¹ Ja̧u̧nö̧ o'ca'a Ttömä kärächi'ö bo̧yu̧cu̧ topinösä̧, ja̧'hua̧nö̧ tochomenä carucätta tottare caballostö̧ dotta'a topinö̧sä̧, mö̧ä̧'quiyu to'care 'cä̧tȩ jo̧mȩttö̧ rä'o'ö tticha'a ja̧'hua̧nö̧ ja̧'a̧ ja̧u̧ mö̧ä̧'quiyumä broncettö adicuä o'ca ji̧na̧'a̧. ² Ä̧cuo̧mȩnä̧ carucättamä caballo tu̧'a̧ doinätta, ja̧u̧nu̧ o'ca'a carucättamä caballo i̧di̧cua̧ doinätta, ³ huäbodäcuänä päi'önä carucättamä caballo tȩ'a̧ doinätta, pa̧ja̧cuä̧nö̧ päi'önä carucättamä caballo parubanö ja̧'a̧nä̧ sä̧ru̧pa̧ ja̧'hua̧ta̧'a̧nö̧ idicu o̧bi̧ pȩjä̧cu̧ doinätta. ⁴ Ja̧'hua̧nö̧ ja̧'a̧ ttömä ädätinösä̧ ja̧'hua̧ta̧'a̧nö̧ ángel ttöcu ucuocuäjirömä pä'inö̧sä̧: ¿Pi̧yȩmä̧ däjejä̧ttö̧ Chu̧ru̧hua̧?" ⁵ Ángel ädätömä päinä̧cu̧sä̧: "Pi̧yȩmä̧ mo̧ro̧jä̧ttö̧ pa̧ja̧cuä̧nö̧ kä̧ru̧'coppa ja̧'a̧, TÖ̧Ä̧NÄ̧HUA̧ o'cajuiyunä rȩjȩ u̧ru̧hua̧ ä'ca jo̧mȩ ttö̧jo̧mȩttö̧ räopäppa ja̧'a̧. ⁶ Caballostö idicuätömä̧ rȩjȩttö̧mä̧ ttö'ohuecu ja̧'a̧cu̧ 'chä̧nö̧ rä'opätö; caballostö̧ te'ätömä kä̧hua̧ ma̧ä̧cha̧'a̧cu̧ 'chä̧nö̧ re'opätö. caballostö pärubanö huotö ja̧'a̧nä̧ idicu o̧bi̧ pȩjä̧u̧mä̧ ttu'ohue ja̧'a̧cu̧ 'chä̧nö̧ rä'opinä̧tö̧." ⁷ Pitö caballotö̧ juruhuätömä̧ rä'opächinä̧tö̧ ja̧'hua̧nö̧ rä'opächö usu 'chi̧nä̧tö̧ ja̧huä̧ rȩjȩ jä̧ttä̧yä̧jä̧ soböcuächönä̧ ja̧'hua̧nö̧ ji̧yä̧cu̧ Dios i̧huȩnȩ ȩcua̧ i̧sa̧mä̧ päinä̧cu̧: "¡Tätucui ja̧'hua̧nö̧ 'chä̧nö̧mä̧ ja̧huä̧jä̧mä̧ jä̧ttä̧jä̧tä̧ cuosubötätucuajá!" Ja̧'hua̧nö̧ huȩä̧u̧ jahuätömä jä̧huä̧jä̧ jä̧ttä̧jä̧ sobötö 'chä̧nö̧ rä'opächinä̧tö̧. ⁸ Ja̧u̧nu̧ o'ca'amä ja̧u̧mä̧ huoinä̧cu̧sä̧ ja̧'hua̧nö̧ huopäji'ca̧ ttöcu ucuocumä päinä̧cu̧sä̧: "Topittö rȩjȩ ö'ohuecu ja̧'a̧cu̧ rä'opätörö; jahuätömä cha̧'cua̧ru̧hua̧rö̧ huȩnȩ hua̧ a̧'cua̧ ȩmö̧nä̧ jȩä̧cua̧mä̧ rȩjȩ u'ohuecunä̧ttö̧mä̧." ⁹ TÖ̧Ä̧NÄ̧HUA̧MÄ̧ Ttörö ucuocumä pa̧'a̧nö̧ pä'inö: ¹⁰ korotö ttidepiyura̧'a̧cu̧ ttȩpi̧nä̧u̧ Heldai'inä, Tobías'inä jaa̧'hua̧ta̧'a̧nö̧ Jedaías'inä ppa̧ttä̧cha̧'a̧mä̧, ttiya pä'ö ku̧nä̧huä̧mä̧ jä'epätucuitö ja̧'hua̧nö̧ ja̧'a̧ ja̧u̧tä̧ mo̧ro̧ Sofonías i̧tti̧ Josías Babiloniasra̧'a̧ttö̧ ichäji ojusodera̧'a̧ cuȩpa̧ja̧. ¹¹ Ja̧u̧nu̧ o'ca'amä platanämä, oronämä pöttähuä cuaditajá aditi'ö'ca̧mä̧ Josadac i̧tti̧ sacerdotetö̧ttö̧ juȩ'i̧pa̧ Josué unä 'ca̧tä̧dö̧ cu̧huȩna̧já̧. ¹² Chu̧cuo̧cuä̧cua̧sä̧ ja̧u̧ro̧mä̧ ja̧'hua̧nö̧ pä̧dä̧cua̧sä̧: ¡TÖ̧Ä̧NÄ̧HUA̧ O'cajuiyunä̧ ju̧ru̧hua̧mä̧ pi̧yȩ pä'ö: ¡Pidemä̧, i̧mi̧mä̧ Rama pä'ö micua̧! Ja̧u̧mä̧ buojuoäcua̧ ö̧ji̧no̧mȩttö̧tä̧ ja̧'hua̧nö̧ ba̧=a'ipö'ca̧mä̧ TÖ̧Ä̧NÄ̧HUA̧RÖ̧ ucuocuäcuähuode pä'äjita'anö̧ a̧di̧tä̧cua̧! ¹³ Ja̧u̧tä̧ jä̧cua̧'a̧ TÖ̧Ä̧NÄ̧HUA̧RÖ̧ ucuocuähuode aditäcua̧mä̧ ja̧'hua̧nö̧ aditö adihuode ä̧rä̧bȩ'ä̧cua̧; ja̧u̧nu̧ o'ca'a ja̧u̧mä̧ ruhuo dȩä̧cä̧nä̧ pä̧nö̧ huȩä̧cua̧. Ja̧u̧mä̧ ya̧tȩ Sacerdote jö̧nä̧ jä̧cua̧ ruhuo deäcänä pä̧nö̧mä̧ ja̧'hua̧nö̧ jo̧mȩnä̧ huȩnȩ juiyönä kä̧cuä̧huä̧ kä̧cua̧'a̧ jahuätö ta̧ju̧nä̧mä̧. ¹⁴ Ji̧yȩtȩ pputähuämä̧ chu̧huȩnä̧cuä̧sä̧ TÖ̧Ä̧NÄ̧HUA̧RÖ ucuocuäcuähuodenä huȩnä̧huä̧cua̧'a̧ Heldairö'inä, Tobiasrö'inä̧, ja̧'hua̧'a̧nö̧ Jedaiasrö'inä̧ ttucuota pä'ö ja̧'hua̧ta̧'a̧nö̧ Sofonias i̧tti̧mö̧rö̧ re kä̧cuä̧huä̧ amöcuädömä. ¹⁵ Ja̧u̧nu̧ o'ca'a jitö oto ka̧cuä̧tö̧mä̧ ttichäcuotö ja̧'hua̧nö̧ ichö TÖ̧Ä̧NÄ̧HUA̧ ö̧jo̧de ttadictäcuotö ja̧'hua̧nö̧ jo̧mȩnä̧ ucutumä cu̧huo̧juä̧cuo̧tö̧jä̧ ucutu cu̧ja̧cuä̧tu̧cua̧'a̧cu̧ ttörö hue'inö̧mä̧ TÖ̧Ä̧NÄ̧HUA̧TÄ̧ ja̧'a̧ pä'ö, pi̧yȩmä̧ 'cuäopäcua'ató isopäi'önä ucutu TÖ̧Ä̧NÄ̧HUA̧ ucuocu cuä̧ju̧cuä̧tu̧cu̧ttö̧tä̧!"