¹ Karana nitu, anakku, jadilah kuat dalam anugarah nang ada dalam Yesus Kristus. ² Apa pun nang sudah ikam dangar matan ulundidepan banyak saksi, parcayakan nitu lawan urang-urang nang satia, nang jua mampu mangajar urang lain. ³ Umpatlah mandarita sabagai prajurit Yesus Kristus nang baik. ⁴ Kadada prajuritnang manyibukkakan dirinya lawan urusan hidup sahari-hari supaya inya kawa mahimungakan komandannya. ⁵ Kayaitu jua saurang olahragawan nang batanding, inya kada pacang baisi mahkota kamanangan kacuali inya batanding sasuai paraturan nang ada. ⁶ Saurang patani nang bagawian sudah salayaknya manjadi urang partama nang manarima hasil panennya. ⁷ Pikirakanlah apa nang ulun pandirakan karana Tuhan pacang manjulungi ikam pangartian dalam sagala hal. ⁸ Ingatlah Kristus YEsus, nang sudah bangkit matan urang mati, katurunan Daud, nang kaya ulun habarakan dalam Injil ulun, ⁹ nang olehnya ulun wayahini mandarita sampai dipanjara sabagai saurang kriminal, tatapi firman Allah kada tapanjara! ¹⁰ Karana nitu, ulun batahan dalam sagala sasuatu demi urang-urang pilihan Allah supaya buhannya jua mandapat kasalamatan nang ada dalam Yesus Kristus wan lawan kamuliaannya nang kakal. ¹¹ Pandirannya ini bujur : "Jika kita mati baimbai Sidin, kita jua pacang hidup baimbai Sidin. ¹² Jika kita tekun, kita jua pacang mamarintah baimbai Sidin. Jika kita manyangkal Sidin, Sidin jua pacang manyangkali kita. ¹³ Jika kita kada satia, Sidin tatap satia, Karena Sidin kada kawa manyangkal diri Sidin saurang." Pekerja nang Mahimungakan Allah ¹⁴ Ingatakan buhannya manganai hal-hal ini. Padahilah buhannya di hadapan Tuhan supaya kada badabat soal pandiran, sabab kadada gunanya pacang mahancurakan urang-urang nang mandangarnya. ¹⁵ Gawiakan nang tabaik gasan mamparsambahakan diri ikam nang layak di hadapan Allah sabagai pekerja nang kada usah supan, wan nang sudah mangajarakan pandiran kabanaran nang tepat. ¹⁶ Akan tatapi, hindari pandiran kada baguna nang sia-sia karana hal nitu pacang manuntun ka katidaksalehan nang parah. ¹⁷ Pandiran buhannya pacang menyebar kaya panyakit balawa. Di antara buhannya ada Himeneus wan Filetus, ¹⁸ nang sudah manyimpang dari kabanaran, lawan bapadah bahwa kabangkitan sudah tajadi. Buhannya marusak iman sabagain urang. ¹⁹ Namun, dasar Allah nang kuat tatapbadiri lawan matarai ini: "Tuhan pinandu siapa nang manjadi ampun Sidin," wan "Satiap urang nang mangakui ngaran Tuhan harus maninggalakan kajahatan." ²⁰ Di dalam rumah nang megah, bukan haja tadapat parabot dari amas wan perak, malainkan dari kayu jua wan tanah liat. Sabagian digunakan gasan tujuan nang tahormat, tatapi sabagian gasan tujuan nang hina. ²¹ Karana nitu, jika saurang manyucikan diri dari hal-hal nang hina, inya pacang manjadi parabot gasan tujuan nang tahormat, dikhususkan, baguna gasan tuannya, wan diparsiapakan gasan satiap gawian nang baik. ²² Jauhilah hawa nafsu urang anum wan kajarlah kabanaran, iman, kasih, wan damai sajahtara basama-sama lawan buhannya nang mangiau Tuhan lawan hati nang murni. ²³ Hindarilah perdebatan nang kada masuk akal wan kada bapangatahuan karana ikam tahu bahwa hal nitu pacang maolah takalahi. ²⁴ Palayan Tuhan haruslah kada bakalahi, tatapi ramah lawan sabarataan urang, pandai mangajar, wan sabar, ²⁵ lawan lembut manilai musuhnya. Samoga Allah manganugarahi buhannya partobatan nang manuntunnya ka pangatahuan akan kabanaran ²⁶ supaya buhannya manjadi sadar wan malapasakan diri matan jabakan Iblis nang sudah manjarat buhannya gasan manjalanakan kahandaknya.