¹ Aba eba shimapepo na bena Lebi abaishile pamo na Selubabele umwana umwaume uwa kwa Shealitiele kabili pamo na Yeshua: Selaia, Yelemia, Esila, ² Amalia, Maluki, Hatushi, ³ Shekania, Rehumu, na Melemoti. ⁴ Kwali na Ido, Ginetoni, na Abiya, ⁵ Miyamini, Moadia, Biliga, ⁶ Shemaia, na Yoialibu, Yedaia, ⁷ Salu, Amoki, Hilikia, na Yedaia. Aba ebali intungulushi shaba simapepo naba munyinabo munshiku shakwa Yeshua. ⁸ Abena Lebi bali ni Yeshua, Binui, Shelebia, Yuda, na Matania, uwali mukalamba wabaleimba inyimbo sha kutotela, pamo naba munyinabo. ⁹ Bakibukia, na Uni, ba munyinabo, baiminine bushilya ilyo balebomba ¹⁰ Yeshua ali ee wishi wa kwa Yoiakimu, Yoiakimu ali wishi wa kwa Eliashibu, Eliashibu ali wishi wakwa Yoiada, ¹¹ Yoiada ewali ewishi wakwa Yonatani, na Yonatani ewli ewishi wakwa Yadua. ¹² Munshiku shakwa Yoiakimu aba ebali ba shimapepo, intungulushi shamundupwa: Melaia ewali intungulushi yabena Selaia, Hamania ewali intungulushi yabena Yelemia, ¹³ Meshulamu ewali intungulushi ya bena Amalia, ¹⁴ Yonatani ewali intungulushi ya bena Maluki, na Yosefu ewali intungulushi ya bena Shebania. ¹⁵ Adina ewali intungulushi ya bena Halimu, Helikai ewali intungulushi ya bena Melemoti, ¹⁶ Sekalia ewali intungulushi ya bena Ido, Meshulamu ewali intungulushi ya bena Ginetoni, ¹⁷ Sikili ewali intungulushi yabena Abia.... abena Miniamini. Pilitai ewali intungulushi yabena Moadia. ¹⁸ Shamua ewali intungulushi yabena Biliga, Yehonatani ewali intungulushi yabena Shemaia, ¹⁹ Metenai ewali intungulushi yabena Yoiabu, Usi ewali intungulushi yabena Yedaia, ²⁰ Kalai ewali intungulushi yabena Salu, Ebele ewali intungulushi yabena Amoki, ²¹ Hashabia ewali intungulushi yabena Hilikia, na Netaneli ewali intungulushi yabena Yedaia. ²² Munshiku sha kwa Eliashibu, abena Eliashibu, Yoiada, Yohanani, na Yadua ebalembelwe ukuti ebakulaba mundupwa, naba shimapepo ebalembelwe ilyo Daliusi umwina Pesia aleteka. ²³ Ifikolwe fyabena Lebi, ebali intungulushi sha ndupwa ebalembelwe ukwisa fika na munshiku shabena Yohanani umwana umwaume wakwa Eliashibu. ²⁴ Intungulushi shabena Lebi bali niba Hashabia, Shelebia, na Yeshua umwana umwaume uwa kwa Kadimiele, pamo naba munyinabo, baiminine bushilya bwabo ukupela amalumbo kabili no kupela ukutoyela, ukulungatanya iciputulwa, mukumfwila icipope ca kwa Dabid, umuntu wa kwa Lesa. ²⁵ Matania, Bakibukia, Obadia , Meshulamu, Tacimoni, na Akubu ebale cinda abalonda mu fyumba fya pa minshi. ²⁶ Balebomba munshiku shakwa Yoiakimu umwana umwaume wakwa Yeshua umwana umwaume wakwa Yosadaki, na munshiku shakwa Nehemia kateeka na Esila shimapepo kabili kalemba ²⁷ Pakupala icibumba ca Yelusalemu, abantu bafwaile abena Lebi konse kuntu baleikala, ukubaleta bena ku Yelusalemu ku kusefya ukupala ne nsansa, ukutotela no kwimba na malimba, ifilimba, elo naba nsango. ²⁸ Abanabo ba bakemba bakolongene pamo ukufuma mufitungu fyashungulwike Yelusalemu naba fumine ku mishi yabena Netofatiti. ²⁹ Kwali naba fumine ku Beti Giligali nabafumine ku mpanga shabena Geba na ku Asamafete, pantu bakemba abene balikulile imishi ukushinguluka