¹ Anak-anakku, ulun manulisakan hal-hal ini ke pian supaya pian kada baulah dosa. Amun, bila ada nang baulah dosa, kita baisian pambela di hadapan Bapa, yaitu Kristus Yesus, nang bujur ituy. ² Sidin itu kurban pendamaian gasan dosa-dosa kita. Wan, kada gasan dosa-dosa kita haja, tapi jua gasan dosa-dosa sabarataan dunia. ³ Demikian kita tahu bahwa kita manganal Allah, amun kita patuh lawan perintah-perintah Sidin. ⁴ Urang nang ba ucap, " Ulun pinandu lawan Allah," tapi kada manuruti perintah-perintah Sidin, inya adalah saurang panipu wan kabanaran kadada di dalam inya. ⁵ akan tetapi, siapa nang manuruti Firman Sidin, kasih Allah telah bujur-bujur sampurna di dalam dirinya. Kaya itu jua kita tahu bahwa kita di dalam Sidin. ⁶ Urang nang manyambat bahwa inya badiam di dalam Allah, ia harus hidup sama lawan Yesus nang hidup jua. ⁷ Bubuhan dingsanak nang ulun kasihi, ulun kada manuliskan perintah hanyar gasan pian, melainkan perintah lawas nang sudah pian miliki tumatan nang dahulu. Perintah lawas nitu adalah Firman nang sudah pian dangar tumatan dahulu. ⁸ Namun, ulun jua sedang manulisakan perintah hanyar gasan pian, nang bujur di dalam Sidin wan di dalam pian karena kagalapan sedang balalu wan terang nang banar wayahini bersinar. ⁹ Urang nang baucap bahwa inya ada dalam terang, tapi muar lawan dingsanaknya, maka inya masih ada di dalam kagalapan sampai wayahini. ¹⁰ Urang nang mangasihi dingsanak badiam di dalam terang wan kadada saikung urang nang maulahnya tasandung. ¹¹ Akan tetapi, urang nang muar lawan dingsanaknya berada dalam kagalapan wan bajalan dalam kagalapan. Inya kada tahu kamana inya tulak karena kagalapan sudah mambutakan matanya. ¹² Ulun manulisakan gasan pian, ui anak-anak, dosa-dosa pian sudah diampuni demi ngaran Sidin. ¹³ Ulun manulisakan gasan pian, ui bapa-bapa, karena pian telah manganal Sidin tumatan dahulu. Ulun manulisakan gasan pian, ui urang-urang anum, karena pian sudah mengalahkan si jahat. Ulun manulisakan gasan pian, ui anak-anak, karena pian telah manganal Bapa. ¹⁴ Ulun manulisakan gasan pian, ui bapa-bapa, karena pian sudah manganal Sidin tumatan dahulu. Ulun manulisakan gasan pian, ui urang urang anum, karena pian kuat, wan firman Allah badiam di dalam pian, wan pian sudah mengalahkan si jahat. ¹⁵ Janganlan mancintai dunia ini atawa hal-hal nang ada di dalam dunia. Bila saikung urang mancintai dunia, kasih Bapa kadada di dalam inya. ¹⁶ Sabab, sabarataan nang ada di dalam dunia, yaitu kahandak dagingn, kahandak mata, wan kesombongan hidup kada barasal matan Bapa melainkan matan dunia. ¹⁷ Dunia ini sedang lenyap basama dengan kahandaknya, tapi urang nang malakukan kahandak Allah cagar hidup salawasan. ¹⁸ Anak-anakku, wayahini adalah akhir zaman; wan kaya nang sudah pian dangar bahwa anti-Kristus cagar datang, bahkan wayahini banyak anti-Kristus sudah datang. Kaya itu jua kita tahu bahwa wayahini adalah zaman akhir. ¹⁹ Buhannya datang tumatan kita, tapi buhannya kada tamasuk bahagian kita. Sabab, bila buhannya bahagian matan kita, buhannya cagaran basama lawan kita. Amun, bila buhannya maninggalakan kita nyata buhannya bukan bagian matan kita. ²⁰ Cagaran, pian sudah mamiliki pengurapan matan Nang Kudus, wan pian mangatahui samunyaan. ²¹ Ulun manulisakan gasan pian bukan karna pian balum mangatahui kabanaran, malainkan cagar pian mangatahuinya wan cagar kadada dusta nang barasal matan kabanaran. ²² Siapakah pandusta itu kalu bukan pian nang manyangkal bahwa Yesuslah Sang Kristus? Itulah anti-Kristus, urang nang manyangkal Bapa atawa Anak. ²³ Siapa haja nang manyangkal Anak kada mamiliki Bapa. Atawa, satiap urang nang maakui Anak, inya jua mamiliki Bapa. ²⁴ Maraha apa nang sudah pian dangar matan dahulu tatap badiam di dalam pian. Bila apa nang sudah pian dangar matan dahulu tatap badiam di dalam pian, pian jua cagar badiam di dalam Anak wan Bapa. ²⁵ Wan, inilah janji nang Sidin julung gasan kita, nangitu hidup kakal. ²⁶ Samunyaan hal nang sudah kutulisakan gasan pian ini, bakaitan lawan bubuhan nang bausaha manyasatakan pian. ²⁷ Amun, urapan nang sudah pian tarima matan Sidin tatap badiam di dalam pian, wan pian kada mamarluakan urang lain gasan mangajar pian. Cagarannya, karna pangurapan Sidin nangitu malajari pian tentang sagala sasuatu -- wan hal nagitu adalah banar, kada badusta-- sebagaimana Sidin sudah malajari pian, tataplah badian di dalam Sidin. ²⁸ Wayahini, anak-anakku, badiamlah di dalam Sidin supaya rahat sidin manyatakan diri, kita mamiliki kayakinan diri wan kada supan di hadapan Sidin pada saat Sidin datang. ²⁹ Bila pian tahu bahwa Sidin adalah benar, pian jua tahu bahwa satiap urang nang malakukan kabanaran lahir cagar Sidin