¹ Sabab itu, buangi sabarataan rasa sarik, sabarataan tipu daya, sabarataan kemunapikan, sabarataan iri hati, wan sabarataan macam fitnah. ² Kaya bayi nang hanyar lahir, handaklah pian mahandaki susu rohani nang murni supaya pian bartumbuh dalam kasalamatan pian, ³ amun pian sudah bujur-bujur marasakan sabujurnya Tuhan itu baik ⁴ Rahatan pian datang mahadap Kristus, Batu Hidup nang kada ditarima uleh manusia, tapi nang dipilih uleh Allah wan dianggap sangat baharga gasan Sidin, ⁵ pian jua kaya batu hidup, nang diulah jadi rumah rohani, imamat nang kudus gasan mempersambahkan kurban-kurban rohani nang barkanan gasan Allah malalui Yesus Kristus. ⁶ Sabab Kitab Suci barkata, "Lihati, Ulun maandakakan sabiji batu di Sion, sabiji batu panjuru nang tapilih wan nang mulia, wan siapa haja nang parcaya lawan Sidin kada disupanakan." Yesaya 28:16 ⁷ Jadi, batu nang mulia tu gasan pian nang parcaya, tapi bagi nang kada parcaya "Batu nang dibuang uleh tukang bangunan, sudah manjadi batu panjuru," Mazmur 118:22 ⁸ wan jadi "batu sandungan, wan karang nang maulah urang tagugur." Yesaya 8:14 Buhannya tasandung karna kada taat lawan Firman. nangitu jalan nang sudah ditantuakan gasan buhannya. ⁹ Amun, pian bangsa nang tapilih, imamat yang rajani, bangsa nang kudus, umat kapunyaan Allah saurang supaya pian kawa mahabarakan kabaikan-kabaikan Sidin, nang sudah mamanggil pian kaluar tumatan kagalapan manuju tarang Sidin nang ajaib. ¹⁰ Dahulu, pian bukan umat Allah, tapi wayahini pian adalah umat Allah. Dahulu, pian kada manarima belas kasihan, tapi wayahini pian sudah manarima belas kasihan Allah." Hosea 2:23 ¹¹ Buhan dingsanak nang kukasihi, ulun handak manasehati pian sabagai pandantang wan urang asing di dunia ini gasan manjauhakan diri pian matan kahandak hawa nafsu duniawi nang baparang malawan jiwamu. ¹² Jaga kalakuan pian nang baik disasala urang-urang nang balum parcaya supaya mun buhannya mamfitnah pian sabagai palaku kajahatan, buhan kawa malihat gawian pian nang baik, wan cagar mamuliakan Allah pada hari pelawatan ¹³ Demi ngara Tuhan, tunduklah lawan satiap lembaga pemerintahan nang ditatapkan uleh manusia, baik gasan raja sabagai panguasa tertinggi, ¹⁴ atawa gasan buhan gubernur nang diutus uleh raja gasan mahukum buhan palaku kajahatan wan mambari pujian lawan urang-urang nang babuat baik. ¹⁵ Sabab, kaya itu kahandak Allah: baolah kabaikan, pian manutup ketidaktahuan urang-urang nang kada mangarti. ¹⁶ Hiduplah kaya urang-urang bebas, tapi jangan gunakan kababasan tu gasan manutupi kajahatan. Kabalikannya, hiduplah kaya hamba-hamba Allah. ¹⁷ Hormatilah sabarataan urang. Kasihilah dingsanak saiman, takutlah lawan Allah, wan hormatilah raja. ¹⁸ Hamba, turutilah tuan pian lawan saganap kahormatan. Kada hinggan gasan buhannya nang baik lawan lamah lambut, tapi gasan buhannya nang kada adil. ¹⁹ Sababnya kaya kasih karunia, gasan kasadarannya lawan Allah, saikung urang handak batahan dalam kasusahan uleh ketidakadilan. ²⁰ Sabab, apa haja upah pian jaka lawan katabahan pian manarima hukuman uleh gawian pian nang badosa? Tapi, jaka pian kasusahan uleh pagawianan baik wan pian manarimanya lawan tabah, gawian pian nang kaya itu di tarima di hadapan Allah. ²¹ Sababnya, uleh itulah pian dipanggil, uleh Kristus jua sudah mandarita gasan pian wan maninggalakan taladan gsan pian supaya pian maumpati jajak Sidin. ²² Sidin kada baulah dosa, wan mandustai kadada di muntung Sidin. YESAYA 53:9 ²³ Amun Sidin diuluti, Sidin kada cagar mambalas lawan hulutan; rahat Sidin mandarita, Sidin kada maancam, tapi manyarahakan diri Sidin gasan Allah nang cagar mahukum lawan kaadilan. ²⁴ Sidin saurang nang sudah mannggung dosa kita lawan awak Sidin di kayu salib supaya kita nang mati ulah dosa, wan hidup gasan kabanaran. ULeh bilur-bilur Sidin, bubuhan pian di sambuhakan. ²⁵ Dahulu, pian kaya domba nang tatarusan sasat, tapi wayahini pian sudah babulik lawan Sang Gembala wan Pelindung jiwamu.