Yelusalemu. ³⁰ Bashimapepo nabena Lebi baliisangulwile abene, elo kabili basangulwile na bantu, ne mishi, elo ne cibumba. ³¹ Elo nalikwete intungulushi shabena Yuda naba ninike pamulu wa cibumba, kabili nasontele ama bumba yabili bakemba abalepela ukutotela. Limo ibumba lyalile ku kwa kukulyo lwa cibumba ukulola ku mwinshi wa cishala. ³² Hoshaia na citika wa ntungulushi shabena Yuda bali bakonkele bena. ³³ Kabili panuma yabo Asalia, Esila, Meshulamu nabo bali bakonkele. ³⁴ Yuda, Benjamini, Shemaia, Yelemia, ³⁵ na bamo ba shimapepo abana abaume na mapenga, na Sekalia umwana umwaume wakwa Yonatani umwana umwaume wakwa Shemaia umwana umwaume wakwa Matania umwana umwaume wakwa Mikia umwana umwaume Sakuli umwana umwaume wakwa Asafi. ³⁶ Kwali nabambi abamu lupwa lwakwa Sekalia, Shemaia, Asalele, Milalai, Gilalai, Mai, Netanele, Yuda, Hanani, balelisha ifilimba fyakwa Dabidi umuntu wakwa Lesa. Esila kalemba ali kuntanshi yabo. ³⁷ Pamwinshi wakufukauka baliile ukololoka pamulu wa musumba wakwa Dabidi, apa kuninina icibumba pamulu wa cipango ca kwa Dabidi, ukufika pamwinshi wa menshi ku kabanga. ³⁸ Bambi ba kemba abo balepela amatotelo baile kulubali lumbi. Nanebo nabakonkele panuma pa cibumba pamo na citika wa bantu, pamulu we linga lye buuku, ukufika pa mutika wa cibumba, ³⁹ na pamulu wa mwinshi wabena Efulemu, kabili na pa mwinshi wakale, napa mwinshi we sabi napa lupungu lwabena Hananelo napa lupungu lwa mwanda, ukufika pa mwinshi waba Malonda. ⁴⁰ Elyo bonse ba kemba abo abalepela amatotelo babulile ififulo fyabo mu ng'anda ya kwa Lesa, nanebo wine pamo nalibulile icifulo pamo na citika waba shimucindikwa pamo na nebo. ⁴¹ Elo ba shimapepo babulile ififulo fyabo: Eliakimu, Maaseia, Minimini, mikaia, Elioenai, Sekalia, na Hanania, pamo na mapeenga. ⁴² Pamo na Maaseia, Eleasali, Usi, Yehohanani, Malikiya, Elamu, na Eseli, naba kemba abene balengele ukumfwika na Yeselahia ewali intungulushi yabo. ⁴³ Pali bulya bushiku batulile amalambo aya kulu, no kusekelela, pantu Lesa alengele bena ukusekelela ukukalamba. Pamo naba nakashi nabana nabo balisekelele. Elyo ukusekelela mu Yelusalemu kwale umfwika no kutali. ⁴⁴ Muli bulya bwine ubushiku abaume balisontele ukuba intungulushi shafyumba fyakutulikamo ifintu balesangula, ifisabo ifyabalilapo ukupya, naya fyekumi, balekolonganika kuli bena ifyakaniko balefwaya ukulingana ne funde lya ba shimapepo nabena Lebi. Aba ebasontelwe ukubomba mu mabala mupepi ne misumba. Pantu abena Yuda balisekelele pali ba shimapepo nabena Yuda abo abaleiminina kuntanshi yabo. ⁴⁵ Balibombele umulimo wakwa Lesa wabo. No mulimo wakusangula, kabili naba kemba naba lelinda pa minshi, mu mu konko wamenshi wakwa Dabidi na Solomoni umwana wakwe umwaume. ⁴⁶ Pantu akale, munshiku shakwa Dabidi na Asafi, kwali intungulishi shaba kemba, kabili kwali ne nyimbo shakulumbanya ne shakutotela kuli Lesa. ⁴⁷ Munshiku shakwa Selubabele na munshiku shakwa Nehemia, abena isuleli bonse abaleleta ifyakaniko fyaba kemba naba kasunga wa minshi. Balebika lubali ica kaniko icali cabena Lebi, kabili lubali icakaniko ca lupwa lwakwa Aloni.