¹ ¡Eseäcuähuä ka̧'a̧ ya̧tȩ suropätö ro̧'ȩpö̧ jittähua'acu 'cho̧cö̧rö̧mä, ja̧'hua̧nö̧ jo̧ca̧'a̧ jö̧ttö̧'i̧nä̧ suronä̧ jȩpä̧tu̧cu̧ cue'ächocörö, ya̧huä̧huȩ'ä̧cuä̧huä̧ ttö̧ja̧cu̧ ppä'ächi'ocörö. ² Ja̧'hua̧nö̧ ja̧ jueimä TÖ̧Ä̧NÄ̧HUA̧TTÖ̧ hueähuä huȩnȩtä̧ eseunä̧ jä̧cu̧rö̧ ja̧'hua̧ta̧nö̧ hueähuä huȩnȩmä̧ mo̧ro̧'i̧nä̧, yodo'i̧nä̧ a̧mö̧cuädö kö̧rö̧mä̧! ³ Ja̧u̧mä̧ aje pö̧o̧mȩ ku̧nä̧huäi dau, u̧huä̧ju̧ huȩjö̧ pä̧nä̧ huȩjäi jä̧'i̧nö̧'a̧nö̧, ojiyä'i̧nä̧ joächocoi, jä̧'i̧nö̧'a̧nö̧ jä̧cua̧, korojuei ja̧u̧ jȩö̧'i̧nä̧ iso juo̧ȩpä̧cua̧. ⁴ Suronä̧ jȩpä̧tö̧mä̧ ja̧hua̧nö̧mä̧ huocotö, isä'cua kä̧ru̧'coppa kara'a oto ȩmi̧pä'cua jä̧'i̧nö̧'a̧nö̧ jo̧nä̧ huotö. ⁵ Ja̧'hua̧nö̧ ja̧'a̧ttö̧ suronä̧ jȩä̧cuä̧huä̧ ttö̧ja̧mä̧ ro̧ȩcuä̧ra̧'a̧tä̧ ttö̧jä̧cuä̧tö̧, Ja̧hua̧ta̧nö̧ surojutä jȩpä̧tö̧mä̧ adiu jȩpä̧tö̧cu̧ ko̧co̧tö̧ ttäcuotö. ⁶ TÖ̧Ä̧NÄ̧HUA̧MÄ̧ Adiu jȩpä̧tö̧ ttö̧mä̧nä̧mä̧ jue'epu, ja̧'hua̧nö̧ ja̧'a̧nä̧ suronä̧ jepätö̧ ttö̧mä̧nä̧mä̧ ja̧'a̧tä̧tä̧ toepächäcua'a.