¹ Tapi, ajarakanlah hal-hal nang sasuai wan ajaran kabanaran. ² Lalakian nang tuha harus sabar, terhormat, manguasai, sihat dalam iman, kasih, wan ketekunan. ³ Kaya itu jua, babinian nang labih tuha mambari contoh bakalakuan nang saleh, kada mamfitnah atawa baminuman anggur, tapi harus mangajarakan nang baik. ⁴ Babuhannya kawa manasihati babinian-babinian nang anum gasan manyayangi lakinya, wan anak-anaknya, ⁵ manguasai diri, saleh, maurus kaluarganya, ramah, wan tunduk lawan lakinya, supaya firman Allah kada dihapaki. ⁶ Kaya itu jua, nasihati buhannya nang masih anum supaya kawa manguasai diri. ⁷ Dalam napa haja, jadilah contoh matan parbuatan-parbuatan nang baik. Dalam pangajaran, jadiakan integritas, kahormatan, ⁸ pandiran nang bujur maulah urang nang kada katuju jadi supan karana buhannya kada kawa manyambati kita nang kada baik. ⁹ Buhan hamba wajib maasi lawan tuannya dalam sabarataan hal, usahaakan mahimungi sidin, wan kada malawan. ¹⁰ Janganlah mancuntan, tapi tampaiakanlah bahwa pian kawa dijadii tangan kanan supaya buhannya mamuliakan ajaran Allah, Juru Salamat kita. ¹¹ Sabab, anugerah Allah sudah nyata gasan barataan manusia, ¹² Supaya kita kawa manolak nang kada saleh, atawa nafsu dunia sahingga kita kawa hidup manguasai diri, adil, wan saleh di zaman wayah hini. ¹³ pahadangan kita mahadang pangharapan nang panuh berkah, kadatngan nang panuh kamuliaan dari Allah Nang Mahabesar, wan Juru Salamat kita, Yesus Kristus. ¹⁵ Ajarakanlah sabarataan ngini, Nasihatilah wan tagurakan awan sagala kawibawaan. Jangan sampai ada urang nang mahapaki.