¹ Kä̧hua̧tö̧mä̧ ochonö huotö päi'omenä Ru̧hua̧ Daríotä todäre a̧'ȩ jo̧mȩnä̧ ruhuo hueö pä̧nä̧ TÖ̧Ä̧NÄ̧HUA̧MÄ̧ Zacaríasnä ucuocuinö, Berequías i̧tti̧nä̧, Iddotä ö̧do̧ profetanä̧, pa̧'a̧nö̧ pä'inö: ² "¡TÖ̧Ä̧NÄ̧HUA̧MÄ̧ Rö̧ä̧nä̧ ra̧huä̧ri̧nö̧ cu̧tä̧mö̧ mi̧nä̧tu̧cu̧ru̧mä̧!" ³ Jahuätörömä ji'ähui: TÖ̧Ä̧NÄ̧HUA̧ o'cajuiyönä ju̧ru̧hua̧mä̧ pi̧yȩ pä'ötó: "¡Ttöcu ppa̧'a̧chä̧tu̧cui̧!" Pi̧yȩ ja̧'a̧ TÖ̧Ä̧NÄ̧HUA̧ o'cajuiyönä ju̧ru̧hua̧ huäjunä ucuocu jiäumä̧, "Ja̧'hua̧nö̧ jö̧ttö̧mä̧ ucuturu ppa̧dä̧chä̧cua̧sä̧" pä'ötó TÖ̧Ä̧NÄ̧HUA̧ o'cajuiyönä ju̧ru̧hua̧mä̧." ⁴ Cuä̧'o̧tö̧ minätu̧cu̧ ji̧na̧'a̧nö̧mä̧ cuätucuó, jahuätörö profetamä 'cuä̧o̧pä̧mä̧ ä'canä pa̧'a̧nö̧ ji'ähuinä̧tö̧: TÖ̧Ä̧NÄ̧HUA̧ o'cajuiyönä ju̧ru̧hua̧mä̧ pa̧'a̧nö̧ pä'ötó: "¡Suronä jȩpö̧ cui̧'chä̧tu̧cu̧ttö̧mä̧ 'cä̧'i̧pä̧chä̧tu̧cui̧ ja̧'hua̧ta̧'a̧nö̧ surojö jȩpö̧ cu̧jä̧tu̧cu̧ttö̧'i̧nä̧! Ja̧'hua̧nö̧ ja̧'a̧nä̧ jahuätömä Ttö pädömä adiumä ä̧ju̧cuo̧co̧tö̧ pinätö̧. TÖ̧Ä̧NÄ̧HUA̧MÄ̧ pa̧'a̧nö̧ huäjunä ji'äutó". ⁵ Cuä'otö̧mä̧ ¿Tó ttö̧ja̧cua̧'a̧ttö̧? ¿Dios päö huȩnȩ ji'ähuätömä tó ttö̧ja̧cua̧'a̧ttö̧, pȩnȩtä̧ 'cuäopönä ttö̧ja̧cuö̧ä̧cua̧'a̧? ⁶ Ja̧'hua̧nö̧ ja̧'a̧nä̧ chi̧huȩnȩ'inä ja̧'hua̧ta̧'a̧nö̧ jȩtta̧ pä'ö hue'ö ku̧nä̧huä̧'i̧nä̧ Ttö chumöhuäyotö Dios pädö huȩnȩ ji'ähuätörömä hue'inö̧sä̧, ¿Cuä̧'o̧tö̧ jȩtti̧no̧mȩttö̧'inä yabonänö 'cuä'o'ocotö pinä̧tö̧jä̧? ja̧'hua̧nö̧ ja̧'a̧, jahuätömä surojö cä'ädi'ömä pä'inä̧tö̧: "TÖ̧Ä̧NÄ̧HUA̧ o'cajuiyönä ju̧ru̧hua̧ ujuturu jȩa̧ pä'ö amöcuädö u̧ju̧ni̧nö̧ta'anö, ujutu tö̧ja̧cu̧nä ja̧'hua̧ta̧'a̧nö̧ ujutu pä̧huä̧rö̧jö̧nä̧ jȩtö̧nä̧, ja̧'hua̧nö̧tä̧ ja̧u̧mä̧ jȩpi̧nö̧ ujuturumä." ⁷ Mo̧ro̧tä̧ veinticutronö̧ mo̧ro̧ pä'iomenä̧ ka̧cua̧tä̧ dieznö̧ pä'iomenä̧, Sebalt ka̧huä̧ ji̧na'a̧, Ru̧huä̧ Dario hueö todäre a̧jȩ pä'iomenä̧, TÖ̧Ä̧NÄ̧HUA̧ ihuȩnȩmä̧ ichina'a̧ Zacariasnä̧, Beraquía i̧tti̧ ji̧na'a̧, Iddotä ö̧do̧, Dios ihuȩnȩ ji̧ä̧huä̧'i̧sä̧mä̧ pä'inö̧. " ⁸ yodomä̧ topinö̧sä̧ i̧jȩcuä̧chä̧'a̧, ja̧'hua̧nö̧ ja̧'a̧ pä'inö̧ ¡topi! ya̧tȩ ttö̧ja̧sä̧ caballo tu̧'a̧ u̧huä̧mȩ hui̧nö̧, ja̧u̧mä̧ daujuiyä ä̧u̧ ka̧cu̧ kä̧tȩ jo̧mȩ ki̧nö̧ rȩjȩ pämä̧roppä pä'iomȩ, Ja̧u̧ caballo tu̧a̧ abojanä̧mä̧, Cuä̧ru̧cua̧nö̧cuä̧'i̧nä̧, tu̧huo̧ppa̧'a̧nö̧ cua̧'i̧nä̧ ja̧'hua̧'a̧nö̧ tȩa̧'i̧nä̧. ⁹ pä'inö̧sä̧: " ¿däjejätö̧ pi̧yȩmä̧, CHUÄ̧NÄ̧HUÄ̧?" ja̧hua̧nö̧ ja̧'a̧ chu̧ru̧huä̧ huȩä̧cuä̧mä̧ ucuhuäji töcumä̧ pa̧'a̧nö̧ ppä'aji ttörumä̧: " ttömä̧ chi̧jȩ ppä̧cuä̧jä̧ ucurumä̧ pi̧yȩja̧ pä'ömä̧.'' ¹⁰ Ja̧'hua̧nö̧ ja̧'a̧nä̧ ya̧tȩ ttö̧jo̧sä̧ dauhuiyä ä̧u̧ ka̧cu̧ ka̧tȩ jo̧mȩ 'ca̧ji̧mä̧ ka̧mä̧di̧nö̧, ädättö pä'inö: '' pitumä TÖ̧Ä̧NÄ̧HUA̧TÄ̧ huȩä̧ju̧ Vagar rȩjȩ O'cahuiyunä̧ tti̧chä̧ pä'ö.'' ¹¹ Juättömä̧ ädätinä̧tö̧ TÖ̧Ä̧NÄ̧HUA̧ huȩä̧cuä̧mä̧ dauhuiyä a̧u̧ ka̧cu̧ kä̧tȩ jo̧mȩ ka̧mä̧dö̧; juättömä̧ pä'inä̧tö̧ ja̧u̧rö̧mä̧: '' juä̧'jä̧ rȩjȩnä̧mä̧ ujutumä̧ hueächä; topi, juä̧'ä̧ rȩjȩ O'cahuiyunä̧ u̧nö̧chä̧ru̧tä̧ pȩjä̧tö̧ ttöjuru ȩmu̧tä̧.'' ¹² Ja̧'hua̧nö̧ ja̧'a̧ttö̧, TU̧RU̧HUA̧ ucuocu jiäcuähuä i̧sa̧ ädätö pä'inö: "CHU̧RU̧HUA̧ o'cajuiyönä ju̧ru̧hua̧, ¿Ti̧yȩnö̧tä̧ jo̧mȩnä̧ reto'cuäcua'a jä̧ttö̧ UCUMÄ Jerusalénmä ja̧'hua̧ta̧nö̧ Judá ötahuiyä'inämä juiyo surähuätö setenta a̧'ȩ jo̧mȩnä̧?". ¹³ TÖ̧Ä̧NÄ̧HUA̧ ädätinö huȩnȩ jiäcuähuä i̧sa̧rö̧ ttöcu ucuocuru, adiunä̧tä̧ pä'ö, chujuru iyö pä'ötä. ¹⁴ Ja̧'hua̧nö̧ ja̧'a̧, TÖ̧Ä̧NÄ̧HUA̧ ucuocu jiäcuähuä ii̧sa̧ ttucu ucuocu kä̧ji̧mä̧ päinö ttörömä: "Jäepu pä'irö: TÖ̧Ä̧NÄ̧HUA̧ o'cajuiyönä ju̧ru̧hua̧mä pi̧yȩ pä'ö: ¡TTÖMÄ juiyo