakum wodi takum le huwomon haja ashan huwomon bi akulu. ''Huwomon kelimu, ''Anina ma endu aktar min kamsa reqif wa etnin samaga__wa illa anina bi ruwa wa ishteri akil le nas del kulu. '' ¹⁴ (Fi inak kamsa alf rajil.) Huwo kelimu le talamiz tuo, ''Kede huwomon gei tihit fi mujmu kamsiin kamsiin.'' ¹⁵ Fa huwomon amulu de, wa kutu nas geni tihit. ¹⁶ 16Shilu kamsa reqif wa etnin samaga, huwo ayenu fok le sama, huwo bariko huwomon wa kasuru suker suker, wa huwo wodi le talamiz ashan gesimu le jumhuur. ¹⁷ Huwomon kulu akulu wa shabanin, wa kan al fadolo limu fok etnashar gufa al kasuru sukeriin. ¹⁸ Huwo hasil wokit Yesua kan bi seli ma nefsa tuo, talamiz kan ma huwo. Huwo asalu huwomon, kelimu, ''jumhuur de bi kelimu ana munu?'' ¹⁹ Huomon juabu, ''Youhana al mamadan. Lakin tanin kelimu Elia, wa tanin kelimu inu wahd min anbiya ta zaman gum,'' ²⁰ Bad dak huwo kelimu le huwomo, '' Lakin intakum bi kelimu ana munu?'' Butrous, juabu ''Al Messiah ta Allah. ²¹ Lakin huwo anziru huwomon shidid ashan ma bi wori le aye zol, ²² gali ''jena ta insan bi tabu ma hajat ketir wa bi abawo ma shiyuuk wa abuna al mosul wa ........ wa huwo bi katulu wa fi yom nimira talata bi gum.'' ²³ Bad dak hwo kelimu le huwomon kulu, ''Aye zol der ja le wara ana, huwo lazm bi anguru nefsa tuo wa arfa selib tuo kulu yom wa ja wara ana. Al ²⁴ bi hafizu haya tuo huwo bi fagidu, lakin al bi fagidu haya tuo ashan ana bi hafizu. ²⁵ Sunu yau kwes le zol kan rebehu dunia kulu, wa fagidu haya tuo? ²⁶ Aye zol al indu fadia le ana wa le kelimat tai, Ibni al insan bi indu fadia wokit huwo ja fi mejid tuo wa mejid al ta abu wa al malaykat al kudusiin. ²⁷ Lakin ana kelimu le intakum al hagiga, fi juzu tanin wagifin ini huwomo ma bi jeribu mutu gubaal huwomon ayenu malakuut ta Allah.'' ²⁸ Hasa biga tamania yom bad Yesua kelimu kelimat del , huwo shilu ma huwo Butruos wa Youhana wa Yakub wa ruwa gok le jebel le sala. ²⁹ Ze ma kan bi seli, wosa tuo kan geiru, wa gumash tuo tala abiyat. ³⁰ etnin rijal kan bi wonusu ma huwo, Musa wa Elia, ³¹ huwomon zahir fi mejid, wonus ma huwo an ruwa tuo, al huwo kan der kalasu fi Uruselim. ³² Hasa Butruos wa del al kan ma huwo huwomon kan bi ga num, lakin zaman huwomon gum, huwomon ayenu mejid tuo wa etnin rijal al kan wogif ma huwo. ³³ Ze ma huwomon bi ruwa min Yesua, Butruos kelimu le huwo, ''Saeed, huwo kwes le anina ashan bi kun ini. Kede anina sala talata rakuba, wahid le inta, wahid le Musa, wa wahid le Elia.''