¹ Ukufuma po Paulosi akisa ya Derebe naku Lisitira, mukristu yumo ingamu yake Timote akikalagha kulakula. ung'ina akawa mukristu waluko lwa chiyuda, uwise akawa mu Grika. ² U Timoti akawa wakumanyikwa nakayilo akisa ngani kuwa kristu wamutawuni ya Listra nu ikoniya. ³ Paulosi akalondagha ukuti endaghe nu Timote, po wakamwegha chifukwa chawayuda wowakawa mulamula, wakamumanya ukuti utata wake akawa mu Griki. ⁴ Wakendagha mumatawuni, wakaperekagha indaghilo shisho awatumiwa nawasongo wakapanga pawungano wakuyerusalem po wakawawula ukuti wasungilire. ⁵ popapo amachalichi ghakanda ukuwala mubwanaloli awandu wope wakawalagha ishiku ni shiku. ⁶ Akapulusania mu chighawa cha firigiya naku Galatiya. Umbepo mwikemo akakana ukuti waleke ukwiputisha mu chighawa cha Asiya. ⁷ Mwo wafika mu chghawa cha misiya, wakaghela ukuwuka mu chighawa cha Bitiniya,lore umbepo wa Yesu akakana. ⁸ Pakupulusania mu chighawa cha misiya, wakilomukira pilowoko lya Trowa. ⁹ Nuwushiku amaloto ghakamwisila u paulosi. Wakamuwona umundu waku makedoniya imilire akuwasuma akuti mulowokere kuno ku makedoniya mwise mututule! ¹⁰ Wakati waghawona amaloto agha, mwalubilro wakati tuwukaghe kumakedoniya tuye tufikeko u chala atwitisha pakulumbilira amashu amisa. ¹¹ Tukati twenda ukufuma pilowoko lya Trowa, tukenda ukuya ku samotarake, ningelo lyake tukuya ku tawuni ya neyapoli, ukufuma apo tukaya ku wa Filipi, ¹² Yiyo tawuni inguru ngani muchighawa cha makedoniya, sona mwomwo awaroma wingi, Lore tukikalamo amashiku ghamu. ¹³ Pisiku lya sabata tukafumamo mukati mwatawuni nukuwuka mumbali mwalusoko, mumwo tukinong'onagha ukuti muli ubuyo bwakuputilamo. Tukikala nukulumbilira kuwakolo wowakawungana pala. ¹⁴ U umukolo yumo akitikisha akawa wi Lidiya uwaku chighawa cha Tiyatira, yuyo akawa wakughulisha imyenda imikesamu, sona akawa mukolo wakumwiputa u Chala. U Malafyale akighula umtima wa mukolo uyu kumashu ghagho upaulosi akalumbiliragha. ¹⁵ Umwe pamupene nawa mnyumba yake wakoshiwa. Lidiya akatusuma akati, Linga mwambona newa kusuwaliliwa kwa Malafyale, sakuno mwise mwikalaghe mnyumba yangu, akayughagha papipi pipi. ¹⁶ Ishiku limo potukawukagha kubuyo bwakwiputilako tukakomana numulindu wambombo, yuyo akawa numbepo, wakulaghula, chifukwa cha kulaghula kwake akamupa usekuru wake ichuma ichikulu ngani. ¹⁷ Umulindu yura akamukongesha upaulosi nutwe. Akakoleragha akatingi, awandu awa wawombi wa Chala uwa pamwanya ngani, wakurumbilila isila ya wupoki! ¹⁸ Mashiku amingi mwomwo akapangiragha. upaulosi chitakamuhowoshanga kundumbula yake, po akatembenuka nukumuwula u mbepo yula akati, ingukuwula mungamu ya Yesu inguti, Fumamwo umwo! Papo napapo umbepo yura akafumamwo pakabaliro kalakala. ¹⁹ Po awenecho wamulindu yula mwoketa ukuti ukupokelera ichuma chawo chashila, wakamukora u paulosi nu sila, nukuwuka nawo kunyumba yanongwa pandashi pawasongo. ²⁰ Mwo wafika nawo pawalongi, wakati, awandu awa wa yuda, sona wakutimbanisha itawuni yitu. ²¹ Wakulumbilila amashu ghogho kutwe wakutishikula twe wa Roma sona tutangaghapokera. ²² Po ichigulu chikingilirapo. Awalongi wala wakuti mu wafule ifyakufwala fyawo awatumiwa sona muwakomemo. ²³ Wakawakoma nukuwighalira mu Jere, wakamusokesha uwakuwalindilira wakati uwa keteleshange ingani. ²⁴ Wakatu wapulika amashu agha wakawighalira mu chipinda chamukatikati, wakapinya utulundi twawo kuchikokwe. ²⁵ Pawushiku u paulosi nu sila wakimbagha inyimbo sha Chala nukwiyiputila, awa kayidi wakawa pulikishanga. ²⁶ Mwakunyomosha kukisa akasenyende akakulu mupaka inyumba yawakaidi yikaneng'ena, ifyighi fyoshi fikighuka mupaka imbingu shawandu woshi shikasatuka. ²⁷ Yuyo akalindilira awakaidi akalamusha mutulo, mwo aketa ukuti kumulyango kuli bwashi, akaghusa umupanga akalondagha ukwighogha, akinong'onagha ukuti awakaidi wakinda. ²⁸ Lore u paulosi akakolera namashu amakulu akati, reka ukwighogha, chifukwa tweboshi tuli muno! ²⁹ Umulinda yula akegha inyale yake, pakuwa nubwogha akakindila mukati, akaya awa pasi pa paulosi nu sila. ³⁰ Akawafumia pase nukuwalalusha akati, wosongo, kakokuti imbombeki ukuti imbokele? b ³¹ Wakamuwula wakati uplikane nu Malafyale uYesu po ndiupokiwe, pamupene nawamunyumba yako. ³² Wakalumbirila amashu gha Malafyale kukwake pamupene nawa munyumba yake woshi. ³³ Pakabalilo kakako akalishiku liralira uwakulindilira awakaidi akasuka ifilonda fyawo, po umwene nawa munyumba yake woshi wakoshiwa. ³⁴ Popapo akawingisa munyumba mwake nukuwapa ichakurya. Umwene pamupene nawa munyumba yake wakahowoka pakuti witikana nu chala. ³⁵ Kukati kwacha awarongi wakatuma amashu kuwosongo wawasirikali wakati muwasatule awandu awo. ³⁶ Po uwakulindilira yula akamuwula u paulosi akati awalongi wandumila amashu ukuti imbasatule umwe muwukaghe, Loshi ulu fuma mwende akisa. ³⁷ U paulosi akamula akati, wakatufyapula pamaso ghawandu kushita kutulonga nukutuponya muprison, po nutwe tuli wa Roma, pakabalilo aka wakulonda watufumie kumbali? Hagha! Lore awene wise wawo watufumie. ³⁸ Awasilikari wakaya wayugha amashu agha kuwarongi, po awarongi wakanda ukughopa mwowapulika ukuti awandu wala wa Roma. ³⁹ Wakanyamuka nukuya pakupepesha, sona wakawsuma ukuti wafumemo mutawuni mula. ⁴⁰ Paulosi nu sila wakafumamo mu prison wakawuka kunyumba ya Lidiya, po kulakula wakakumana nawa kristu awanine, wakayughisania nukukasania, popapo wakafumamo mutawumi mula.