¹ Tuan-tuan, perlakukanlah budak-budak ikam bujur-bujur wan adil karana ikam tahu bahwa ikam jua baisi Tuan di surga. Hal-Hal nang Harus Digawiakan ² Bertekunlah dalam doa, lawan bajaga-jaga wan basyukur. ³ Badoalah jua gasan kami supaya Allah mambukakan pintu gasan firman sahinggal kami kawa mamproklamasikan rahasia Kristus, nang karananya ulun dipanjara. ⁴ Badoalah supaya ulun kawa manyampaiakan dengan jelas sabagaimana saharusnya ulun bapandir. ⁵ Basikaplah bijaksana lawan urang-urang luar wan gunakan kasampatan sabaik-baiknya. ⁶ Biarlah pandiran ikam salalu penuh kasih, dibumbui lawan uyah, supaya ikam tahu kayaapa saharusnya manjawab satiap urang. Salam matan Paulus wan Urang-Urang nang Baimbai Lawan inya V 7 Tikhikus pacang mangisahi sabarataan habar manganai ulun. Inya adalah dingsanak saiman kita nang tarkasih, palayan nang satia, wan kawan sagawian dalam Tuhan. ⁸ Ulun mangutus inya ka ikam batujuan supaya ikam tahu kaadaan kami wan supaya inya kawa manguatakan hati ikam. ⁹ Inya pacang datang lawan Onesimus, dingsanak saiman kita nang satia wan tarkasih, saurang dari antara ikam. Buhannya pacang mahabarakan ka ikam sagala sasuatu nang tajadi di sini. ¹⁰ Kawan ulun sapanjara, Aristarkhus, mangirim salam gasan ikam, kayaitu jua Markus, kamanakan Barnabas, nang manganai inya ikam sudah manarima patunjuk; sambutlah inya bila inya datang ka ikam. ¹¹ Jua salam dari Yesus nang dikiau Yustus. Di antara kawan sapalayanan ulun gasan Karajaan Allah, hanya buhan inilah nang barasal matan kalangan urang basunat, wan buhannya sudah manjadi panghiburan gasan ulun. ¹² Epafras, dingsanak saiman ikam,hamba Kristus Yesus, jua mangirim salam gasan ikam. Inya rancak bagumul dalam doa demi ikam supaya ikam kawa badiri teguh wan bakayakinan penuh dalam sagala kahandak Allah. ¹³ Ulun kawa basaksi kayaapa inya sudah banyak mandarita gasan ikam wan gasan buhan nang ada di Laodikia wan Hierapolis. ¹⁴ Lukas, dokter nang tarkasih, wan Demas mangirin salam gasan ikam. ¹⁵ Sampaiakan salam ulun ka dingsanak-dingsanak saiman di Laodikia, wan ka Nimfa wan jamaat nang ada dirumahnya. ¹⁶ Imbah surat ini dibacakan ka ikam, bacakanlah jua ka jamaat Laodikia. Sabaliknya, bacalah jua surat gasan jamaat Laodikia. ¹⁷ Padahakan ka Arkhipus, "Parhatikanlah supaya ikam manyalasaikan tugas palayanan nang sudah ikam tarima matan Tuhan." ¹⁸ Ulun, Paulus, manulis salam ini lawan tangan ulun saurang. Ingatlah belenggu ulun. Anugerah Allah menyertai Ikam.