¹ Sasuatu nang sudah ada tumatan dahulu nang sudah kami dangar wan kami lihat lawan mata kami, nang sudah kami parhatiakan wan nang sudah kami santuh lawan tangan kami, yaitu Firman kahidupan, ² kahidupan itu sudah ditampaiyakan wan kami kawa malihat Sidin. Kami basaksi wan mahabarakan gasan pian tentang kahidupan kekal itu, nang sudah ada basama-sama Bapa wan sudah ditampaiyakan gasan kami. ³ Hal nang sudah kami lihat wan dangar itu, kami habarakan jua gasan pian supaya pian jua baisian persekutuan basama lawan kami. Sebujurnya persekutuan kami itu adalah basama Allah Bapa wan anak-Nya, Kritus Yesus. ⁴ Samunyaan hal ini kami tuliskan gasan pian supaya sukacita pian jadi penuh. ⁵ Inilah habar nang sudah kami dangar tentang Sidin wan kami sampaiyakan gasan pian, yaitu Allah adalah terang wan di dalam Sidin sama sakali kadada kagalapan. ⁶ Bila kita bapada bahwa kita baisian persekutuan lawan sidin, tetapi kita hidup dalam kagalapan, kita mandustai wan kada malakukan kebenaran. ⁷ Mun, bila kita bajalan dalam terang, sama wan Sidih di dalam terang, kita baisian persekutuan satu wan nang lain, wan darah Yesus, Anak-Nya, mambarasihkan kita dari samunyaan dosa. ⁸ Bila kita bapadah bahwa kita kada badosa, kita manipu diri kita saurang wan kebenaran kadada di dalam kita. ⁹ Amunnya kita mangakui dosa-dosa kita, Sidin adalah setia wan adil mangampuni dosa-dosa kita wan mambarsihakan kita matan samunyaan kejahatan. ¹⁰ Amunnya kita bapadah bahwa kita balum pernah baulah dosa, kita membuat Sidin jadi penipu wan firman Sidin kadada di dalam kita.