¹ Roh mamaadahkan wan jalas bahwa wayah-wayah pahabisannya, sabagian urang cagar maninggalakan imannya imbahitu manyarahakan diri ka roh-roh penyasat wan ajaran seta-setan. ² Buhannya dipangaruhi maliwati kamunafikan buhan pangaramput nang hati nuraninya sudah dicap lawan wasi panas. ³ Buhannya manangati urang manikah wan manangati urang makan makanan nang diciptaakan Allah, nang saharusnya ditarima wan ucapan syukur uleh buhan nang percaya wan pinandu kebenaran. ⁴ Sabab, sabarataan nang diciptaakan uleh Allah itu baik wan kada ada nang haram pabila ditarima wan ucapan syukur, ⁵ lantaran samuaan itu kudusakan uleh firmaan Allah wan doa. Pelayan Kristus nang Baik ⁶ Dengan maajar hal-hal ini ka dinsanak-dinsanak saiman, ikam cagar manjdi pelayan Yesus Kristus nang baik, nangkayaapa ikam sudah dididik dalam kata-kata iman wan ajaran sehat nang ikam umpati. ⁷ Jauhakan kesah-kesah takhyul wan dongeng-dongeng paninian tuha, tatapi latihlah diriikam gasan hidup dalam kasalehan. ⁸ Latihan awah tabatas gunanya, tatapi kasalehan baguna dalam sagala hal dagana baisi janji gasan kahidupan wayahini wan kahidupan nang akan datang kena. ⁹ Perkataan ini kawa dipercaya wan layak ditarima sabarataan. ¹⁰ Gasan itulah, kita kuat bagawi wan bajuang. Sabab, kita maandak pengharapan kita ka Allah nang hidup, nang adalah Juiru Salamat samuaan manusia, taristimewa buhannya nang percaya. ¹¹ Parintahakan wan ajarakanlah hal-hal ini. ¹² Jangan ada nang marandahakan ikam lantaran ikam anum, tatapi jadilah taladan bagi urang-urang percaya dlam pamanderan, kalakuan, kasih, iman, wan kasucian. ¹³ Sampai aku datang, rajianlah mambaca Kitab Suci, dalam mambari nasihat, wan dalam mangajar. ¹⁴ Jangan manyia-nyiaakan karunia rohani nang ada wanikam, nang dibariakan gasan ikam maliwati nubuatan wayah buhan dewan penatua manumpangakan tangan atasikam. ¹⁵ Rajin-rajin maulah hal-hal ini supaya sabarataan urang kawa malihat kamajuanikam. ¹⁶ Itihi bujur-bujur nangkaya apa ikam hidup wan apa nang ikam ajarakan. Rajin-rajinlah manggawinya dagana mun maulah kayaitu ikam cagar manyalamatakan , baik ikam saurang atawa buhannya nang mandangar ajaranikam.