Capítulo 4
1
Topittö, TÖ̧Ä̧NÄ̧HUA̧ o'cajuiyönä ju̧ru̧hua̧mä̧ pä'ö: Täcö mo̧ro̧mä̧ tö'cöhuächa'a inä'ca dua'a jä̧'i̧nö̧'a̧nö̧, ja̧'hua̧ta̧'a̧nö̧ o'catoi'önä huo̧juä̧tö̧jä̧ pä'ätömä juhua'atäcu suropätömä mejiyä'che jö̧nä̧tö̧ ttö'ärohuächäcuotö. Ja̧u̧ mo̧ro̧mä̧ ku chicuäcuotö," pä'ötó TÖ̧Ä̧NÄ̧HUA̧ o'cajuiyönä ju̧ru̧hua̧mä̧, ja̧'hua̧nö̧ jo̧mȩnä̧ yorö'iso ki̧'o̧ca̧'a̧ jä̧cua̧'a̧ öjöcäcä'inä ja̧'hua̧ta̧'a̧nö̧ ä̧na̧juä̧ adiyä'inä.
2
Ja̧'hua̧nö̧ ja̧'a̧nä̧ ucutu Ttö chimi ye'ecuätörömä kä̧hua̧ adihuä i̧sa̧mä̧ ujuabiyänä nacuä̧chä̧tu̧cu̧mä̧ aditö i̧cuä̧cua̧. Ucutumä räcuopäcuotöjä̧ ja̧'hua̧ta̧'a̧nö̧ tucuäcuotöjä pä̧cä̧yu̧ tti̧tti̧mö̧ i̧so̧ca̧ jacuä ka̧cuä̧tö̧ tötta'a jä̧'i̧nö̧'a̧nö̧.
3
Ja̧'hua̧nö̧ ja̧'a̧ ucutumä suropätörö ducuäcuotöjä, isopäi'önä jahuätömä ä̧ya̧ri̧sa jä̧'i̧nö̧'a̧nö̧ ö̧jö̧pö̧ dȩa̧'a̧ ttö̧jä̧cuo̧tö̧ ttö jȩchö̧ mo̧ro̧mä̧," pä'ötó TÖ̧Ä̧NÄ̧HUA̧ o'cajuiyönä ju̧ru̧hua̧mä̧.
4
Amöcuädätucui hueähuä huȩnȩ chiyinömä chumöhuä̧ya̧ Moisésrö Horeb möä'ca kada'cattö. Ja̧u̧ o'comenä ja̧'hua̧ta̧'a̧nö̧ hueähuä huȩnȩ o'catoi'önä Israel ttö̧ja̧mä̧ ä̧ju̧cu̧ tteseta pä'ö ji̧na̧'a̧.
5
Topätucui, ucuturumä Dios ucuocu jiäcuähuä i̧sa̧ Elíasrö hueäcuotöjä, rö̧mo̧ro̧ ichäcua'a ä'canä ja̧'hua̧ta̧'a̧nö̧ TÖ̧Ä̧NÄ̧HUA̧RÖ̧ yettecu mo̧ro̧mä̧.
6
Ja̧u̧mä̧ pärotö i̧cuä̧cua̧ ttä̧'o̧tö̧ttö̧mä̧ tti̧tti̧mö̧rö̧ ja̧'hua̧ta̧'a̧nö̧ tti̧tti̧mö̧ ttamiso'quimä ttä̧'o̧tö̧rö̧, Ttö micuä jȩpö̧ rohuäu ja̧huä̧jä̧ jä̧ttä̧jä̧ si'epö chicua'acu."