¹ Parhatiakanlah bahwa pada hari-hari tarakhir, masa-masa kasukaran pacang datang. ² Sabab, urang pacang mancintai diri saurang, macintai uang, pambual, sombong, panghujat, kada taat lawan kuitan, kada tahu batarima kasih, kada suci, ³ kada tahu mangasihi, kada katuju badamai, katuju mamfitnah, kada kawa mangandalikan diri, kajam, kada katuju apa nang bujur, ⁴ pangkhianat, ceroboh, angkuh, labih mancintai hawa nafsu daripada mancintai Allah, ⁵ Kalihatan saleh tapi mandustai kuasanya. Jauhi urang-urang kaya itu. ⁶ Sabab, di antara buhannya ada urang-urang nang manyusup ka dalam jamaat wan manawan binian-binian lamah nang dibabani lawan banyak dosa wan manyeret buhannya lawan barbagai hawa nafsu. ⁷ Binian-binian kaya itu rancak balajar, tapi kada suah sampai ka panganalan nang bujur. ⁸ Sama kaya Yanes wan Yambres nang malawan Musa, kaya itu jua urang-urang ini nang malawan kabanaran. Pikiran buhannya sudah rusak wan iman buhannya kada tahan uji. ⁹ Akan tatapi, buhannya kada kawa labih jauh lagi karana kabodohan buhannya pacang nyata gasan satiap urang, sama kayakadua urang nitu. Nasihat Paulus ka Timotius ¹¹ kaya panganiayaan wan pandaritaan nang ulun alami di Antiokhia, Ikonium, wan Listra. Ulun batahan dalam panganiayaan, wan Tuhan manyalamatakan ulun dari sabarataan nitu. ¹² Sabujurnya, sabarataan urang nang handak hidup saleh dalam Yesus Kristus pacang dianiaya, ¹³ sadangkan urang-urang jahat wan buhan panipu pacang jadi labih buruk lagi, buhannya manyasatakan wan disasatakan. ¹⁴ Sadangkan gasan ikam, lanjutakanlah lawan apa nang sudah ikam palajari wan sudah ikam yakini karana ikam tahu matan siapa ikam mampalajarinya, ¹⁵ sabagaimana matan halus ikam sudah manganal Kitab Suci nang sanggup mambari ikam hikmat lawan kasalamatan malalui iman dalam Yesus Kristus. ¹⁶ Sabarataan Kitab suci dihidupi oleh Allah wan bamanfaat gasan mangajar, gasan manyatakan kasalahan, gasan mambaiki kalakuanm wan gasan mandidik dalam kabanaran. ¹⁷ Dengan demikian, manusia ampun Allah diparlangkapi gasan satiap parbuatan nang bujur.