¹ Matan Petrus, seorang rasul Yesus Kristus, gasan urang-urang nang tinggal sabagai urang nang kada dikenal, nang tepencar di sabarataan wilayah Pontus, Galatia, Kapadokia, Asia, wan Bitinia; nang dipilih ² matan pamulaan oleh Allah Bapa malalui pangudusan oleh roh gasan hidup dalam kapatuhan lawan Kristus Yesus wan mamparoleh lapayan darah-Nya: Sakiranya anugerah wan damai sajahtera malimpah atas pian! (Pangharapan nang Hidup) ³ Tarpujilah Allah wan Bapa Tuhan kita Yesus Kristus nang sasuai wan anugerah Sidin nang sangat besar, sudah malahirakan kita lagi kadalam pengharapan nang hidup malalui kabangkitan Kristus Yesus diantara urang mati, ⁴ wan gasan mewarisi harta pusaka nang kada kawa binasa, kada kawa rusak, wan kada kawa layu, nang tasimpan di surga gasan pian, yaitu pian nang dijagai oleh kuasa Allah malalui iman keslamatan nang siap dinyataakan pada akhir zaman. ⁶ Dalam hal nginilah pian sangat bersukacita, sakalipun gasan samantara waktu, pabila diparluakan, pian harus mandarita berbagai macam pancubaan ⁷ sahingga imam pian nang lebih baharga dari amas nang fana, sakalipun sudah tawi oleh api, tabukti murni wan manghasilakan pujian, kamuliaan, wan kahurmatan waktu penyataan Yesus Kristus. ⁸ Pian balum parnah malihat Sidin, tatapi pian mangasihi Sidin, wan meskipun wahini pian kada malihat Sidin, tatapi pian percaya lawan Sidin. Pian bagambira wan basukacita nang tak tarucapakan wan nang dipenuhi kamuliaan, ⁹ karena akhir matan tujuan iman pian. ¹⁰ Tentang keselamatan ngini, buhan nabi nang manubuatakan anugerah nang akan jadi ampun pian itu sudah menyelidiki wan mampalajari awan teliti banar. ¹¹ Buhannya mancari tahu tentang siapan wan pabila waktu nang dimaksud oleh Roh Kristus nang ada dalam diri buhannya katika Sidin manubuatakan panderitaan Kristus wan kamuliaan nang manghampiri imbah itu. ¹² Wadah babuhan nabi itu dinyataakan bahwa buhannya lain malayani diri buhannya saurang, tatapi malayani pian dalam hal-hal nang wahini sudah dipadahakan ka wadah pian malalui urang-urang nang menghabarakan Injil lawan pian awan Roh Kudus nang diutus matan surga; hal-hal ngitulah nang handak banar disaksiakan oleh buhan malaikat. (Panggilan gasan Hidup Kudus) ¹³ Oleh ngitu, siapakanlah akal budi pian wan waspadalah, andak akanlah oengharapan pian sapanuhnya lawan anugerah nang pacangan dibaari wadah pian katika Kristus Yesus dinyatakan . ¹⁴ Sabagai anak-anak nang patuh, jangan bebulik kecara hidup lawas, nang kada tahu sikap hidup nang labih baik, ¹⁵ Tetapi kuduslah dalam sagala tingkah laku pian, kaya Allah memanggil pian adalah kudus. ¹⁶ Sabab ada tatulis, "Kuduslah ikam karena Aku kudus." ¹⁷ Wan, pabila pian memanggil Sidin sabagai Bapa, nangitu Sidin nang manghakimi sabarataan urang sasuai parbuatan buhannya tanpa mambedaakan, hiduplah dalam rasa takut mun pian masih badiam sebagai urang kada dikenal; ¹⁹ melainakan darah Kristus nang mulia, darah Anak Domba nang mulu wan sampurna ²⁰ Sabab, Kristus sudah dipilih tumatan dunia balum lagi diciptakan, tapi Sidin hanyar dinyatakan pabila zaman akhir gasan pian. ²¹ Malawi Sidin, pian manjadi percaya wan Allah, yaitu Allah nang mambangkitakan Sidin dari antara urang mati wan Allah nang mambariakan kamuliaan lawan Sidin, nyaman iman wan pangharapan pian ada didalam Allah. ²² Oleh pain sudah mamurniakan jiwa pian dalam kapatuhan gasan kebenaran hingga baisi kasih padingsanakan nang tulus, oleh karena itu ayu am kita saling mangasihi awan sungguh-sungguh matan hati nang murni, ²³ sabab pian sudah dilahirakan kambali, lain matan banih nang mati, malainakan matan banih nang kada kawa mati, yaitu malalui firman Allah nang hidup wan tinggal tatap. ²⁴ Kitab Suci baucap sagala nang hidup kaya rumput, wan sagala kamuliaan nang kaya kambang rumput, rumput layu wan kambangnya gugur ²⁵ tetapi firman Tuhan tatap sampai salawasan. "Yesaya 40:6-8 Wan, Firman ngitulah Injil nang dihabarakan lawan pian.