¹ Matan Paulus, hamba Allah wan rasul Kristus Yesus nang diutus demi iman urang-urang nang dipilih Allah wan pangatahuan tantang kabanaran nang mamimpin gasan kasalehan ² nyaman buhannya mendapatakan pangharapan hidup kekal, nang dijanjiakan sajak sebelum permulaan zaman ulih Allah nang kada suah badusta. ³ Pada waktu-Nya, Sidin hudah diparcayakan awan ulun sasuai parintah Allah, Juru Salamat kita. ⁴ Gasan Titus, anak nang sah dalam iman kita bersama. Anugerah wan damai sajahtera dari Allah, Bapa, wan Yesus Kristus, Juru Salamat kita. (Tugas-Tugas Titus gasan Mamilih Panatua di Kreta) ⁵ Ulih sabab nintulah aku maninggalakan ikam di Kreta, yaitu nyaman pian kawa manuntungakan apa nang masih parlu diatur wan maangkat panatua-panatua di setiap kota, nang kaya aku pasanakan wan pian. ⁶ Inya harus urang nang kada bacala, bisi bini saikung haja, bisi anak-anak nang parcaya, wan kada dituduh sabab hidup nang kada bamoral atawa mambarontak. ⁷ Sabab, saurang penilik jemaat harus urang nang kada bacala sebagai penatalayan Allah, kada sombong, kada lakas sarik, kada pamabok, kada katuju bakalahi, wan kada sarakah dalam mancari kauntungan. ⁸ Kabalikannya, katuju mambari tumpangan, mancintai apa nang baik, bijaksana, adil, saleh, wan lawa menguasai diri. ⁹ Inya tatap teguh maingkuti ucapan nang kawa di percaya, sesuai awan nang hudah diajarakan, sahingga inya kawa mambari nasihat sasuai pangajaran nang sehat wan managur buhannya nang menangkarnya. ¹⁰ Sabab, ada banyak urang nang mambaruntak, katuju omong kosong wan manipu, khususnya buhan nang berasal dari kelompok urang basunat. ¹¹ Bubuhannya ngintu pantas ditutup muntungnya sabab manyusahakan sabarataan kaluarga dengan mangajarakan hal-hal nang seharusnya kada buhanya ajarakan, nang justru mandatangakan hal nang manyupanakan. ¹² Salah saurang dari buhannya ngitu, yaitu nabi buhannya saurang, bepadah,"Dasar urang-urang Kreta pandusta, nang kaya binatangbuas nang jahat, wan gahak nang pangoler." ¹³ Kasaksian ini buhur, sabab ngitu, tagur haja buhannya dengan keras nyaman buhannya menjadi sehat dalam iman. ¹⁴ Jangan parhatiakan dongeng-dongeng urang Yahudi wan parintah urang-urang nang manulak kabanaran. ¹⁵ Amun nang murni, sabarataan murni. Amun buhan nang najis wan kada parcaya, kadada satupun nang murni sabab baik pikiran wan hati nurani buhannya adalah najis. ¹⁶ Buhannya bapadah pinandu wan Allah, tatapi awan perbuatannya buhannya manyangkal Allah. Buhannya ngitu manjijikan, kada taat, wan kada badaya menggawi apa haja nang baik.