¹ Matan Paulus, nang jadi rasul bukan karna manusia atawa malalui manusia, tapi malalui Kristus Yesus wan Allah Bapa nang mambangkitakan Sidin dari antara urang mati. ² Jua, matan sabarataan dingsanak saiman nang baimbai ulun, gasan jamaat-jamaat di Galilea. ³ Anugarah wan damai sajahtra gasan ikam matan Allah Bapa kita wan Tuhan Yesus Kristus, ⁴ nang sudah manyarahakan diri Sidin gasan dosa-dosa kita gasan manyalamatakan kita matan zaman nang jahat wayahini sasuai lawan kahandak Allah wan Bapa kita. ⁵ Gasan Sidin lah kamuliaan nang salawasan. Amin Hanya Ada Satu Injil ⁶ Ulun heran, capat banar ikam maninggalakan Sidin, nang mangiau ikam malalui anugarah Kristus, wan babulik ka injil nang lain. ⁷ Padahal, kadada injil nang lain. Namun, ada babarapa urang nang sudah mangacauakan ikam wan handak mamutarbalikakan Injil Kristus. ⁸ Bahkan, bila kami atawa saurang malaikat matan surga mahabarakan ka ikam injil nang batantangan lawan apa nang sudah kami habarakan ka ikam, takutuklah inya! ⁹ Nangkaya sudah kami padahakan sabalumnya wan wayahini ulun padahakan pulang, bila ada urang nang mahabarakan ka ikam injil nang batantangan lawan apa nang sudah ikam tarima, maraha inya takutuk. ¹⁰ Apakah wahini ulun mancari parsatujuan manusia atawa Allah? Atawa, apakah ulun masih mancoba mahimungakan manusia? Bila ulun masih mancoba mahimungakan manusia, ulun lain hamba Kristus. Pambelaan Paulus atas Karasulan Inya ¹¹ Dingsanak-dingsanak, ulun handak ikam tahu bahwa Injil nang sudah ulun habarakan lain Injil olahan manusia. ¹² Ulun kada manarimanya matan manusia, atawa ulun mampalajarinya matan manusia, tatapi ulun manarimanya malalui panyataan matan Kristus Yesus. ¹³ Sabab, ikam sudah mandangar manganai cara hidup ulun nang lawas matan agama Yahudi, ulun manganiaya jamaat Allah awan kajam wan bausaha gasan mahancurakannya. ¹⁴ Ulun maju banar dalam hal agama Yahudi, jauh labih maju dibanding lawan urang-urang sapantaran di antara bangsa ulun. Ulun rajin banar dalam mamalihara adat istiadat nenek moyang ulun. ¹⁵ Namun, katika Allah nang sudah mamisahakan ulun matan kandungan uma ulun wan sudah mangiau ulun malalui anugarah Sidin, bakanan ¹⁶ manyataakan Anak Sidin dalam ulun supaya ulun kawa mahabarakan Sidin di antara urang-urang lain Yahudi, ulun kada langsung maminta nasihat ka saikung urang pun. ¹⁷ Ulun jua kada tulak ka kota Yerusalem gasan batamuan lawan buhan nang sudah manjadi rasul sabalum ulun, malainkan ulun hancap tulak ka wilayah Arab wan babulik pulang ka kota Damaskus. ¹⁸ Tiga tahun imba nitu, ulun tulak ka kota Yerusalem gasan bakanalan lawan Kefas wan bagana basama inya salawas lima balas hari. ¹⁹ Akan tatapi, ulun kada malihat saikung pun rasul-rasul lain, kacuali Yakobus, dingsanak Tuhan. Ulun mayakinakan ikam di hadapan Allah bahwa apa nang ulun tulis ka ikam ini lain dusta. ²¹ Imbah nitu, ulun tulak ka wilayah Siria wan Kilikia. ²² Ulun balum dikanal sacara pribadi oleh jamaat-jamaat dalam Kristus nang ada di wilayah Yudea. ²³ Buhannya hanya rancak mandangar, "Sidin, nang dahulu manganiaya kita, wayahini mahabarakan iman nang dahulu suah inya hancurakan." ²⁴ Buhannya mamuliakan Allah karana ulun.