¹ Panderan ini bujur, "Pabila urang mahandaki jabatan penilik jemaat, Inya mahandaki gawian nang baik." ² Dagan itu, penilik jemaat haruslah urang nang kada bercela, laki matan satu bini, bijaksana, manguasai diri, dihormati, katuju manampung, wan pintar mangajar, ³ kada pamabuk, kada kasar tapi lamah lembut, kada katuju bakalahi, wan kada urang nang cinta duit. ⁴ Inya harus maurus kaluarganya saurang baik-baik wan manjaga anak-anaknya supaya taat wan baisi rasa hormat. ⁵ Sabab, pabila inya kada tahu kayaapa maurus rumah tangga saurang, nangkayaapa inya kawa maurus jemaat Allah? ⁶ Kada boleh inya ura ng nang hanyar batobat supaya inya jangan sombong wan gugur ka dalam hukuman iblis. ⁷ Ditambah pulang, inya haruslah urang nang sudah dipinandu baik uleh urang-urang luar sahingga inya kada gugur dalam kahinaan wan jebakan iblis. Syarat-Syarat Majelis Jemaat ⁸ Kaitujua diaken, inya haruslah urang nang dihormati, kada bacabang ilat, kada kacanduan maminum anggur, wan kada mancari kauntungan yang kada jujur. ⁹ Buhannya harus kawa manjaga rahasia kebenaran iman lawan hati nurani nang barasih. ¹⁰ Buhannya harus diuji dahulu balalu tabukti kada bercela, buhannya kawa melayani sebagai diaken. ¹¹ Kaitujua buhan bini diaken, buhannya haruslah urang nang dihormati, kada pemfitnah, tatapi kawa manguasai diri wan kawa diparcaya dalam sabarataan hal. ¹² Diaken harus laki matan saikung bini, kawa maatur anak-anaknya wan rumah tangganya degan baik. ¹³ Sabab, buhaan nang sudah malayani sabagai diaken dengan baik cagar kolehan kahormatan bagi diri buhan saurang wan kayakinan nang ganal gasan imannya dalam Yesus Kristus. Rahasia Kasalehan Kita ¹⁴ Aku baharap aku kawa ancap datang wanikam, tatapi aku manulisakan hal-hal ini lawan ikam supaya ¹⁵ saandainya, aku talambat, ikam sudah tahu nangkayaapa buhannya harus hidup dalam rumah Allah, yaitu gereja dari Allah nang hidup, tihang panyokong, dasar matan kebenaran. ¹⁶ Kita maakui bujur ganalnya rahasia kasalehan itu: "Inya, dinyatakan dalam daging, dibenarakan oleh Roh, dilihat oleh malaikat-malaikat, dikesahakan di tangah bangsa-bangsa, dipercaya dalam dunia, diangkat ka kamuliaan."