¹ Mangingatakan buhannya supaya patuh lawan pemerintah wan panguasa, patuh wan siap malakukan satiap parbuatan nang bujur, ² kada mamfitnah siapa haja, kada bakalahi, panaguran, wan bujur-bujur basikap lamah lambut tahadap sabarataan urang. ³ Sabab, bahari kita kada mangarti, kada manaati, sasat, diperbudak uleh barbagai kainginan wan kanyamanan, hidup dalam kajahatan wan iri hati, saling mambari muar. ⁴ Akan tetapi, bila kamurahan wan kasih Allah, Juru Salamat kita di tanpaiyakan, ⁵ Sidin manyalamatkan kita, lain karna kalakuan bujur kita nang kita ulah, malainkan karna belas kasih Sidin malalui pembasuhan kelahiran kembali wan pambaharuan Roh Kudus, ⁶ nang Sidin curahakan atas kita dengan melimpah malalui Kristus Yesus, Juru Salamat kita. ⁷ Jadi, limbah dibujurakan uleh anugerah Sidin, kita manjadi ahli waris sasuai wan pangharapan hidup nang kakal. ⁸ Pandiran ini bujur banar. Soal nangini ulun handak pian bujur-bujur yakin supaya bubuhannya nang sudah percaya wan Allah kawa bujur maolah gawaian nang baik. Hal ini bujur wan bamanfaat gasan samunyaan urang. ⁹ Akan tatapi, jauhilah pardebatan-pardebatan, turunan, parsoalan, wan parkalahian nang kadada bujur tantang hukum Taurat karna hal ini kada baguna wan sia-sia. ¹⁰ Gasan urang nang manyababkan perpecahan, ingatakan inya sakali atawa dua kali, imbah itu jauhi inya. ¹¹ Sabab pian tahu urang nang kaya itu sudah disasatakan wan panuh dosa, inya mandatangkan hukuman gasan dirinya saorang. ¹² Imbah ulun mangutus artemas atawa Tikhikus gasan pian, bausahalah pacangan datang gasanku di Nikodemus sabab ulun sudah mamutusakan supaya badiam di sana salama musim dingin kaina. ¹³ Lawan sakuat tanaga pian, bantulah Zenas, si ahli hukum tu, wan Apolos nang ada dalam parjalanan supaya buhannya kada kakurangan suatu apapun. ¹⁴ Harusnya urang-urang kita balajar babujur manggawi gawian nang baik supaya bubuhannya kawa mancukupakan kaparluan hidup sahari-hari wan kada hidup nang kada baguna. ¹⁵ Sabarataan urang nang ada basama lawan ulun manyampaiyakan salam gasan pian. Sampaiyakan salam ulun gasan buhan nang mangasihi kami dalam iman. Anugerah manyartai pian barataan.