¹ TÖ̧Ä̧NÄ̧HUA̧MÄ̧ i̧huȩnȩnä̧ huäjuetö icu jiähuinö Malaquíanä Israel ttö̧ja̧rö̧ jiäunä." ² Ttömä ucuturu repe'ä'ijösä," pä'ötó TÖ̧Ä̧NÄ̧HUA̧MÄ̧. Ja̧'hua̧nö̧ pä'anä ucutumä pä'ätöjä̧: "¿Tocu ujuturumä repeä'ijättö̧?" "¿Esáumä Jacob uböo jo̧ca̧'a̧ ji̧na̧'a̧? Pä'ö huäjuetö ji'äu. "Ji̧nä̧ Jacobrömä repe'ösä, ³ Ja̧'hua̧nö̧ ja̧'a̧nä̧ Esaúrömä ku'cocösä. Ö̧jo̧mȩ möä'camä si'epö icu icuicuome ja̧'a̧ ja̧'hua̧ta̧'a̧nö̧ ȩma̧ pä'ö ji̧nö̧mä̧ de'a isotötä ttö̧ja̧cuo̧mȩ de'a juiyome jö̧nä̧tä̧ juoächina'a." ⁴ Edóm ttö̧ja̧mä̧ pä'ätö: "Ujutumä rohuäu tticuäjä̧u̧jä̧, ja̧'hua̧nö̧ ja̧'a̧nä̧ ujutumä si'epö icuäcuähuome pä'äjita'anö ti̧rȩjä̧mä̧ täräbe'äcuotöjä̧," TÖ̧Ä̧NÄ̧HUA̧ ju̧ru̧hua̧mä̧ pä'ö: "Jahuätömä pä'äjita'anö tti̧rȩjä̧ ttäräbe'a pä'ö huotö, ja̧'hua̧nö̧ ttäräbea'anä pä'äjita'anö si'epö chicuiyäcuotö. Korotömä ottäcuotö: Suropätö tti̧rȩjä̧ pä'ötä ja̧'hua̧ta̧'a̧nö̧ TÖ̧Ä̧NÄ̧HUA̧TÄ̧ 'cuäopönätä̧ suronä jȩttö̧nä̧tä̧ päinä̧u̧. ⁵ Tta̧mö̧nä̧ ttöärenä̧tä̧ tottäcuotö pi̧yȩmä̧ ja̧'hua̧nö̧ jo̧mȩnä̧ päcuäcuotöjä̧: TÖ̧Ä̧NÄ̧HUA̧ ö̧rö̧ä̧mä̧ Israel ttö̧ja̧ tti̧rȩjä̧ beipome yabonänö ja̧'a̧. ⁶ Ya̧tȩ i̧tti̧ jä'orö ucuotömä, ja̧'hua̧ta̧'a̧nö̧ ya̧tȩ u̧mu̧huä̧ya̧ u̧ru̧hua̧rö̧ ucuotömä. ja̧'hua̧'a̧nö̧ ja̧'a̧ttö Ttö ttä'o chuttömä̧, ¿to ka̧'a̧ttö̧ chucuomä̧? Cu̧ru̧hua̧tö̧cu̧ chuttömä̧ ¿to ka̧'a̧ttö̧ ttörö ye'ecu cucuotätucumä̧?" TÖ̧Ä̧NÄ̧HUÄ̧ o'cajuiyönä ju̧ru̧hua̧mä̧ pä'ö umu̧huäyotö sacerdotetö̧, ttö chi̧mi ku'cocotörömä. " ja̧'hua̧nö̧ ja̧'a̧nä̧ ucutumä̧ pä'ätöjä̧: '¿Ucu cuiminä̧mä̧ tocu jȩpö̧ tucuotoca'a jä̧'i̧jä̧ttö̧? ⁷ ku icu ttörö iyähuomȩttö̧ pan niyȩcuä̧chu̧ cuiyätucuomenä. ucutumä̧ pä'ättöjä: '¿tocu jȩpö̧ ni̧yȩcuä̧chö̧mä̧ tiyä'ijäcuttö?' ja̧u̧mä̧ ku icu TÖ̧Ä̧NÄ̧HUA̧RÖ̧ iyähuomemä kö'cocotöjä̧ pä'ö jȩ'cuä̧tu̧cu̧ ja̧'a̧." ⁸ I̧sa̧ ä̧to̧ca̧rö̧ ku icu ttiyuttömä̧, ¿ja̧u̧mä̧ surojoca'a? Ja̧'hua̧ta̧'a̧nö̧ i̧sa̧ ppi̧sä̧ppi̧sä̧ 'chu̧rö̧'i̧nä̧ ja̧'hua̧ta̧nö̧ na'a̧chu̧rö̧'i̧nä̧, ¿ja̧u̧mä̧ suröjoca'a? ja̧u̧rö̧ cui̧i̧ȩpo̧ttö̧mä̧ ruhuo hueähuä ru̧hua̧rö̧, ¿ja̧u̧mä̧ ȩmu̧'a̧nö̧ huotöcö̧, bo̧yu̧cu̧ toö'anö huotöcö̧?" pä'ö TÖ̧Ä̧NÄ̧HUA̧ o'cajuiyönä ju̧ru̧hua̧mä̧. ⁹ Jitämä̧, yabonö̧ ösätöcui Diorömä̧, ja̧u̧mä̧ ujuturu rȩrö̧jö̧ toöttötä re ö̧ja̧tö̧jä̧. ucutu ku icu iyähuä chȩma pä'ö jo̧cö̧ cuiyätucuttömä ¿Tocu pä'ö ppädädätucuacu päcuätucua'attö̧? ¹⁰ ¡Isó, ucututtu ya̧tȩttö̧'i̧nä̧ jö̧ja̧dó̧ Diosrö ucuocuäcuähuode mö̧'ȩpa̧, ucutu a̧mo̧nä̧tä̧ ku'icu iyähuätä̧ jȩcu'ä̧tu̧cua̧'a̧cu̧! TTÖMÄ ucuturumä chöjö'cö juiyönä jä̧cu̧sä̧," pä'ö TÖ̧Ä̧NÄ̧HUA̧MÄ̧, "ucutu ku'icu cuiyätucumä yaute'inä esehuocö chä̧cua̧sä̧. ¹¹ Pi̧jä̧ o'cahuiyönä kä̧cua̧ räopomȩttö̧ kä̧mä̧dö̧ mo̧ä̧cho̧mȩ jobu kä'ädö, TTÖ chimimä rö̧ä̧cua̧'a̧ pi̧jä̧ ttö̧ja̧ ttö̧jo̧cu̧ o̧du̧nä̧mä̧ jä̧'hua̧nö̧ ja̧'a̧ttö̧ ttö̧jo̧mȩ punämä ttiyäcuottö adiu a̧mȩu̧nä̧ 'choputä ku'icu iyähuämä ttö chiminämä surojö'inä juiyötä. TTÖ chimimä yoröiso rö̧ä̧cua̧'a̧ ttö̧ja̧ ttö̧jo̧cu̧ o̧du̧nä̧mä̧," pä'ö TTÖ̧Ä̧NÄ̧HUA̧MÄ̧. ¹² "Ja̧'hua̧nö̧ ja̧'a̧nä̧ ucutumä TÖ̧Ä̧NÄ̧HUA̧RÖ̧ ucuotönö iyähuodenämä sorojötä i'cächö adicua'a pä'ättöjä, ja̧'hua̧nö̧ ja̧'anä̧ ja̧u̧ cuähuämä ttucu juiyö'anötä̧ jö̧ pä'ö. ¹³ Ucutumä pä'ätöjä: Pi̧yȩmä̧ ujuturumä 'cuätächi'önä jȩö̧; ja̧'hua̧nö̧ pä'ö ucuo juiyönä cui̧ji̧yu̧tu̧cu̧nä̧ ppu'ätöjä," TÖ̧Ä̧NÄ̧HUA̧MÄ̧ pä'ö. "Ucutumä i'cächätöjä dea i̧sa̧rö̧ 'chu'ädi'öcotö, 'ta'ipurö'inä nä̧'a̧chö̧rö'i̧nä̧cö̧; ja̧'hua̧nö̧ jȩpu̧'cöchö iyätöjä cuiäretucu ku'icu iyähuämä. ¿Chemu'anö ja̧'a̧ täji piye cuiyätucumä? "pä'ö TÖ̧Ä̧NÄ̧HUA̧MÄ̧". ¹⁴ Yapare hua̧mä̧ kö'cähuocötä̧ jä̧cua̧, ä̧ji̧mu̧ puttädäcuäcuotöttö uborö ku̧nä̧rö̧ ucurutä chi̧yä̧cua̧sä̧ pä'ji o'ca'a ja̧'a̧nä ttö CUÄ̧NÄ̧HUA̧RÖ̧MÄ̧ i̧sa̧rö̧ cuäi'icumä iyöjä ¡suropa̧rö̧tä̧! Tocu pä'ö jȩ'cuä̧ TTÖMÄ juiyó ucuo ru̧hua̧sä̧, pä'ö TÖ̧Ä̧NÄ̧HUA̧MÄ̧ , ja̧'hua̧nö̧ ja̧'a̧ttö̧ ttö̧ja̧mä̧ ttö chiminämä ucuo tettähuäcuotö."