¹ Ampat balas tahun imbah nitu, ulun babulik pulang ka kota Yesusalem lawan Barnabas wan mambawa Titus baimbai ulun. ² Ulun tulak karana suatu panyataan wan gasan manjalasakan ka buhannya manganai Injil nang ulun habarakan di antara urang-urang lain Yahudi. Namun, ulun malakukannya dalam partamuan pribadi, yaitu hanya lawan buhan nang bapangaruh gasan mamastiakan bahwa apa nang ulun gawi wan ulun sudah gawaiakan kada sia-sia. ³ Bahkan, Titus nang baimbai ulun, kawa harus disunat walaupun inya adalah urang Yunani. ⁴ Hal ini tajadi karana ada dingsanak-dingsanak palsu nang diam-diam masuk wan manyusup gasan mamata-matai kababasan nang kita miliki dalam Yesus Kristus supaya kita dibawa kambali ka parbudakan. ⁵ Akan tatapi, kami kada handak tunduk sadikutpun ka buhannya supaya kabanaran Injil tatap bagana dalam ikam. ⁶ Namun. matan urang-urang nang bapangaruh nitu, nang kadudukannya kada panting gasan ulun karana Allah kada mambeda-bedakan, buhannya kada manambah apa-apa gasan ulun. ⁷ Sabaliknya, buhannya malihat bahwa ulun sudah diparcayakan Injil gasan urang-urang nang kada basunat, nang kaya petrus diparcayakan Injil gasan urang-urang nang basunat. ⁸ Sabab, Sidin nang sudah bagawi malalui Petrus manjadi rasul gasan urang-urang basunat, Sidin jua nang bagawi malalui ulun manjadi rasul gasan urang-urang lain Yahudi. ⁹ Imbah Yakobus, Petrus, wan Yohanes, nang dipandang sabagai saka guru gasan jamaat manyadari anugarah nang dijulung ka ulun, buhannya manjulung tangan kanan parsakutuan ka Barnabas wan ka ulun supaya kami tulak ka urang-urang lain Yahudi, sadangkan buhannya tulak ka urang-urang basunat. ¹⁰ Buhannya hanya maminta kami supaya ingat ka urang-urang miskin, satu hal nang ulun saurang sangat basamangat manggawiakannya. Paulus Manunjukakan Kasalahan Petrus ¹¹ Akan tatapi, katika Kefas datang ka kota Antiokhia, ulun tarang-tarangan manantangnya karana jalas sakali inya basalah. ¹² Karana sabalum urang-urang tartantu matan kalangan Yakobus datang, Kefas sudah biasa makan baimbai urang-urang lain Yahudi. Namun, katika buhannya datang, inya mulai mundur wan mamisakan diri karana takut lawan kalompok urang nang basunat. ¹³ Urang-urang Yahudi nang lain umpat-umpatan batindak munafik basama inya, bahkan Barnabas pun taumpat oleh kamunafikan buhannya. ¹⁴ Pas ulun malihat bahwa buhannya batindak kada sajalan lawan kabanaran Injil, maka ulun baucap ka Kefas di depan sabarataan urang, "Bila ikam urang Yahudi hidup nang kaya urang lain Yahudi, kaya apa ikam mamaksa urang lain Yahudi hidup nangkaya urang Yahudi?" ¹⁵ Kita adalah urang-urang nang dilahirakan sabagai bangsa Yahudi wan lain urang-urang badosa matan bangsa lain Yahudi. ¹⁶ Namun, kita tahu bahwa kadada saurang pun dibujurakan karana malakukan Hukum Taurat, malainkan malalui iman dalam Yesus Kristus. Bahkan, kita jua sudah parcaya lawan Yesus Kristus supaya kita dibujurakan oleh iman dalam Kristus, bukan karana malakukan Hukum Taurat. Sabab, kadada saurang pun dibujurakan karana malakukan Hukum Taurat! ¹⁷ Akan tatapi, samantara kita bausaha gasan dibujurakan dalam Kristus, kita mandapati diri kita jua pandosa, apakah Kristus adalah palayan dosa? tantu kada! ¹⁸ Jika ulun mambangun pulang apa nang sudah ulun robohakan, ulun mambuktiakan bahwa ulun adalah saurang palanggar hukum. ¹⁹ Sabab,malalui Hukum Taurat, ulun sudah mati gasan Hukum Taurat supaya ulun kawa hidup gasan Allah. ²⁰ Ulun sudah disalibkan lawan Kristus. Bukan lagi ulun nang hidup, malainkan Kristus nang hidup dalam diri ulun. Hidup nang wayahini ulun hidupi dalam daging adalah hidup oleh iman dalam Allah Allah, nang mangasihi ulun wan sudah manjulung diri Sidin gasan ulun. ²¹ Ulun kada mambatalakan anugarah Allah karana jika kabanaran datang malalui Hukum Taurat, sia-sialah kamatian Kristus!