¹ Loli une ngumutuma kukwinu febe umuyemba witu,umubowa chipanga cha kenikilaya. ² Ukuti mumupokele momu Malafyale, ngati samo babaghile ukubapokelela abaswepu: Mumwafwe kosi aka linga kamwghite afumbitwe,nama wepe mutuli wa bingi,sona anyafwa nune, ³ Mundamukile u Pulisikanna Akwila ababombi abanyi mwa kilisiti Yesu. ⁴ Bo ubumi bwabo bubabikite mubulughu pa chifukwa changu tenene nenguwa ulupi kukwabo,loli nafyo fipanga ifya bapanja: ⁵ Mundamukile nu Epeneti umughani wangu,yo ipile wakwanda pakumwitika kilisiti muchisu cha Aisa: ⁶ Mundamukile nu Mariya,yo iyula ngani pa kubabombela umwe. ⁷ Mundamukile Andironiko numYuniya,bo tuli chikolo choka,Sona bo twali poka mumilandu, abandu bobafumukitwe mubutumiwa Bobo bandite ukuba kilisiti bo ngali une. ⁸ Mundamukile Amupiliyati umughaniwa wangu mumalafyale. ⁹ Mundamukile u Rubani umubombi umunyitu,mwa kilisiti ,nayo sitaki umughaniwa wangu. ¹⁰ Mundamukile Apele yo afumukite ngani pa mbombo ya kilisiti,mundamukile nabamunyumba ya Arisitobuli. ¹¹ Mundamukile nu Horodio yo tuli chikolo choka: mundamukile na banyumba ya Nayakisi bo bali mo mu Malafyale. ¹² Mundamukile Trifayina nu Trifosa,abakolo bobakwiyula pa mbombo ya malafyale, mundamukile in Peresidi umughaniwa yo iyula ngani pa mbombo ya Malafyale. ¹³ Mundamukile nu Rufi umusunguliwa Malafyale nu mukolo,yo ipelite ukuba we mayi nune. ¹⁴ Mundamukile aba Asinkriti,Frego,Herine, Patroba, Herma,na bawamwowo bobali poka nabo. ¹⁵ Mundamukile Filologi,nu Yuliya,Nerea umuyemba, nu Olimpa,poka na bikemo bosi bobali nabo. ¹⁶ Mulamunganeghe mwebene bubu nukulaka kwa chi kilisiti,Ifipanga fyosi ifya kilisiti fikubalamuka. ¹⁷ Mwe banyitu,ngubasuma ukuti mwande kubobakupela akulekana sona bakubasofya kulumanyisyo love mwamanyisisye: bo mubepukile. ¹⁸ Nama bababa batakumubombela u Malafyale witu Yesu kilisiti,loli syofukwe syabo syene,Sona bakubasyoba sitakwinong'ona imbibi,namasyu ghabo aghakubapoka nu kulya pabili. ¹⁹ Nama ukwifwala kwinu kufumukite mubandu bosi,popo Indi nulusekelo pa chifukwa chinu,loli une nighanite ukuti muye bamahala ku bwisa: loli ku bubibi ko mutakinong'olengeko. ²⁰ Umwene loli uChala umwene lutengano yo tise amutikitanie usetano lubilo lubilo pasi pa finama finu,ichisa cha Yesu kilisiti Umalafyale witu chochiye numwe. ²¹ Timoti umubombi umunyitu akubalamuka,na Lukiyo,na Yasoni nu Sosipateri abanyitu. ²² Nune ne Tertiyo ne simbite u kalata yuyu ngubalamuka momu Malafyale. ²³ Akubalamuka wepe u Gayi,yo ambokelite une munyumba yake,poka nichipanga chosi,ngumulamuka nu Erasto umulindilila ndalama isya kaya aka: nu Kwarti uwamwitu. ²⁴ Ukumalisya nukulamuka ukwa lutufyo. ²⁵ Umwe uChala yo amenye ukubakasya umwe ukufywana na masyu amisa agha ngughafumusya agha Yesu kilisiti Sona ukufwana nukusetuliwa kwa syabufifamu syosya bwamite ukufuma pa kale. ²⁶ Ipano loli pasibonekite pa bwelu sifumisiwe kubapanja mumasimbo gha balaghusi,sona sikomelesiwe nu Chala yo aliko bwile na bwile sifumukwite mufikolo fyosi ukuti bosi bamwitike nukumufwila. ²⁷ Kwa chala yuyu yo wamahala mwene bubu,yo ulwimiko luyeko kukwake mwa Yesu kilisiti,bwilebwile bubu Ameni.