1
Inilah panambaian Injil Yesus Kristus, Anak Allah,
2
kaya nang ditulis dalam kitab Nabi Yesaya, “Itihi! ulun mangirim utusan-Ku mandahului Pian nang pacang mamparsiapakan jalan gasan Pian.
3
Ada suara urang basaru-saru di padang hutan balantara : ‘Siapakan jalan gasan Tuhan, jadikan jalan Sidin lurus.”
4
Maka Yohanes mambaptis urang-urang di padang balantara wan mangkotbahkan baptisan partobatan gasan pangampunan dosa.
5
Sabarataan panduduk Yudea wan sabarataan urang Yerusalem datang ka Yohanes. Sidin mambaptis buhannya di Sungai Yordan wan buhannya batobat dari dosa-dosa.
6
Yohanes mamakai baju kulit Unta wan panding kulit di lingkar pinggang inya. Makanan sidin belalang wan madu hutan.
7
Yohanes bakhotbah wan baucap, “imbah ulun pacang datang Sidin nang labih bakuasa matan ulun. Ulun kada layak mambungkuk wan malapasakan tali sandal Sidin.
8
Ulun mambaptis pian wan banyu, tatapi Sidin pacang mambaptis pain lawan Roh Kudus.
Yohanes Mambaptis Yesus
9
Wan tajadilah pada hari nitu, Yesus datang matan Nazaret, wilayah Galilea, wan dibaptis oleh Yohanes di Sungai Yordan.
10
Kada lawas imbah kaluar matan banyu, Yesus malihat langit tabalah wan Roh manyarupai saikung burung merpati nang turun ka atas Sidin.
11
Wan, ada suara dari surga, “Pian Anak nang Ulun kasihi. Ka Pian Aku bakanan.”
Yesus Dicobai oleh Iblis
12
Kada lawas imbah nitu, Roh mambawa Yesus ka padang balantara.
13
Sidin barada di padang balantara salawas empat puluh hari wan dicobai oleh iblis. Yesus ada di tangah-tangah satua-satua liar wan malaikat malayani Sidin.
Yesus Mahabarakan Injil Allah di Galilea
14
Imbah Yohanes di panjara, Yesus tulak ka wilayah Galilea wan mahabarakan Injil Allah.
15
Sidin baucap, “ganaplah waktunya, karajaan Allah sudah parak. Batobatlah wan parcayalah lawan Injil!”
Yesus Mamilih Babarapa Murid
16
Paharatan Yesus bajalan malewati pinggir danau Galilea, Sidin maitihi Simon wan Andreas, dingsanaknya, parahatan manjalah di danau lantaran buhan inya paiwakan.
17
Yesus baucap ka buhannya, “umpati Ulun, wan Ulun pacang manjadiakan pian panjala manusia.”
18
Simon wan Andreas maninggalakan jalanya lalu maumpati Sidin.
19
Sidin batarus lagi bajalan, Sidin maitihi Yakobus, anak Zebedeus, wan Yohanes, dingsanaknya, nang ada di jukung parahatan mambaiki jala.
20
Imbah nitu Yesus langsung mangiauw buhannya lalu buhannya maninggalakan abahnya, Zebedeus, di jukung basamaan lawan buruh-buruh bayaranyanya, lalu tulak maumpati Yesus.
Yesus Mangajar Lawan Panuh Kuasa
21
Lalu, buhannya sampai di Kapernaum pada hari Sabat, Yesus masuk ka sinagoge wan mangajar.
22
Buhannya takjub mandangar ajaran Sidin oleh Sidin mangajar kaya saurang nang bakuasa, kada kaya ahli-ahli Taurat.
23
Imbah nitu, di sinagoge ada saurang lakian nang karasukan roh jahat wan inya bakuciak,
24
ujarnya, “Apa urusan Pian lawan kami, Yesus dari Nazaret? Apakah Pian datang gasan mambinasakan kami? Ulun tahu siapa Pian. Pian adalah nang Kudus dari Allah!”
25
Namun, Yesus mambantak inya, ujar Yesus, “Bahinip! Kaluarlah dari urang ini!”
26
Imbah roh najis nitu mahamuk wan bakuciak, kaluarlah roh nitu dari inya.
27
Buhannya sabarataan takjub sahingga batakun satu wan nang lain, ujarnya, “Apakah ini? Sabuah ajaran hanyar lawan kuasa! Sidin bahkan mamarintah roh-roh najis nitu wan buhannya taat ka Sidin.”
28
Lalu, tasabarlah ka saluruh wilayah Galilea habar tentang Sidin.
Mama Mintuha Simon wan Urang banyak Disambuhakan
29
Imbah Yesus wan murid-Murid Sidin maninggalakan sinagoge, buhannya masuk ka rumah Simon wan Andreas, basama Yakobus wan Yohanes.
30
Namun, mintuha Simon parahatan barabah oleh garing, lalu buhannya mahabarakan kaadaannya ka Yesus.
31
Yesus manamui wan mamingkuti tangannya lalu mambantu inya badiri. Wayah nitu jua garingnya hilang wan binian nitu mulai malayani buhannya.
32
Pas sudah malam, imbah matahari tabanam, buhannya mambawa ka Yesus sabarataan urang nang garing wan nang karasukan roh jahat.
33
Imbah nitu, saluruh panduduk kota bakumpul di muka lawang rumah nitu.
34
Yesus manyambuhkan banyak urang garing lawan babagai macam panyakit wan mangusir banyak setan. Sidin malarang setan-setan nitu bapandir, karna buhannya pinandu lawan Sidin.
Yesus Badoa wan Mahabarakan Firman
35
Sungsung banar, pas hari masih kadap, Yesus bangun wan tulak ka wadah nang sunyi, lalu Sidin badoa di sana.
36
Imbah nitu, Simon wan urang-urang nang basama inya mancari Yesus.
37
Pas batamuan lawan Yesus, buhannya bapada, “sabarataan urang mancari Pian!”
38
Yesus baucap, “Ayo kita tulak ka kota-kota nang parak supaya Aku kawa bakhotbah ka urang-urang di sana. Sabab, inilah alasan Aku datang.”
39
Karana nitu, Yesus tulak menelusuri saluruh Galilea. Sidin mahabarakan firman di sinagoge-sinagoge wan mangusir setan-setan.
Urang Kusta Disambuhakan
40
Lalu, ada surang nang sakit kusta, datang ka Yesus. Inya mamohon wan balutut ka Yesus wan baucap, “Jika Pian handak, Pian kawa manahirakan ulun.”
41
tagarak oleh rasa kasihan, Yesus mangulurkan tangan-Nya wan manyantuh urang nitu sambil baucap, “Aku mau, jadilah tahir!”
42
Wayah nitu jua, panyakit kusta inya hilang wan urang nitu manjadi tahir.
43
Yesus segera manyuruh urang nitu bulik wan mamparingati inya lawan tegas.
44
Sidin bapesan, “Jangan bapander apa-apa lawan siapa haja tetang hal ini. Tapi, tulaklah, tampaiakan diri ikam ka imam, wan parsambahkan kurban atas kasambuhan ikam nangkaya diparintahakan oleh Musa sabagai sabuah kasaksian gasan buhannya.”
45
Maka, urang nitu tulak wan mulai mambaritahukan sacara tabuka wan mahabarakan nitu sacara luas. Oleh sabab nitu, Yesus kada kawa lagi masuk sacara tarang-tarangan ka kota, tapi barada di luar kota, di daerah nang sunyi. Namun urang-urang dari sagala tampat mandatangi Sidin