(Huwo ma arufo sunu kan huwo bi kelimu.) ³⁴ Ze huwo kan bi wonusu, sihab ja wa kati huwomon, wa huwomon kan kafo ze huwomon dakalu fi sihab. ³⁵ Sout tala bara min al sihab, kelimu, ''De yau jen tai, al wahid al iktaru; asuma, le huwo.'' ³⁶ Zaman sout wonusu, Yesua kan bi ga barwo. Huwomon askut wa ma kelimu del al inak aye haja al huwomon aynu. ³⁷ Fi yom tani, zaman huwomon nezil min jebel, nas ketir limu ma huwo. ³⁸ rajil min al jumhuur kore, kelimu, ''Moalim, Ana bi asalu inta ayenu le jena tai la anu huwo jena tain al wahid. ³⁹ Inta ayenu roho shilu masulia tuo wa huwo bi kore bes faja; bi juru juru huwo biga buzak bi tala min kasma tuo. huwo ma bi sibu huwo wa bi jarhu huwo batal. ⁴⁰ Ana asalu talamiz taki ashan bi turuju bara, lakin huwomon ma agder.'' ⁴¹ Yesua juabu wa kelimu, ''Intakum al ger mominin wa jiel al meilu, zaman godoor sunu ana bi kun ma intakum wa ana bi tabe ma intakum? Jibu jena taki ini. ⁴² ''Zaman weled kan jayi, al shitan jada huwo tihit wa hizu huwo ma juru juru. Lakin Yesua intehir roho al waskan wa aliju al weled, wa rija huwo wara ta abu tuo. ⁴³ Bad dak huwomon kulu kan istagarab min kebir ta Allah. Zaman huwomon kulu kan mustagarabin min hajat kulu al kan huwo bi amulu, huwo kelimu le talamiz, ⁴⁴ ''Kede kelimat dakalu fi jua adana takum:n Al ibni al insan bi kabasu fi eden ta rijal.'' ⁴⁵ Lakin huwomon ma fahimu asuma wonusa de. huwo kan dusu min huwomon, ashan huwomon ma bi arufo mana tuo, wa hata alan huwomon kan kayifiin ashan bi ann wunusa de, ⁴⁶ Fa munakashat bad fi bein tumon ann yatu min huwomon bikun kebir. ⁴⁷ Lakin Yesus, arufo, fikira ta gelba tuomon, huwo shilu jena soker wa kutu fi jambu tauo ⁴⁸ wa kelmu le huwomon, ''Al bi rahibu jena fi isim tai, huwo rahibu ana; wa al bi rahibu, rahiby al rasulu ana, La anu al soker fi nus takum kulu huwo yau kebir.' ⁴⁹ Youhana juabu, ''Mo alim, anina yanu zol tani bi turuju aruwa shirir ma guwa fi isim taki wa anina abusu huwo, la anu huwoma tabe le nina. Yesua juwabu ⁵⁰ ma takum abusu huwo, ''la anu al ma ded itakum huwo ma itakum.'' ⁵¹ Wokit ayam biga gerib le ashan bi shilu fok, huwo kutu wusa tuo le ruwa le Uruselim. ⁵² Huwo rasulu marasulat gidam, wa huwomon ruwa wa dakalu fi beled ta Samiria al saleh ashan bi jahizu hajat kulu le huwo. ⁵³ Lakin nas al inak ma rahibu huwo la anu huwo kutuu wusa tuo le uwa le Uruselim. ⁵⁴ Zaman talamiz Yakub wa Youhana ayenu keda, huwomon kelimu ''Rabuna, ita der anina kede amiru nar kede ja tihit min sama wa demiru huwomon?'' ⁵⁵ Lakin huwo agelibu wa wobiko huwomon, ⁵⁶ wa huwomon ruwa le beled tani ⁵⁷ Ze ma huwomon kan bi ruwa fi sika, zol tani kelimu le huwo, ''Ana bi ruwa wara ita fi ae mahal ita bi ruwa. ⁵⁸ ''Yesua juwabu le huwomon, ''Sa alib indo hufura, wa tiyuur fi sama indo biyuut, lakin Jena ta Insan ma indo mahal bi fgo ras tuo.' ⁵⁹ Bad dak huwo kelimu le tani, ''tal wara ana. ''Lakin huwo kelimu, ''Rabuna, awel sibu ana ruwa dofonu abu tai.'' ⁶⁰ Lakin huwo kelimu le huwo, '' sibu al meiteen dofonu meit tuomon. Lakin ze ma le inta ruwa wa alinu malakuut ta Allah.'' ⁶¹ Fa zol tani kelimu, ''Ana bi ruwa ara ita, Rabuna, lakin awel kede ana selimu del al fi bet tai.'' ⁶² Yesua juwabu le huwo, ''Mafi bi kutu eda tuo fi ''.molodo wa ayenu wara bi amfa fi malakuut ta Allah