¹ Bad Yesua kulasu hajat kulu huwo kan kelimu fi adana ta nas , huwo dakalu fi Capernahum. ² Hasa kadam ta khayid al mia al huwo bi ihteramu shidid , kan biga ayan wa gerib le mutu. ³ Wokit khayid asuma an Yesua, huwo rauslu shoyuuk ta Yahudia le huwo ashan bi ja wa aliju kadam tuo. ⁴ Wokit huwo ja le Yesua, huwomon asalu huwo, gal, '' Huwo bi istehik ashan inta bi amulu de le huwo, ⁵ la anu huwo bi hibu beled tanina, wa huwo yaual abinu kenisa le anina.'' ⁶ Fa Yesua istemir fi sika tuo ma huwomon. Lakin huwo kan ma beid min beit, al rais ta kahana rasulu sabihat ashan bi le huwomon, '' Rabuna, ma ta tabu nefsa, la anu ana ma timu ashan inta bi ja tihit dul .Le ⁷ sabab de ana ana ma hasibu nefsa tai timu ashan bi ja le inta, Lakin bes kelimu kelima wa kadam tai bi aliju. ⁸ La anu ana zol al tihit sulta, ma asakir tihit ana. Ana le de, 'ruwa,' wa huwo bi ruwa, wa le tai, 'taal,' wa huwo bi ja wa le kadam tai, 'amulu de wa huwo b alumu.'' ⁹ Wokit Yesua asuma keda, huwo kan isagarab le huwo, wa agelibu le jumhuur al bi ja wara tuo kelimu, '' Ana le intakum hata fi Israel ana ma ligo shikil imman de.'' ¹⁰ Wokit del kan rasulu rija le beit, huwomon ligo al kadam kan biga kwes ¹¹ Bad dak, Yesua ruwa le medina al ismu Nain, talamiz to wa nas keti ruwa ma huwo. ¹² Ze ma hwo ja gerib le bab a medina, rajil al kan mutu talawu bara, jena al wahid le uma to( al kan heya armala), wa nas ketir min media kan ma heya, ¹³ Wokit Rabuna ayenu heya, huwo kan biga ma heniya le heya wa huwo kelimu le heya, '' mata kore. '' ¹⁴ wa huwo ruwa wa lemesu taraf ta serir al fgo gesim, wa del al bi arufa wogif. Huwo kelimu, ''Ya shab, Ana kelim le inta gum. ¹⁵ ''Zol al meit geni wa bada wonusu, wa Yesua wodi huwo le uma tuo. ¹⁶ Kafu gobudu huwomon kulu, wa istemir mejido Allah, kelimu, ''Nebi kebir gum fi nus tanina'' wa ''Allah ayenu le nas tuo.'' ¹⁷ Akbar an Yesua shetetu fi kulu Yahudia wa wa kulu belad al gerib. ¹⁸ Talamiz ta Yuhana wori le huwo an hajat del kulu. ¹⁹ Wa Yuhana nadi etnin min talamiz tuo wa rasulu huwomon le Rabuna ashan bi kelimu, ''Hal inta yau wahid al jayi, wala kede anina intezir tani?'' ²⁰ Wokit huwomon ja gerib le Yesua, al rajil da kelimu, ''Yuhana al mamdan rasulu anina ashan bi kelimu le inta, 'Hal inta yua wahid al jayi, wala kede anina intezir tani?''' ²¹ Fi zaman dak huwo aliju nas min ayanaat wa waja wa aruwah al sherir, wa huwo wodi le nas al amiyanin ashan bi ayenu. ²² Yesua juwabu wa kelimu le huwomon, ''Bad ma intakum ruwa fi sika takum, wori takum le Yuhana haja al intakum ayenu wa intakum asuma. Amiyanin bi ayenu, abu keringe bi dowuru, jengeli bi ga nedif, atarasa bi asuma, nas al mutu gowumu tani le haya, wa nas al muhtajin wori le huomon kaba al kwes. ²³ Zol la ma wogif amin fogo ana ashan amayiel tai huwo mubarak. '' ²⁴ Bad marasulat tai Yuhana ruwa, Yesua bada kelimu le jumhuur an Yuhana, ''Sunu al intakum ruwa ayenu fi sahara? boos bi hariko ma hawa? ²⁵ Lakin sunu intakum ruwa