¹ Demi kemerdekaan, Kristus sudah mambabasakan kita. Karena nitu, badirilah taguh wan kada boleh lagi dibebani lawan kuk perbudakan. ² Dangarakan! Ulun, Paulus, bapadah lawan ikam bahwa jika ikam manarima sunat, Kristus kadada gunanya gasan ikam. ³ Sakali lagi, ulun bapadah ka satiap urang nang manarima sunat bahwa inya wajib manaati saluruh Hukum Taurat. ⁴ Jika ikam bausaha supaya dibujurakan karena manjalanakan Hukum Taurat, hidup ikam sudah dipisahakan dari Kristus wan ikam sudah maninggalakan anugerah. ⁵ Malalui Roh, lawan iman, kita mahadang-hadang pangharapan akan kabanaran. ⁶ Sabab, dalam Yesus Kristus basunat atawa kada basunat kadada artinya. Hanya iman nang bagawi malalui kasih nang ada artinya. ⁷ Ikam sudah batanding dengan baik. Siapa nang manghalangi ikam dari manaati kabanaran? ⁸ Ajakan nitu bukan datang dari Sidin nang sudah mangiau ikam. ⁹ "Sadikit ragi sudah mambuat sabarataan adonan mangambang." ¹⁰ Ulun baisi kayakinan tahadap ikam dalam Tuhan bahwa ikam kada pacang manarima pamikiran nang lain. Akan tatapi, siapa pun nang mangacaukan ikam pacang mananggung hukumannya. ¹¹ Jadi dingsanak-dingsanak, jika ulun masih mahabarakan sunat, mangapa ulun masih dianiaya? amun kayaitu, batu sandungan tahadap salib sudah disingkirakan. ¹² Ulun baharap buhan nang mahasut ikam nitu pacang mangabiri dirinya saurang. ¹³ Dingsanak-dingsanak, ikam sudah dikiau gasan manjadi merdeka. Akan tatapi, jangan pargunakan kemerdekaan ikam nitu sabagai kasampatan gasan hidup dalam daging, malainkan layanilah saurang tahadap nang lain awan kasih. ¹⁴ Sabab, sabarataan Hukum Taurat sudah diganapi dalam satu firman ini, "Kasihilah sasamamu manusia nang kaya diri ikam saurang." ¹⁵ Jika ikam saling baigut wan manalan, bahati-hatilah supaya ikam jangan saling mambinasakan. Kahandak Roh balawanan lawan Nafsu Kadagingan ¹⁶ Jadi, ulun bapadah, hiduplah dalam Roh, maka ikam kada pacang manggawi hal-hal nang dikahandaki oleh nafsu kadagingan. ¹⁷ kahandak nafsu kadagingan balawanan lawan kahandak Roh, wan kahandak Roh balawanan lawan kahanda nafsu kadagingan, karena kaduanya saling balawanan, supaya ikam kada manggawi hal-hal nang ikam handaki. ¹⁸ Akan tatapi, jika ikam dipimpin Roh, ikam kadada di bawah Hukum Taurat. ¹⁹ Gawian dari nafsu kadagingan sudah nyata, yaitu dosa seksual, kecemaran, hawa nafsu, panyambahan berhala, kuasa gelap, kebencian, perbantahan, iri hati, kemarahan nang kada takandali, kapantingan diri saurang, parsalisihan, parpacahan, kacamburuan, mabuk-mabukan, pesta pora, wan sejenisnya. Ulun manangati ikam wayahini, nangkaya sudah ulun tangati sabalumnya, siapa nang manggawi hal-hal nitu kada pacang mawarisi Karajaan Allah. ²² Akan tatapi, buah Roh adalah kasih, sukacita, damai sejahtera, kasabaran, karamahan, kabaikan, kasatiaan, kalamahlembutan, wan panguasaan diri. Kadada hukum nang malawan hal-hal ini. ²⁴ Buhan nang manjadi milik Yesus Kristus sudah manyalibkan nafsu kadagingan lawan sagala nafsu wan kahandaknya. ²⁵ Jika kita hidup oleh Roh, baiknya kita bajalan sasuai lawan Roh. ²⁶ Kada boleh kita jadi sombong, saling mahasut, atawa saling iri hati.