¹ Matan Simon Petrus, hamba wan rasul Yesus Kristus, ditujuakan wan urang-urang nang hudah manarima iman wan kebenaran Allah wan Juru Selamat kita, Yesus Kristus. ² Sakiranya anugerah wan damai sejahtera balimpah dalam panganalan akan Allah wan Yesus, Tuhan kita. ³ Kuasa Sidin nang Ilahi talah manganugarahakan wan kita sagala sasuatu nang barkanaan awan hidup wan kasalehan, malalui pangatahuan akan Sidin nang hudah mangiau kita manuju ka kamuliaan wan kabaikan Sidin. ⁴ Melaluinya, Sidin talah manganugarahakan gasan kita janji Sidin nang amat besar wan berharga supaya awan janji-janji tersebut ikam kawa umpat ambih bagian dalam keilahian Sidin, wan tahindar matan karusakan nang tarjadi di dunia, nang disababakan ulih barbagai hawa nafsu. ⁵ Tujuannya ngitu, supaya kita barataan barusaha sungguh-sungguh manambah iman wan kabajikan, ⁶ penguasaan diri, katabahan, kasalehan, ⁷ kasih parsaudaraan lawan kada mamantingakan diri sandiri ⁸ Sabab pangatahuan ngitu kada pacangan sia-sia didalam Tuhan kita, Yesus Kristus. ⁹ Akan tatapi urang nang kada baisian sabarataan nang ngitu, manjadi buta sabab kada ingat amun buhannya ngitu hudah di ampuni dosa-dosanya. ¹⁰ Ulih sabab ngitu dingsanak-dingsanakku, barusahalah labih giat gasan mamastiakan bahwa ikam bujur-bujur dipanggil wan dipilih; sabab apabila ikam mausahaakannya ikam kada pacangan gugur. ¹¹ Awan demikian, lawang masuk ka dalam surganya Tuhan wan Juru Salamat kita, Yesus Kristus, cagaran tabuka libar gasan pian. ¹² Sabab itu pang, ulun ba maksud salalu maingatakan pian akan sabarataan hal itu, sakalipun ikam hudah paham wan nahab dalam kabanaran nang wayahini ikam miliki. ¹³ Salawas ulun masih hidup di dalam kemah duniawi ini ulun maanggap parlu gasan mandurung wan maingatakan pian. ¹⁴ Sabab uun tahu bahwa ulun kada lawas lagi maninggalakan kemah ini seperti nang hudah jelas ditunjukakan wan aku ulih Tuhan kita Kristus Yesus. ¹⁵ Wan handak barusaha saganap upayaku sakiranya maulah ikam tatap maingat sabarataan ini himbah aku tulak. (Saksi Mata Kemuliaan Kristus) ¹⁶ Sabab kami kada maumpati mitos-mitos nang dikarang awan cerdik katika mamparkanalakan wan ikam kuasa wan kadatangan Tuhan kita, Yesus Kristus, tetapi kami adalah saksi-saksi mata kamuliaan Sidin. ¹⁷ Sabab katika Yesus manarima hormat wan kamuliaan dari Allah Abah nang kaya katika di padahakan ulih nang Maha Mulia "Inilah Anak-Ku nang kukasihi, kapada-Nyalah Aku berkenan." ¹⁸ Buhan kami mandangar suara nang datang dari surga katika kami baimbai wan Sidin di gunung suci. ¹⁹ Kami pun samakin di kuatakan ulih nubuatan, nang sebaiknya jua buhan ikampun mamparhatiakan jua awan cermat, seperti jua katika ikam mamparhatiakan cahaya di padang kadap sampai baisukan datang wan bintang fajar manarangi hati pian. ²⁰ Akan tatapi, hal nang utama nang harus ikam pahami adalah bahwanya kadada nubuat dalam Kitab Suci nang barasal dari penafsiran manusia. ²¹ Sabab kadada satupun nubuatan nang muncul ulih kainginan manusia; sebaliknya urang-urang nang banubuat ngitu bepandir atas ngaran Allah bardasarakan ulih pimpinan Roh Kudus.