chä'cuoyähuönä jä̧cu̧sä̧ Jerusalén'mä ja'hua̧ta̧nö̧ Sión'näinä! ¹⁵ Ja̧'hua̧nö̧ ja̧'a̧ttö̧ TÖMÄ juiyo chami surunä jä̧cu̧sä̧ eseu ka̧cuȩtö̧rö̧mä̧ ttämucuädoca'a. TTÖ katä chamisurunä chö̧jo̧mȩnä̧mä̧, jahuätömä juiyo abora'atä suronä jȩpu̧ ko̧cui̧nä̧ttö̧. ¹⁶ Ja̧'hua̧nö̧ ji̧yä̧cu̧, TÖ̧Ä̧NÄ̧HUA̧ ju̧ru̧hua̧mä̧ pa̧'a̧nö̧ pä'ö: TOMÄ Jerusalén rȩrö̧jö̧nä̧ to̧pö̧ ppa̧'a̧chä̧ji̧sä̧. ¡chojusodema juȩnȩtä̧ adicui'äcua'a; pa̧'a̧nö̧tä̧ pä'ö TÖ̧Ä̧NÄ̧HUA̧MÄ̧. Öoto pa̧'a̧cuä̧ta̧mä̧ ttö̧ȩcuä̧chä̧cua̧'a̧ Jerusalén'inä pa̧ja̧cuä̧chö̧nä̧!" ¹⁷ Pä'äjita'anö, huopö pa̧'a̧nö̧ pä'ö: "TÖ̧Ä̧NÄ̧HUA̧ ju̧ru̧hua̧mä̧ pa̧'a̧nö̧ pä'ö: TTÖ chötahuiyämä pä'äjita'anö adihuomenätä jä̧cua̧'a̧ TÖ̧Ä̧NÄ̧HUA̧TÄ̧ pä'äjita'anö ttesehuächi'önä jȩä̧cua̧ Jerusalén ttö̧ja̧, ja̧'hua̧ta̧'a̧nö̧tä̧ pojopö ȩmä̧cua̧ Jȩru̧sa̧lȩ́nttö̧'i̧nä̧." ¹⁸ Ja̧u̧nu̧ o'ca'a, ¡Ju'tojucu boyucu tochomenä i̧sa̧ ä̧ja̧ i̧sä̧nä̧ pa̧ja̧cuä̧nö̧ o̧na̧ ka̧'a̧ topinösä! ¹⁹ Jä'epinösä Dios huȩ'ä̧hua̧ isoppa hua̧ ttucu kö̧rö̧: "¿Däje jä̧ttö̧ pa̧'a̧nö̧ jö̧mä̧? Ja̧u̧ ädätinäcu̧sä̧: " Piye i̧sa̧ ä̧ja̧ o̧na̧mä pperecuächinö Judánä̧'i̧nä̧, Israélnä'i̧nä̧ ja̧'hua̧ta̧'a̧nö̧ Jerusalénnä̧'i̧nä̧". ²⁰ Ja̧'hua̧nö̧ TÖ̧Ä̧NÄHUA̧ i̧jȩpi̧nä̧cu̧sä̧ pa̧ja̧cuä̧nö̧ amucuädö rä'epu aditätörö. ²¹ Ttö pä'inösä̧: ¿däjé jȩpu̧ tticha'attö̧ pitö ttö̧ja̧mä̧? Ja̧u̧mä̧ ädätö päinä̧cu̧sä̧: pi̧yȩ ja̧'a̧ i̧sa̧ ä̧já̧ o̧na̧ Judarö rä'epu tticuinö i̧jȩpu̧mä̧, ya̧tȩ ttö̧ja̧ i̧sa̧'i̧nä̧ u cäepö juiyäcua'anö. däje pä'ö rä'epö icu tticha ja̧'a̧ttö̧ pitö ttö̧ja̧mä̧, Judá rȩjȩttö̧ jahuätö döttecuächa pä'ö äräbe'inätö̧ pä̧huä̧ri̧ ja̧'a̧nö̧ i̧sá̧ ä̧jä̧ i̧sä̧na̧ ja̧'hua̧nö̧ ja̧'a̧ttö̧ ttö̧ja̧cuo̧mȩ de'iyu pu̧nä̧ i̧sá̧ ä̧ja̧ i̧sä̧na̧ do'opö icu ichätö."