¹ Saba ederi fi awel yom ta Usboh, huwomon ja le turuba, jibu bakur al huwomon jahizu. ² Huwomon ligo hajer lizu bara min turuba. ³ Huwomon dakalu juwa, lakin huwmon ma ligo gesim ta al Rab Yesua. ⁴ Hasil inu, wokit huwomon kan musagarabin faja, etnin rajil wogif jambo tuomon ma gumash lamah. ⁵ Ze ma nasawin del kan mala kafu wa huwomon denger tihit ras tuomon, huwomon kelimu le nasawin, ''Lei itakum bi fetisu al hai bein al meiteen? ⁶ Huwo mafi ini, lakin huwo gum! Zekir kef huwo wonusu le itakum zaman huwo kan lisa fi Jeliel, ⁷ kelimu inu ibni al insan bi selimu fi edan ta nas al khatieen wa bi selibu, wa fi yom al talet bi gum tani.'' ⁸ Naswin zeki kelimat tuo ⁹ wa huwomon rija min turuba wa wori kulu hajat del le al etnashar wa al bagi nas. Mariam al Magdalene. ¹⁰ Yona, Mria uma ta Yakub, wa naswin al ma huwomon wori hajat del le rusuul. ¹¹ Lakin risala de beinu ze wonusa ta nas al ma indu shokul le rusuul, wa huwomon ma amin ma nasawin. ¹² Butrous gum fok jere le turuba, wa denger wa ayenu le kafna ma nefsa tuo. Butrous bada dak ruwa le bet, mustagarab min haja al hasil. ¹³ Etnin min huwmon kan mashin fi nefsu yom le beled isimu Emmaus, al kan masafa tuo min Uruselim siteen kilo. ¹⁴ Huwomon bi wonusu ma bad an kulu hajat al hasil. ¹⁵ Wa hasil wokit huwomon bi wonusu wa bi asalu bad tuomon, Yesua bi nefsa tuo ja wa ruwa ma huwomon. ¹⁶ Lakin uyuun tuomon kan abusu ashan ibi arufu huwo. ¹⁷ Yesua kelimu le huwmon, ''Sunu yau itakum al etnin bi wonusu anu?'' Huwomon wogif inak beinu zalanin. ¹⁸ Wahid min huwomon, isimu Cleopas, juaby huwo, ''inta yau bes zol al ini fi Uruselim ma arufu hajat al hasil talat ayam al fat?'' ¹⁹ Yesua kelimu le huwomon, ''Yatu hajat?'' Huwomon juabu huwo, ''Al hajat an Yesua ta Nasira, al kan nabi, al guwi fi amal wa kelima gidam Allah wa kulu nas, ²⁰ wa kef rais ta khahna wa hukam tanina selimu huwo ashan bi hukumu ma mutu wa selibu huwo. ²¹ Lakin anina indu raja inu huwo yau al bi ja hariru Isarael. Lakin fi de kulu de hasa yom nimra talata min ma hajat del hasil. ²² Lakin kaman, bad min nasawin al kan fi ma aniana saba bederi fi turuba kutu anian tala mustagarabin. ²³ Wokit huwmon ma ligo gesim tuo, huwomon ja, kelimu inu huwomon kaman ayenu ruoya malaikat al kelimu inu huwo hai. ²⁴ Bad rija al kan ma anina ruwa le turuba, wa ligo huwo bes ze nasawin kelimu. Lakin huwomon ma ayenu huwo.'' ²⁵ Yesua kelimu le huwomon, ''O nas al beleteen wa al betieen fi geliba ashan bi amin fi kulu al anbia wonsu! ²⁶ Hal ma doruri le Massiah ashan bi tab ma hajat del, wa ashan bi dakalu fi meid tuo?'' ²⁷ Bedaya min Musa wa min kulu anbia, Yesua fasir le huwomon hajat an nefsa tuo fi kulu kotub. ²⁸ Ze ma huwomon bi ga gerib le beled al huwomon mashin fogo, Yesua mesil ze huwo mashi le mahal beid. ²⁹ Lakin huwomon asuru huwo, kelimu, ''Geni ma anina, la anu hasa bi ga ashiya wa yom kalas kalasu.'' Fa Yesua ruwa ashan bi gen=i ma huwomon. ³⁰ Wa hasil wokit huwo geni tihit ashan bi akulu ma huwomn, huwo shilu rigif, bariko, huwo wodi le huwomon. ³¹ Yala uyuun tuomon fata, wa huwomon arufu huwo, wa huwo wodoro min huwomon. ³² Huwomon kelimu le bad tuomon, ''Hal gelba tanina kan bi haraku min juwa , zaman huwo bi wonusu le anina fi sika, zaman huwo fata le nina al ketab?'' ³³ Huwomon gum fok fi nefsu zaman wa rija le Uruselim. Huwomon ligo al etnashar limu sawa wa del al kan ma huwomon, ³⁴ kelimu, ''Rabuna huwo gum bi hagiga, wa zahir le Samaan. ³⁵ Fa huwomon wori hajat al hasil fi sika, wa hasa Yesua kan wori le huwmon fi kasuru rigif. ³⁶ Ze ma huwomon bi wonusu hajat del, Yesua nefsu wogif fi nus tuomon, wa kelimu le huwomon, ''Salam kede kun ma itakum.'' ³⁷ Lakin huwomon kan kafu wa mala ma kafu, ka anu huwomon ayenu roho. ³⁸ Yesua kelimu le huwomon, ''Malo itakum kayifin? Malo itakum bi asalu sualat fi gelba takum? ³⁹ Ayenu edanat tai korenat tai, de huwo ana nefsu. Lemesu ana wa ayenu. La anu roho ma indu gesim wa adum, ze ma itakum ayenu ana indu ⁴⁰ Bad ma huwo kelimu de, huwo wori le huwomon edanat wa korenat tuo. ⁴¹ Huwomon lisa ma agder fahim ashan farah, wa huwomon kan mustagarabin. Yesua kelimu le huwomon, ''Hal itakum indu haja ta akulu?'' ⁴² Huwomon wodi le huwom gita samaga samaga moshiwi, ⁴³ wa huwo shilu wa akulu gidam tuomon. ⁴⁴ Huwo kelimu le huwomon, ''Zaman ana kan ma iakum, Ana wori le itakum inu kulu hajat katibu fi ganuun a Musa wa anbia wa al fi Mazamir lazim bi kamilu. ⁴⁵ Bad dak huwo fatah mock tuomon, ashan huwomon bi fahim al kotub. ⁴⁶ Huwo kelimu le huwomon, ''Huwo moktub, inu al Massiah bi tab wa bi gum tani min mutu fi tom al talet. ⁴⁷ Tuwba wa affi lazim bi beshiru fi isim tuo le kulu nas, bidaya min Uruselim. ⁴⁸ Itakum shohudin ta hajat del. ⁴⁹ Ayenu, Ana bi rasulu itakum haja al abu ai wadu. Lakin geni takum fi medina lahadi itakum bi libisu guwa min fok.' ⁵⁰ Bad dak Yesua tala huwomon bara lahadi gerib ma Bet aniya. Huwo arufa edanat tuo wa bariko huwomon, ⁵¹ Hasil wokit huwo kan bi bariko huwomon, huwo sibu huwomon wa shilu huwo fok fi sama. ⁵² Fa huwomon abidu huwo wa huwomon rija le Uruselim .ma farah kebir. ⁵³ Huwomon kan mustemirin fi haikal bi bariko Allah