¹ Sabab nitu, jadilah peniru-peniru Allah sabagaimana kakanakan nang tarkasih. ² Hiduplah dalam kasih, nangkaya Kristus mangasihi kita wan manjulung diri Sidin gasan kita sabagai persembahan wan kurban nang harum gasan Allah. ³ Akan tetapi, jangan ada percabulan atawa sagala macam kecemaran atawa kasarakahan, bahkan disambat jangan karana halnitu kada layak ada di antara urang-urang kudus. ⁴ Jangan ada pandiran kotor, pandiran bungul, atawa lelucon-lelucon kasar -- nang kada pantas -- sabaliknya, basyukurlah. ⁵ Sabab, ikam tahu pasti bahwa urang cabul, urang kada suci, atawa urah sarakah nang manyambah barhala kada pacang mandapat warisan dalam Karajaan Kritus wan Allah. ⁶ Jangan ada urang nang manipu ikam lawan pandiran kosong karana hal-hal nitulah nang mandantangakan murka Allah atas kakanakan durhaka. ⁷ Jadi, jangan bakawan lawan buhannya. ⁸ Dahulu ikam adalah kagalapan, tapi wayahini ikam adalah terang dalam Tuhan. Hiduplah sabagai kakanakan terang ⁹ karana buah dari terang adalah sabarataan kabaikan, kaadilan, wan kabanaran, ¹⁰ wan mancoba mancari tahu apa nang mahimungakan Tuhan. ¹¹ Jangan umpat ambil bagian dalam parbuatan kagalapan nang kada mahasilakan buah, sabaliknya talanjangilah parbuatan-parbuatan nitu. ¹² Sabab, manyambat hal-hal nang buhannya gawi sacara diam-diam pun mambari supan. ¹³ Akan tetapi, sabarataan nang ditalanjangi oleh terang manjadi kalihatan ¹⁴ karana sabarataan nang manjadi nyata adalah terang. Nitu sababnya, dipandirakan, "Bangun, hai ikam si tukang guring! Bangkitlah dari antara urang mati, wan Kristus pacang basinar atas ikam." ¹⁵ Jadi, parhatikan lawan saksama kaya apa ikam hidup, jangan kaya urang bebal, jadilah bijak. ¹⁶ Gunakanlah waktu nang ada sabaik-baiknya karana hari-hari ini adalah jahat. ¹⁷ Karana nitu, janganlah jadi bungul, tapi mangartilah apa kahandak Tuhan. ¹⁸ Jangan mabuk oleh anggur karana hal nitu kada pantas, sabaliknya hibakilah lawan Roh. ¹⁹ Bapandirlah satu sama nang lain dalam mazmur, kidung pujian, wan nyanyian rohani, manyanyilah wan olahlah lagu pujian gasan Tuhan lawan saganap hati ikam. ²⁰ Basyukurlah senantiasa atas sagala sasuatu lawan Allah Bapa dalam ngaran Tuhan kita, Kristus Yesus. Nasihat gasan Laki wan Bini ²¹ Tunduklah saurang lawan nang lain dalam takut lawan Kristus. ²² Istri-istri, tunduklah lawan laki ikam, kaya lawan Tuhan. ²³ Sabab, laki adalah kapala dari bini, kaya Kristus adalah kapala dari jamaat, yaitu awak Sidin, wan Sidin sauranglah Juru Salamatnya. ²⁴ Akan tetapi, sabagaimana jamaat tunduk lawan Kristus, kaya itu jua bini harus tunduk lawan laki dalam sagala hal. ²⁶ gasan mangudusakan buhannya lawan mambarisihinya lewat pambasuhan banyu lawan firman. ²⁷ Dengan demikian, Kristus kawa mamparsambahakan jamaat gasan diri Sidin dalam kamuliaan, tanpa noda, atawa tanpa kerut, atawa samacamnya sahingga jamaat menjadi kudus wan kada bacela. ²⁸ Kaya itu jua, suami-suami harus mangasihi bininya kaya awaknya saurang. Inya nang mangasihi bininya, mangasihi dirinya saurang. ²⁹ Sabab, kadada urang nang suah membenci awaknya saurang, tetapi inya memelihara wan marawatnya. Kaya itu jua nang Kristus gawiakan gasan jamaat ³⁰ karana kita adalah anggota-anggota awak Sidin. ³¹ Itulah sababnya, saurang lalakian pacang maninggalakan abah wan umanya wan basatu lawan bininya sahingga kaduanya manjadi satu awak. ³² Rahasia ini besar wan ulun mamandirakan ini dalam hubungan antara Krsitus wan jamaat. ³³ Namun, biarlah masing-masing ikam mangasihi bini ikam kaya diri ikam saurang wan bini harus manghormati lakinya.