ayenu? Insan libisu gumash nayim? Ayenu, del al libisu gumash al gali wa bi geni fi beit ta melek. ²⁶ Lakin sunu intakum ruwa ayenu? Nebi? Nam, Ana kelimu le inta, wa aktar min nabi ²⁷ De yau al katibu an huwo, 'Ayenu, Ana rasulu marasla gidam wusa tai fi nus ta del al weledu min mara, al bi sala sika gidam taki. ²⁸ Ana kelimu le inta, fi ta del al moludin min maa mafi al kebir min Yuhana. Lakin al suker fi malakuut ta Allah huwo kebir min huwo. '' ²⁹ (Wokit kulu nas asuma keda, ma zol ta limu gurush, huwomon alinu inu Allah huwo adeel, la anu huwomon amido ma mamudia ta Yuhana. ³⁰ Lakin al feriseen wa Yahudin ta ganuun aba kalam ta Allah le nufus tuomon, la anu huwomon ma amidu huwomon biwasat Yuhana.) ³¹ ''Bi sunu ana bi ferigu nas ta jiel de? Huwomon bi beinu kef? ³² Huwomon ze iyal al bi alabu fi mahal suk, bi nadi bad uomon wa kelimu, 'Anina afuku le intakum sufara intakum, ma alabu Anina guna guna ta bika, intakum ma kore,' ³³ La anu Yuhana al mamadan ja ma akulu regif wa ma asurubu marisa, wa intakum kelimu, Huwo indu shetan,' ³⁴ Jena ta insan ja akulu wa asurubu, wa intakum kelimu, 'Ayenu, huwo akal wa zol sugurugy, sabi ta nas ta limu darayib wa katieen! ³⁵ Lakin hikma beriru ma kulu iyal ta heya.'' ³⁶ Wahid min al feriseen rahibu Yesua ashan bi akulu ma huwo. bad Yesua dakulu fi beit ta ferisee, geni fi tarabeza le akil. ³⁷ Kan fi inak mara fi medina heya kan kati. Wokit heya arufu inu heya kan fi tarabeza fi beit ta ferisee, heya jibu gizaza ta riha. ³⁸ Ze ma heya wogif wara tuo gerib le koren tuo, bi kore, heya bada nedifu koren tuo ma dumu, wa heya masa huwomon ma shar ta ras wa heya bosu koen tuo wa masa ma riha. ³⁹ Wokit Feriseen al rahibu Yesua ayenu de, huwo fekir fi nefsu, kelimu, '' Kan zol de kan nebi, huwo bi arufo munu wa yatu shikil ta mara al huwo bi lemesu, al heya kati. ⁴⁰ Yesua juabu wa kelimu le huwo'' Samaan, Ana indu haja le inta. ''Huwo kelimu ''kelimu, Moalim!'' ⁴¹ Yesua kelimu, ''Kan fi zol tani ta deinu gurus indu etnin nas al deinu wahid indu kumsumia , wa tani indu kamisin. ⁴² Wokit huwomon ma agde dafa le huwo, huwo afi huwomon kulu. Ashan keda, munu min huwomon bi hibu huwo ketir?'' ⁴³ Samaan juabu wa kelimu, '' al indu ketir.'' Yesua kelimu le huwo, ''Inta hukumu sah.'' ⁴⁴ Yesua gelibu le mara wa kelimu le Samaan, ''Inta ayenu mara de. Ana dakalu fi beit taki. Inta ma wodi le ana moyo le koren tai, Lakin heya kasulu koren tai ma moyoena tuo wa masa ma shar tuo. ⁴⁵ Intakum ma wodi le ana gubla, lakin min zaman al ana ja heya ma wogif gubla le koren tai. ⁴⁶ Intakum ma masa koren tai ma zeit, lakin heya masa koren tai ma riha. ⁴⁷ Ashan keda Ana kelimu le intakum, kataya ta heya al ketir, afi_ la anu heya hibu ketir. Lakin al afi suker, huwo hibu suker.'' ⁴⁸ Wa huwo kelimu le heya, ''kataya taki afi. ⁴⁹ ''Del al geni sawa fi tarbeza bada kelimu fi nufus tuomon, ''De munu hata bi afi kataya?'' ⁵⁰ Fa Yesua kelimu le mara, ''Iman taki kalisu inta '',ruwa fi salam