¹ Tesya ba Teofilo umwe, amasyu ghala aghabwandilo ngatendekesya fyosi mo uYesu akandila pakubomba nukumanyisya. ² Ukufika isiku lila akeghiwa ukubuka kumwanya, bo amalisya ukulamulila mwa mbepo mwikemo ubatumiwa bo akabasala,. ³ Kukwabo akibonesya mwene wabumi mu fimanyisyo ifyingi, mokwamala ukubabiwa kwake akabonekela kukwabo amasiku 40, nukubabusya bunyafyale bwa Chala. ⁴ Sona akabungana nabo pamupene nukubalamula ukuti batakafumemo mu Yelusalemu, balindilile ipangano lya Tata, lilyo akati mukapulika ku une. ⁵ Po uYohani akabosya naloli na misi, lole umwe timukosiwe numbepo mwikemo amasiku ghatenditepo abingi. ⁶ Po bakabungana pamupene, nukumulalusya unwene, bakati, "Ka kokuti pakabalilo aka timunyosye ubunyafyale kuba Isilayeli? ⁷ Akati kukwabo, fitakumwe pakumanya akabalilo ko uTata tise abike ubulamulilo bwake mwene. ⁸ Lole tise mupokele amaka, linga uMbepo mwikemo isa papinyu , ti mukabe bakaboni bangu mu Yelusalemu na mu Yedeya mosi na mu Samaliya ukufika ku bumalilo bwa chisu. ⁹ Bwo ayugha sisisi, akukelengania, akanyamuliwa ni bingu likamupokelela ukumufumyapo pamaso pabo. ¹⁰ Po bakutesya kumwanya mo akubukila, pambali pabo pakimilila abalisya babili bakafwala imyenda imiswepu. ¹¹ Bope bakati mwe balisya baku Galileya, mwimilile nukutesya kumwanya? uYesu mwo apokeleliwa ukubuka kumwanya, momwo ndakisile sona isamo abukioa kumwanya. ¹² Popapo bakanyokela ku Yelusalemu ukufuma kuchighamba cha Azitona Cho chikaba kupipi nu Yelusalemu ko bakendagha pisiku lya sabata. ¹³ Po mwo ingila akakwela kuchipinda chapamwanya ko akwikala nu Peteli nu Yohani nu Yakobo nu Andileya, Filipo nu Tomasi, Batolomeyo nu Mateyu, Yakobo umwana wa Alifeyo nu Simoni Zelote nu Yuda umwana wa Yakobo. ¹⁴ Bosi pamupene bakatangwanika nukwiputa nu ng'ina wa Yesu uMaliya na bakamu babo. ¹⁵ Po mumasiku agho u Peteli akimilila pa bakamu bake akati (Gulu losi ili lyabungana pabuyo ubu tukakwqna 120) ¹⁶ "Mwe balisya, bakamu bangu, fikwenelela ukuti amasimbo ghakwanilisiwe, fyo umbepo mwikemo akayugha mumulomo wa Devedi isya Yudasi, umulongosi yo akamukola uYesu. ¹⁷ Pakuti bope akabelengekiwanga pa uswe sona akapokela amaka mukutumiwa kwitu". ¹⁸ UYesu akiyeghela mwene ubuyonni chabupi chisita kwenelela, akaba nikutangisya umundu akapufuka pakati, amaka ghake ghosi ghakafutuka. ¹⁹ Wesi yo akwikala mu Yelusalemu akasimanya, munjugha yabo akachisu ako bakati ko "Alikedama", chikung'anamula chisu cha libanda. ²⁰ "pakuti filembiwe mubuku lya masalimo ukuti, 'Po aghonagha mu paleke, pene patakaghonepo umundu, sona uyungi ingilepo pa buketi bwaKe'. ²¹ Yumo mu uswe yo alinutwe pamupene akufuma po uYesu akisa nufumapo pakati pa uswe. ²² Ukufuma pa lwoso lwa Yohani, mupaka pisiku lilyo akeghiwanga ukubuka kumwanya nukutuleka, yumo mwa uswe abe bikaboni bakusyuka kwake. ²³ Bakasalapo ingamu sibili, uYosefe yo bakamwitisyanga Balasaba limo bakatingi Yusitosi nu Matiya. ²⁴ Po bakiputa bakati Malafyale uwe amenye indumbula sya bandu bosi. ²⁵ Mutulangisye yuyo mwamusala pa babili aba eghe imbombo ya batumiwa bo uYuda akabuleka po akabukagha kubuyo bwake. ²⁶ Panyuma pa ichi bakapanga amasakisyo ghakakola u Matiya, weyo akabelengeka pamupene na batumiwa bala 11.