¹ Alasan inilah, ulun, Paulus, dipanjara karana Yesus Kristus gasan ikam, urang-urang kafir. ² Ikam pasti sudah mandangar manganai tugas panatalayanan anugerah Allah nang dijulung ka ulun gasan ikam, ³ bahwa lawan panyataan, rahasia nitu dipadahakan ka ulun nangkaya sudah ulun tulis sacara singkat sabalumnya. ⁴ Waktu mambaca ini, ikam kawa mamahami pangartian ulun manganai rahasia Kristus, ⁵ nang kada dipadahakan ka urang-urang dari ganarasi lain, tatapi nang wayahini dinyataakan ka para rasul wan para nabi Sidin nang kudus oleh Roh Kudus. ⁶ Rahasia nitu adalah bahwa malalui Injil urang-urang kafir manjadi sasama ahli waris, sasama anggota dari satu awak, wan baimbai mangambil bagian dari janji dalam Yesus Kristus. ⁷ Ulun manjadi palayan Injil sasuai lawan karunia dari anugerah Allah, nang dijulung ka ulun manurut gawian kuasa Sidin. ⁸ Gasan ulun, nang paling hina diantara sabarataan urang kudus, anugerah ini dijulung gasan mahabarakan ka urang-urang kafir kakayaan Kristus nang kada tarsalami, ⁹ wan mambawa tarang ka satiap urang manganai rahasia nang tasambunyi salama baabad-abad dalam Allah, nang manciptaakan sagala sasuatu. ¹⁰ Dengan demikian, malalui Jamaat, berbagai hikmat Allah wayahini dipadahakan ka buhan pamarintah wan panguasa di wadah surgawi. ¹¹ Ini sasuai lawan rancana kekal nang dinyataakan dalam Yesus Kristus, Tuhan kita, ¹² nang dalam Sidin, kita mandapat keberanian wan jalan masuk ka Allah lawan yakin karana kasatiaan Kristus. ¹³ Karana nitu, ulun minta ka ikam supaya kada boleh putus asa malihat pandaritaan nang ulun alami demi ikam. Pandaritaan nitu adalah kamuliaan ikam. Doa Paulus gasan Jamaat Efesus ¹⁴ Gasan alasan inilah, ulun basujud di hadapan Bapa. ¹⁵ Matan Sidinlah, satiap kaluarga di surga wan di bumi manarima ngarannya. ¹⁶ Ulun badoa supaya sasuai lawan kakayaan kamuliaan Sidin, Sidin hakun mangaruniakan ka ikam kakuatan di dalam batin ikam, lawan kuasa malalui Roh Sidin, ¹⁷ Sahingga Kristus hakun badiam di dalam hati ikam malalui iman sahingga ikam baakar wan badasar dalam kasih. ¹⁸ wan supaya ikam baimbai sabarataan urang kudus kawa mamahami betapa lebar, wan panjang, wan tinggi, wan dalamnya kasih Kristus. ¹⁹ Dengan demikian, ikam kawa pinandu lawan kasih Kristus nang malampaui pangatahuan sahingga ikam dipenuhi lawan seluruh kepenuhan Allah. ²⁰ Gasan Sidin, nang sanggup manggawi jauh labih malimpah daripada sabarataan nang kita minta atawa pikirakan, sasuai lawan kuasa nang bagawi di dalam kita. ²¹ Gasan Sidinlah kamuliaan dalam jamaat wan dalam Yesus Kristus gasa sabarataan generasi sampai salawasan. Amin.