¹ Fi wokit dak, juzu min nas inak wori le huwo an Jelilieen al Pilatus lakbat dom tuomon ma zebeha. ² Yesua juabu wa kelimu le huwomon, ''Itakum bi fekir inu jelileen del katiyin aktar min Jelileen tanin la anu huwomon tab fi sika? ³ La, Ana bi wori le itakum. Lakin iza itakum ma tub, itakum kulu bi mutu fi nefsu sika. ⁴ Wala del al tamantashar nas al fi Siloam al buruj waga fogo huwomon, itakum bi fekir huwmon batalin min nas al fi Uruselim? ⁵ La, Ana kelimu, Lakin iza itakum ma tub, itakum kulu bi mutu kaman.'' ⁶ Yesua wori le misaal de, ''Zol tani indu sejera Tina zarao fi zi tuo wa huwo ja ayenu le samar al fogo lakin huwo ma ligo. ⁷ Al rajil kelimu le jenena, 'Ayenu, Talata senawat Ana ja hawel ligo samar fi sejera tina wa ma ligo wale wahid. Kata huwo tihit. Lei bi sibu huwo karabu turab?' ⁸ Sidu jenena juabu wa kelimu, 'Sibu huwo barao sena de Ana bi afura jambo tuo wa kutu samad fogo. ⁹ Iza huwo weledu samar sena al jayi, kwes; lakin kan ma fi, kat huwo tihit!'' ¹⁰ Yesua kan bi derisu fi wahid min al majami fi Sabbath. ¹¹ Mara kan fi inak indu tamantashar senawat ma roho deif. Hiya kan munhani wa ma bi agder kun adeel le fok kulu. ¹² Zaman Yesua ayenu hiya, huwo nadi hiya wa wa hya m kelimu, ''Mara, inti hur min deif taki.'' ¹³ Huwo wodi eden tuo fogo hiya, wa tuwale hiya kan biga adeel wa hiya mejido Allah. ¹⁴ Lakin rais ta majmma kan zalan la anu Yesua aliju fi Sabbath. Fa rais juabu wa kelimu le jumhuur, ''Inak fi sita ayam al huwo dururi le shokul. Tal wa aliju, ma fi yom Sabbath.'' ¹⁵ Rabuna juabu huwo wa kelimu, ''Nas al kadabin!Hal mafi wahid min itakum bi fiku thor tuo aw himar min habil wa bi sugu ashan bi asorubu moyo fi Sabbath? ¹⁶ Fa nefsu beniya ta Abraham, Ibilis robutu le muda tamantashar senawat, ma bi fiku fi yom Sabbath?'' ¹⁷ Ze ma huwo kelimu hajat del, kulu del al aridu hueo kan bi fadiya, lakin al jumhuur kulu kan bi afra le kulu hajat al mumejid huwo amulu. ¹⁸ Bad dak Yesua kelimu, Malakuut ta Allah ze sunu, wa sunu Ana bi karinu ma huwo? ¹⁹ Huwo ze haba ta khar dal al insan shilu wa jada fi jenena, wa huwo raba biga sjera kebir, wa tiyuur ta sama abinu biyuut tuomon fi furu tuo.'' ²⁰ Tani huwo kelimu, ''Ma sunu ana bi karinu malakut ta Allah ²¹ Huwo ze kamira al mara shilu wa lakabatu ma talata kilo ta degit lahadi huwo bi waza kulu degi.' ²² Yala yesua safir min medina wa beled dersu wa bi sala ska tuo le Uruselim. ²³ zol tani kelimu le huwo, ''Rabuna, nas besit bes yau bi kalisu?'' Fa huwo kelimu le huwomon, ²⁴ ''Nadil ashan ita bi dakalu min bab al deyiik, la anu, Ana kelimu le inta, ketir der dakalu, lakin ma bi agder dakalu. ²⁵ Mara sidu beit gum fok wa gufulu bab, ya inta bi wogif bara wa dugu bab wa kelimu, 'Rabuna, Rabuna, kede anina dakalu.' Huo bi juabu wa kelimu le inta, 'Ana ma arufu inat aw inta ja min wen.' ²⁶ Yala inta bi kelimu, 'Ana akulu wa asorubu fi gidam taki wa inta fekir fi sika tanina.' ²⁷ Lakin huwo juabu, Ana kelimu le inta, Ana ma bi arufu inta in wen. Wasa bara min ana, itakum nas bi amulu shar!' ²⁸ Inak bi kun kore wa adii sunun wokit itakum ayenu Abraham, Ishak, Yakub, kulu anbia al fi malakuut ta Allah, lakin jadao intakum bara. ²⁹ Huwomon bi ja min shirik, garib, shamal,wa junub wa bi geni fi tarabeza fi malakuut ta Allah. ³⁰ Arufu de del al huwomon agala ahmiya bi kun awel, wa del al aksar ahmiya bi kun akir.'' ³¹ bad min Firiseen ja wa kelimu le huwo, ''Ruwa wa geni ini la anu hirodus dre katulu inta.'' ³² Yesua kelimu, ''Ruwa wa wori le sa alab, 'Ayenu, Ana turuju bara shayateen wa bi amulu ilaj alela wa bukora, wa yom nimira talata Ana bi wosulu le hadaf tai. ³³ Fi aye hala, huwo muhim le ana ashan bi istemir alela,bukora, wa yom al tani ze ma huwo ma kwes ashan bi katulu nebi bara min Uruselim. ³⁴ Uruselim, Uruselim, munu katulu anbia wa rejimu del al rasulu le itakum. Kef dayiman Ana indu niya ashan bi limu iyal takum fi teriga al gidada bi limu beida tihit jina ta hiya, lakin ita ma indu niya de. ³⁵ Ayenu, beit taki sibu karabu. Ana ''.kelimu le ita, ita ma bi ayenu ana lahadi ita bi kelimu, 'Baraka le huwo la ja fi isim ta Rabua