¹ Ukalata wa Pauli ku Roma ukulamuka Une ne pabuli ne mubombi wa Yesu khristu ne uChala akanyilisya ukuti imbe mutumiwa uwa naloli ukufumusya amasyu amisa agha Chala. ² Syosyo akapangana na balaghisi bake abakale ngati samo sisimbiwe mumasimbo amisa. ³ Syo sikumuyugha umwana wake yo kumbali ya mubili akapapiwa mo muluko lwa Davidi. ⁴ Yo akimikiwa ukuba mwana wa Chala mumaka ukuyana nu mbepo umwisa Po akasyukagha kubafwe, uYesu khristu umughindikiwa witu. ⁵ Mulamula momo tukapokela akayilo nu kutumiwa ukuti uluko losi lumwifwile ukwitika pa chifukwa Cha lita lyake. ⁶ Mu baba momo numwe mwitikisiwe ukuba mwe ba yesu khristu. ⁷ Tukubasimbila mwe bakamu ba Chala mwebosi mwe muli mukaya ka Roma umwe mwe baswepu ichisa cha Chala chibe numwe nulutenganio lolukufumila kwa Chala Tata na kumughindikiwa witu Yesu khristu. ⁸ Ngwanda ukupalisya kwa Chala wangu ukwendela mwa Yesu khristu pa chifukwa chinu mwebosi, nama ukwitika kwinu kumanyikitwe muchisu chosi. ⁹ Pakuti uChala yo ngumubombela na mumbepo syangu munongwa inyisa isya mwana weyo akutesya mumwangu. Ngulindila ukubakumbusya umwe bwile munyiputo syangu, ¹⁰ Ngusuma ukuti linga uChala angitikisya mubwighane bwake imbe nubulendo bwa kwisa kukwinu uko ipano. ¹¹ Nama po ngunyeywa ukwisa pqkubatesya umwe, ukuti nune pamoningabapapo chimo ichikungilwa icha kubakasya. ¹² Ngabala ukupakisania mukati mulwitiko lotuli nalo une numwe. ¹³ Mwe wanyitu ndighanite ukuti manye musimanye ukuti kabilikabili nalonda ukuti nise kukwinyu lolei nasighiwagha mupaka ukufika nulu,nalonda ukuti imbe niseke mukati mukati mumwinu. ¹⁴ Newa kulongiwa naba Griki naba kaya kaba Griki naba mahala nabasita mahaha, ¹⁵ Po losi ulu ngulonda ukubafumukisya amasyu amisa na kukwinu mwe muli mukaya kama Roma. ¹⁶ Nama une indi nulusubilo pa masyu amisa, aghene gho maka gha Chala gha kumupoka wesi yo akwitika, umu yuda tasi popise umu Griki. ¹⁷ Munomuno mo bukubonekela ubwisa bwa Chala, ukufuma mulwitiko ukutesya mulwitiko, popo lisimbiwe ilya kuti umugholofu akubwagha ubumi mo mulwitiko. ¹⁸ Nama ubukalale bwa Chala bubonekile ukufuma kumwanya pa butulanongwa bwa bosi, nubunyongane bwa bandu bosi,bo bakubunyokesya kunyuma ubwanaloli, nubunyongane bwabo. ¹⁹ Nama tosi utwa kumumanyilamo uChala tuli pabwelu mumwake bosi ababonesisye yo Chala. ²⁰ Nama akayilo kake katakuboneka nguyugha amaka ghake agha bwile bwile nubwa Chala bwake kabonekile pa bwelu mutundu utu apelite ukufuma pabwandilo bwa chisu, popo abene batakaba nisya kwiyugha ubwisa. ²¹ Napo bakamumanya uChala batakamwimika ngati we Chala sona batakapasya nakukwake, loli bakaba ba bubu munyinong'ono syabo sona indumbula syabo isita mahala sikipela chisi. ²² Abene bakwiyugha ukuba bamahala po bakwibika ukuba bakonyofu. ²³ Bakubukusya ubukulu bwa Chala bobutakumala ni chifwani cha mundu yo afukitwe nicha fiyuni nicha finyamana, nicha fyo fikwendela ulufukwe. ²⁴ Popo uChala abalekite mufinyenywa fya mundumbula syabo, bobo bunyali bwa kwibonesya bene imibili yabo: ²⁵ Popo abene baghulisya ubwanaloli bwa Chala nu bumyashi, bakiputagha nukuchibombela ichi peliwa ukukinda umupeli yo imikiwe bwile bwile bubu Ameni. ²⁶ Popo uChala akabaleka mufinyo ywa fwa bwalangani: Nama abakolo babo bakasyandula imbombo ya mibili yabo namo bakapeliwe, bakabomba syo batakapeleliwa ukubomba. ²⁷ Bope nabanalume bubu bakaleka akuba nabakolo babo ngati isamo bakapeleliwa bakanyenywana bene bubu. Mufinyenywa, abanalume bakabombagha nabanalume abanine isyakukosya isoni, sona bakisenyela ifilimphwa fyo fikayana nukunanga kwabo. ²⁹ Abene biswile nubunyongane bosi nubutamie nu kunyenywa fyosi nububibi, biswile nakabini, nukughogha nubwite, nubunyasi ninyinong'ono imbibi, bakuyeba. ³⁰ Bamahelu bamubengite uChala ba matingo bakwitufya ba kwiyimika bobo bakwanda imbibi, bakubila abapipi. ³¹ Basitamahala bakupufania ukupulikana, bate nubumanyi nabumo, batakupakisya. ³² Abene napo bamumenye ubutumuloli bwa Chala, ubwa kuti bosi bo bakubomba sisisi kubabaghile ko kufwa, batakubomba ko kubomba kwene bakubitikisya nabo bakubomba.