¹ Hasa fi ayamat de, zaman adat ta dalamis kan gi zidu, shukua ja min Yunanin al Yahudin did Ibraneen, ashan aramil tumun biga bi ferigu fi tuzi ta akil ta kulu yom. ² Talamiz al itnashar nadi jumhur ta talamiz wa wunuso, ''Uwu ma sah ashan inna bi sibu kelima ta Allah ashan bi amulu kidima ta tuzi. ³ Ashan kida itakum ya bi iktar, Ikeua, saba Rujal min nus takum, nas al indu suma kues, maliyan be Roho wa Hikema, al inna bi agder wedi le umun shkul de. ⁴ Kan le inna, Inna diaman bi istemir fi salawat wa fi kidima ta kelima.'' ⁵ Kalam tumun ajibu jumhur kulu. Umun iktar Istifanus, rajil malian be iman wa be Roho al Kudus, wa Filib, Burukurus, Nikanur, Timon, Berminayus, wa Nikulaus al ja min Antakiya. ⁶ Muminin jibu rujal de gidam ta rusul, al seli wa kutu iden tumun fi ras tumun. ⁷ Kalam ta Allah istemir rua gidam(setetu), wa adad ta talamis fi Urshelim zidu ketir, wa adad kebir min Kahana bega bi tii iman. ⁸ Hasa Istafanus, malian be naima wa gowa, kan bi amulu ajaib wa mujizat ketir fi nus ta nas. ⁹ Lakin baad min nas al tabiin le majma al gi nadi majma ta Ahrar, min al Gairawanin wa al Iskandarin, wa tanin min Kilikiya wa Asia. Nas de kan gi nakish ma Istifanus. ¹⁰ Lakin umun kan ma gaderin ashan wegif did Hikima wa Roho al kan Istifanus bi wunuso be uwu. ¹¹ Baat kida umun wedi rushuwa le baad min rujal ashan bi kelim, ''Inna asuma Istifanus wunuso kelimat ta tejdif did ta Musa wa did Allah.'' ¹² Umon towru nas , shiuk, wa kataba, wa umon wajihu Stifanus wa amsuku uwo wa jibu uwo gidam ta mejles. ¹³ Umon jibu shuhud kadabin, al kelimu, ''Zol de ma gi wagif wunuso kelimat dit makan al mukadas de wa namus. ¹⁴ Ashan nina asma uwo kelim inu Yesua al Nasiri de bi demiru mahal de wa geru tagalit al Musa istelimu le nina.'' ¹⁵ Kulu zol al kan fi mejles rekis uyon tumun fogo uwo wa ainu usa tou ze usa ta malaika.