¹ Abakutumiba nabakupulikana abo bakaba mu chisu cha Yuda bakapulika ukuti aba mitundu bope bapokela amashu gha Chala. ² Pala u petulos akakwelera ku Yelusalemu boshi abo bakawa bakulongosoka bakamususya u petulos bakati, ³ Ube kubuka ku bandu sayibe nukulya nabo pamupene! ⁴ Popapo u petulos akababula kalikoshi amakani ghoshi namwo fikabombeliwa akati. ⁵ Ishiku limulyene apo ngiputagha mutawuni ya Yopa, ifyakuswighisha fikanyisila ngaketa ichindu chikufuma kumwanya ngati chitenje ichikunu ngani yakolibe pafipefu folo chikisa chafika pongawa une. ⁶ Ngaketa mukati mwake ngaketa ifinyamana ifya tulundi folo ifikolo fya mumatengele, ifyakwafula pasi sona nu tuyuni utwa mmwanya. ⁷ Papapo ngapulika amashu ghakumbula ghakuti, nyamuka petros lole uyunge. ⁸ Lole ingamula ingati pantini pase malafyale pakuti nakale indalilepo ifindu fyabupopo. ⁹ Amashu ghakayugha sona ukufuma kumwanya ghakati, icho uChala asololosha ukufuma kumwanya uleke ukuyugha ukuti fyabupopo. ¹⁰ Ifyakuswighisha ifi fikaboneka katatu ichindu chila chikakwela sona kumwanya pakawaliso kalakala. ¹¹ Pakabalilo kalakala abandu batatu bakafika panyumba yo akikalamo akatumiwa nune ukufuma kutawuni ya kesaliya. ¹² Umbepo akambula ukuti imbuke nawo nokushelashela abakupulikana nabo bala five bope bakabuka nune ku tawuni ya kesaliya tweshi tukabuka pamupene nukwingila m'nyumba ya Koloneliyo. ¹³ Umwene akatubula mwa akamubonela namwo akamubonela ubandumi ba Chala uyo akimilila panyumba yake yuyo akumuwula akuti, ubatume abandu ku tawuni ya Yopa ukuti baye bamwitishe simeoni uyo bakumwitisha petros. ¹⁴ Sona akwisa pakubabula amashu agho ghakwisa pakukupoka ube naba mu nyumba yako yosi . ¹⁵ Ngati nanda pakuyugha umbepo mwikemo akabisa pakukupoka ube naba mu nyumba yako yasi. ¹⁶ Ngakumbuka amasyu gha malafyale agho akaygha akati, Yohani akoshiwa na mishi, lole umwe mukwisa pa koshiba nu mbepo mwikemo. ¹⁷ Baghe uChala akabapa ichabupe chakuyanashe naicho tukafikagha apo tukapulikagha umalafyale u Yesu kilisitu koti ngawa ne bini une ukuti nimikane nu Chala. ¹⁸ Akati apulika ichi akabba mye sona akamughindika u Chala akati ipo uChala abape ku bakuse bubu ukung'anamuka m'mtima nukupokelela ubwumi bwa bwila bwila. ¹⁹ Popopa awakupulikana bala akafukwa alibeshi akayanga ukwake kwake chifukwa chakaghofya apo kukanyamuka pala Stefano akaghaghibanga bamu ba ala bakabukiliragha mpala bakaya bafika mu chigaba cha Tonike, na ku chilwa cha Kipro sona na ku tawuni ya Antiyoke, akafumushanga amashu amisa kuba yuda bene, kubanine hagha. ²⁰ Lole abakupulikana abamu abo bakafuma ku chisu cha kilene bakabuka kutawuni ya Antiyoke bakiputishanga amashu gha malafyale yesu nakubakuse bubu. ²¹ Amaka gha Yesu ghakawa nawo sona ichilundilo icha bandu abingi bakapulikana nukung'anamuka kwa malafyale Yesu. ²² Amashu agha ghakaya ghafika ku chalichi cha Chala icho chikawa ku Yelusalemu, po bakamutuma uBalanaba ku tawuni ya Antiyoke. ²³ Akati afika akaketa imbombo sya Chala isya kuswighisya isyo sikabombi banga mukati mubandu posona bakahoboka, bakawakasha ukuti mumukoleleshe umalafyale sona mube basubaliliba naloli. ²⁴ Barnaba akaba mundu bakwisula nu mbepo mwikemo sona akawa mundu bakupulikila u malafyale withu, abandu abingi bakapulikila u malafyale. ²⁵ Popapo u Balanaba akabuka kutawuni ya Taliso akaya pakumulonda u Sauli. ²⁶ Akati amwagha akisa nawe ku tawuni ya Antiyoke. Ichinja choshi ichipuma boshi babili bakaba mu chalichi mulamula icha Chala, akamanyishanga ubwingi bwa bandu chisu cha Antiyoke mulamula abafundiba bakanda ukubitisha ukuti bakilisitu.. ²⁷ Mu mashiku ghala abanjimi bamu wakabuka ukufuma ku Yelusalemu ukuya ku tawuni ya Antiyoke. ²⁸ Muyumuywene ubanjimi yula akaba bi agabu akimilila sona na maka gha mbepo akuyugha ifya mundashi ukuti isala ingulu tiyibe mu chisu choshi isala yila yikabako mukabalilo kala akakesale kilandiyo. ²⁹ Abafundiwa bakatumula ukuti umundu alibeshi atumisye chosi cho alinacho chakwafwa, abakilisitu abanyinyu aba bakikalagha mu chisu cha Yudeya. ³⁰ Bakapanga ichi popo bakatumishanga indalama kubosongo ba mchalichi mutukono twa Baranaba nu Sauli.