¹ Pali ubo bwine bushiku epo babelengele icitabo cakwa mose mu matwi yabantu. Emo basangile ifyo balembele ukuti abena Amoni nangu abena Muabu tabafwile ukwisa mukulongana kwa kwa Lesa, mukutwalilila. ² Nipa mulandu wa kuti tabaishile ku bantu abena Isuleli no mukate na menshi, Nomba baimishe Balaamu Ukutipa abena isuleli. Lelo, Lesa wesu apilibwile intipu ukuba amapalo. ³ Lintu baumfwile ili funde, bapatulwile abenafyalo ukubafumya mubena isuleli. ⁴ Nomba ilyo ifitafilacitika Eliashibu shimapepo asontele uwa lelolekwesha mu fyumba umo balebika ifintu mu ng'nda yakwa Lesa wesu. Ali lupwa lwa kwa Tobiah. ⁵ Eliashibu apekanishishe Tobia icumba icikalamba umwakubika ifipe, umo kale balesungila imitulo ya mbuto,ifya nunkila bwino, ifipe, ne fyekumi fya mu mumbuto, umwangashi upya, na mafuta ayo abalelinda pa minshi abena Lebi, ba kemba, ayo abalelinda Pa minshi, ne fyo balesangwila bashimapepo. ⁶ Nomba pali iinshta shalimu Yelusalemu. Pantu mumwaka walenga amakumi yatatu na ibili iya kwa Atakisakese imfumu ya mu Babiloni naile kumfumu. Panshita iimbi na ebele imfumu ukuti ipele insambu ukuya, ⁷ kabili na bwelulukile ku Yelusalemu. Na umfwile icilubo ico Eliashibu acitile ica kupela Tobia icumba ca kubikamo ifipe mu musolo wa ng' anda ya kwa Lesa. ⁸ Nalifulilwe sana kabili naliposele ifipe fyonse ifyali mu ng' anda yakwa Tobia ukufifunya mu cumba cakubikamo ifipe. ⁹ Naebelepo bamo ukuti basangule ifyumba fyakubikamo ifipe, kabili nabweseshe ifipe ifyali mu ng' anda ya kwa Lesa, imitulo ya mbuto, ne fya nunkila bwino. ¹⁰ Naishile ishiba nokuti abena Lebi bali no kula bapela tabalebapela, kabili bali butwike, cila umo kwibala lyakwe, abena Lebi naba kemba abalebomba umulimo. ¹¹ Elyo nakalipile ba shimutindikwa, no kubeba ati, "Cinshi yalekeleshiwa ing' anda yakw Lesa?" Nabakolonganike pamo no kubabwesesha mufifulo fyabo. ¹² Elo aba Yuda bonse baletele icekumi ica mumbuto, umwangashi upya, na mafuta mu fyumba fyakubikamo, ¹³ Nasontele abakusunga mu ng' anda ya kusungilamo Shemaia shimapepo na Sadoki kalemba, nabafumine mu bena Lebi, Pedaia. Abakonka pali bena bali ni Hanani umwana umwaume Sakuli umwana umwaume uwa kwa Matania, pantu balependwa aba cinshinka. Imilimo yabo ya kwa kanya ifyalepelwa muli bamunyinabo. ¹⁴ Munjibukishe nebo, me Lesa wandi, ukulosha pali ici, mwifuta imilimo iisuma intu nabombele mu ng' anda ya kwa Lesa wandi pamo ne milimo. ¹⁵ muli isho shine nshiku na mwene abantu abamu ba Yuda abalenyantaula umwakufina imyangashi pa sabata no kulaleta imipili ya ngano balebika pa mpunda, pamo no mwangashi, ifisabo, imikunyu, ne misango yonse iya fipe ifya fina, iyo baleleta mu Yelusalemu pa bushiku bwe sabata. Nalikomeke ukuti belashicisha ifyakulya pali ubu bushiku. ¹⁶ Abaume ukufuma ku Tuli abaleikala mu Yelusalemubaleta isabi ne misango yonse iya fyakulya, baleshita kuli bena pa sabata ku bantu abena Yuda na mu musumba! ¹⁷ Elo nakalipile intungulushi shabena Yuda, "Bubi bwa musango shani ubu mulecita, ukusebanya ubushiku bwe sabata? ¹⁸ Bushe teba shinwe bacitile ifi? Bushe te Lesa wesu waletele ububi bonse pali fwebo na pali uno musumba? Nomba muleleta ubukali pali isuleli mukusebanya isbata." ¹⁹ Bwangu bwangu ilyo kwatampile ukufita kuminshi ya mu Yelusalemu ilyo ii sabata talilafika, nakonkomeshe ukti ifibi fisalwe kabili epa kuti beisulako panka isabata ngalyapwa. Nakolonganike bamo abalebomba kuli nebo na babikile pa minshi pakuti beingisha ifipe pabushiku bwe sabata. ²⁰ Bashimakwebo na baleshitisha imisango iingi iya makwebo baikele kunse ya Yelusalemu limo nangu libili. ²¹ Nomba naliba sokele, "Cinshi muleikalila kunse ya cibumba? Peka ngamwabwekeshapo, nkabikako amaboko yandi pali mwebo!" ukufuma ilya ine inshita tabaishile pa sabata. ²² Elo nakonkomeshe abena Lebi ukuisangulula abene, nokwisa mukulonda pa minshi, ku kukatamika ubushiku bwe sabata. Mulendibukisha pali ififine, mwe lesa wandi, no kumbelela nebo uluse pamulandu wa cipangano ne cishinka cintu mwakwata pali nebo. ²³ Muli isho shine namwene aba Yuda abaupile abanakashi abena Asidode, Amoni, nabena Moab. ²⁴ Citika wabana babo balelanda ululimi lwabena Asidode. Takwali nagu bamo abamuli bena abishibe ukulanda ululimi lwabena Yuda, nomba kanofye ululimi lwa bantu bambi. ²⁵ Bena nalibakalipile, kabili nali bacipile, kabili nauminepo bamo abamuli bena no kubanukaula imishishi yabo. Bena nabalenge ukulapa Lesa, nalandile ati, "Mwikapela abana benu abanakashi kubana babo abaume, nangu ukubula abana babo abanakashi kubana benu abaume, nangu nimwebo bene. ²⁶ Bushe te Solomoni imfumu yabena isulaleli yabembukila pamulandu wa ababene abanakashi? Na mufyalo fimbi tamuli imfumu iyali nga ena, kabili bali mutemenwe kuli lesa wakwe, nalesa amulengele ukuba imfumu pa bena isuleli bonse. Ngefyo, abakashi abena fyalo bamulengele ena ukubembuka. ²⁷ Bushe twalitala atumfwapo kuli mwebo no kucita ububi bonse ubukalamba, nokucita ubucenjeshi kuli lesa wesu pa kuupa abanakashi bambi-bambi?" ²⁸ Umo pa bana ba kwa Yoyada umwana umwaume uwakwa Eliashibu shimapepo mukalamba ali ni wishifyala uwakwa Sanibalati umwina Holoni. Eico nalimufulumwine ukufuma ku cinso candi. ²⁹ mulebebukisha, mwe Lesa wandi, pantu nabakowesha ba shimapepo, ne cipangano cabu shimapepo na bena Lebi. ³⁰ Bena nalibasangulwile ukufuma kuli fyonse fyabambi bambi, no kupampamika imilimo yabu shimapepo na bena Lebi cila muntu umulimo wakwe. ³¹ Nateyeni umutulo wankuni panshita yasontelwe na pa fisabo fya kubalilapo.