¹ Matan Paulus, nang marupakan rasul Yesus Kristus oleh kahandak Allah, wan Timotius dingsanak saiman kita. ² Gasan urang-urang kudus wan dingsanak-dingsanak saiman nang satia dalam Kristus di Kolose . Anugrah gasan pian wan damai sajahtara matan Allah Bapa kita. Doa wan Ucapan Syukur Paulus ³ Waktu mandoakan pian, kami salalu basyukur lawan Allah, Bapa Tuhan kita Kristus Yesus, Karena kami mandangar manganai iman ikam dalam Yesus Kristus wan kasih nang ikam miliki gasan sabarataan urang kudus. ⁵ Iman wan kasih nitu mancungul karena pangharapan nang disadiakan gasan ikam di surga, nang sudah ikam dangar dalam firman kabanaran, yaitu Injil. ⁶ Injil nitu sudah sampai ka ikam bahkan ka saluruh dunia wan Injil ini tarus manghasilakan buah wan bakambang, nang kaya tajadi di antara ikam, matan hari ikam mandangarnya wan mamahami anugerah Allah dalam kabanaran. ⁷ Ikam sudah balajar hal ini matan Epafras, kawan sapalayanan kami nang terkasih, nang sudah manjadi palayan Kristus nang satia gasan ikam. ⁸ Inyalah nang sudah mahabarakan ka kami manganai kasih ikam dalam Roh. ⁹ Karena nitu, matan hari kami mandangarnya, kami kada suah ampih badoa gasan ikam wan maminta supaya Tuhan mamanuhi ikam lawan pangatahuan akan kahandak Sidin dalam sagala hikmat wan pangartian rohani. ¹⁰ Amun kayaitu, ikam kawa hidup dengan cara nang layak di hadapan Tuhan, mahimungakan Sidin dalam sagala hal, mahasilakan buah dalam satiap gawian baik, wan batumbuh dalam pangatahuan akan Allah. ¹¹ Mudahan ikam dikuatakan lawan sagala kakuatan sasuai lawan kamuliaan kuasa Sidin supaya iakm mandapat sagala katakunan wan kasabaran lawan sukacita. ¹² Basyukurlah ka Bapa nang sudah maolah ikam mamanuhi syarat gasan manarima bagian dari warisan urang-urang kudus dalam tarang. ¹³ Sidin sudah malapaskan kita dari kuasa kagalapan wan mamindahakan kita ka Karajaan Anak Sidin yang terkasih. ¹⁴ Dalam Sidin, kita baisi panabusan, yaitu pangampunan atas dosa-dosa kita. Kristus nang Tarutama dalam Sagala Hal ¹⁵ Sidin adalah gambaran dari Allah nang kada kalihatan, nang panuha atas sabarataan ciptaan. ¹⁶ Sabab, oleh Sidin, sagala sasuatu nang ada di surga wan di bumi diciptakan, nang kalihatan wan nang kada kalihatan, baik takhta, kakuasaan, pamarintah, maupun panguasa. Sagala sasuatu sudah diciptakan malalui Sidin wan gasan Sidin. ¹⁷ Sidin sudah ada sabalum sagala sasuatu di topang basama-sama dalam Sidin ¹⁸ Sidin adalah kapala dari awak, yaitu jamaat. Sidin jua adalah nang awal, nang panuha dari antara urang mati supaya Sidin manjadi nang utama dari sagala sasuatu. ¹⁹ Sabab, Allah barkanan supaya sabarataan kapanuhan Sidin badiam dalam Sidin. ²⁰ Malalui Sidin, sagala sasuatu didamaikan lawan diri Sidin, baik nang ada di bumi maupun di surga, yaitu pardamaian malalui darh Sidin nang tacurah di atas kayu salib. ²¹ Ikam dahulu terasing, mamusuhi Allah dalam pikiran ikam, wan manggawi gawiang nang jahat, ²² Wayahini ikam sudah didamaikan lawan awak jasmani Kristus malalui kamatian Sidin gasan mamparsambahakan ikam sabagai parsambahan nang kudus, kada bacacat wan kada bercela di hadapan Allah. ²³ Jadi, tataplah ikam badiam dalam iman, kokoh, wan taguh, kada digoyahakan dari pangharapan Injil nang ikam dangar, nang sudah dihabarakan ka sabarataan ciptaan di bawah langit, nang olehnya ulun, Paulus, manjadi palayan. Palayanan Paulus ka Jamaat ²⁴ Wayahini, ulun basukacita dalam pandaritaan ulun demi ikam karena di dalam daging ulun malangkapi apa nang kurang dalam pandaritaan Kristus, demi awak Sidin, yaitu jamaat. ²⁵ Ulun manjadi palayan jamaat sasuai lawan tugas panatalayanan dari Allah nang dijulung ka ulun gasan ikam supaya ulun kawa mahabarakan firman Allah lawan sapanuhnya. ²⁶ Inilah rahasia nang tasambunyi dari zaman ka zaman wan ganarasi, tatapi nang wayahini sudah dinyatakan ka urang-urang kudus Sidin. ²⁷ Allah handak manyatakan ka buhannya betapa kaya rahasia nang mulia ini di antara bangsa-bangsa lain, bahwa Kristus ada di dalam ikam, yaitu pangharapan dari kamuliaan. ²⁸ Kami mahabarakan manganai Sidin lawan managur wan mangajar satiap urang lawan sagala hikmat sahingga kami kawa mambawa satipa urang manjadi dewasa dalam Kristus. ²⁹ Gasan itulah, ulun jua basusah payah, bajuang sasuai lawan kuasa Sidin nang bagawi di dalam ulun.