¹ Ja̧'hua̧'a̧nö ja̧'a̧ yaute mo̧ro̧ 'cuäopina'a̧ DIOS i̧tti̧mö 'chä̧hui̧'i̧nä̧tö̧ TÖ̧Ä̧NÄHUA̧ a'cajome. Ähuettä'inä 'chä̧hui̧'i̧nö̧ jahuätö ttö̧'cä̧tȩnä̧ TÖ̧Ä̧NÄHUA̧ a'cajome. TÖ̧Ä̧NÄHUA̧ ähuettärö pä'inö: ¿Tottö cuichä jä'ä? ² Ja̧'hua̧nö̧ jäepäcu ähuettä ädätinö TÖ̧Ä̧NÄHUA̧RÖ̧ pä'inö: Pi̧jä̧nä̧ ja̧'a̧tä̧ra̧'a̧tä̧ cue'ächä̧rö̧ kä̧'ji̧sä̧. ³ TÖ̧Ä̧NÄHUA̧ ädätinö ähuettärö: ¿Ttö huedö jȩpä̧'i̧jö̧ Job-römä däjetä cuamucuädä? Juä̧jä̧ rȩjȩnä̧mä̧ ya̧tȩ ttö̧ja̧sä̧'i̧nä̧ toa'a juä̧u̧'a̧nö̧ adiu jueinätä̧ jȩpö̧mä̧, DIOSRÖ ucuotö ja̧'hua̧ta̧'a̧nö̧ surojöttö'inä 'quä̧'i̧pä̧chä̧rö̧ kö̧ma̧. Jua̧u̧mä̧ ji̧nä̧ 'chu̧'ä̧ra̧cuä̧u̧ o'cajuiyönä, ucú suronä jȩcu'a̧ pä'ö jä̧cuȩpä̧ra̧'a̧nä'i̧nä̧ juo̧u̧rö̧, surojö jȩpo̧cö̧rö̧ surojocuepä päcumä. ⁴ Ähuettämä TÖ̧Ä̧NÄ̧HUA̧RÖ̧ ädätömä̧ pä'inö̧: "Isopä'iönä idepänä barachi'a ja̧ pä'ö'i̧nä̧, ttö̧ja̧sa̧mä̧ o'cajuiyönä u̧ju̧nä̧ru̧mä̧ a̧'cua̧rö̧ jähuänä iya pä'ötä hua̧. ⁵ Ja̧'hua̧nö̧ ja̧'a̧ ucu cu̧mö̧ te'ädö ihue'quiyönä'i̧nä̧, idepänä̧'inä mȩ'i̧rö̧, to'cuajattö̧ cuä'ca jo̧mȩttö̧ suronä päöjuiyacu ja̧ pä'ö." ⁶ TÖ̧Ä̧NÄ̧HUA̧MÄ̧ päinä̧cu̧. Topittö̧, ja̧u̧mä̧ jitämä ucu cu̧mu̧nä̧ kö̧, suro a̧'cua̧rö̧tä̧ mȩcuä̧rö̧." ⁷ Ja̧'hua̧nö̧ päcu ähuettämä TÖ̧Ä̧NÄ̧HUA̧ ö̧jo̧mȩttö̧ rä'opächinö̧. Ja̧u̧mä̧ Job öttahuiyä barau jähuänä räopönä jȩpi̧nö̧ ö̧jä̧pi̧yä̧ dȩa̧'a̧ttö̧ kä̧mä̧dö̧ U huä̧mȩ jubö cä'ädö. ⁸ Jobmä redä'cattö adicuä i̧sä̧ ȩmi̧nö̧ ja̧huä̧bi̧nä̧tä̧ öcarähua pä'ö, ja̧'hua̧nö̧ jȩpö̧ ä̧ya̧ri̧sa huö̧mȩ pä̧mä̧di̧nö̧. ⁹ Ja̧u̧nu̧ o'ca irecuamä̧ päjinä̧cu̧: "¿Ji̧nä̧ surojömä jui̧'a̧ jö̧nä̧ cu̧ja̧ päcua'a? Diosrö suronä pä'ötä 'corujuo'ächi." ¹⁰ Ja̧'hua̧nö̧ päjäcu ja̧u̧mä̧ päinä̧cua̧: "Ucumä isaju a̧mö̧cudocoju 'cua̧rö̧nä̧ ucuocuäjö̧jä̧ttö̧. ¿Diosttömä̧ adiutä tȩma̧ pä'ö ja̧'a̧ tä̧ji̧ surojömä tȩmo̧ca̧'a̧tä̧? Pi̧yȩ huȩnȩ ucuocu o'cajuiyönä̧ttö̧mä̧, Job ättömä̧ surojö pähuämä räopächoca'a ji̧na̧'a̧. ¹¹ Ja̧'hua̧nö̧ ja̧'a̧, ahuaruhuä huämetucuämä ja̧u̧ru̧ surojö rȩbȩhuä̧ja̧'a̧ 'cuäopö o'cajuiyönä ä̧ju̧cuä̧jä̧'cotö, ttö̧jo̧mȩ pönättö̧ yotucu pönä ichinä̧tö̧ jahuätömä: Teman ttö̧ja̧sa̧ Elifaz'inä, Súah ttö̧ja̧sa̧ Bildad'i̧nä̧ ja̧'hua̧ta̧'a̧nö̧ Naamat ttö̧ja̧sa̧ Zofar'i̧nä̧. Jahuätömä a̧mö̧cuädö ku̧ni̧nä̧tö̧ ya'ute hora jo̧mȩnä̧ ja̧u̧cu̧ ajau'i̧nä̧ ja̧'hua̧ta̧nö̧ a̧'cua̧ ȩmö̧nä̧ ppä'ädö tticharö pä'ömä. ¹² Jahuätö otonä̧ kä̧nö̧ bo̧yu̧cu̧ tottomenä̧, juätömä̧ yorisotä ttieruhuinä̧cu̧. Jahuätömä pä̧i̧cu̧nä̧ rä̧mi̧pö̧nä̧ ajaumä; yotucu pönä tti̧ä̧rȩti̧yu̧ sȩrä̧u̧ icu kä̧nö̧ ocurä isä̧ppȩ ju'tocu icuäcuähuinä̧tö̧. ¹³ Ja̧'hua̧nö̧ jȩpö̧ juätömä̧ sietenö mo̧ro̧ ja̧hua̧ta̧nö̧ sietenö̧ yodo jo̧mȩnä̧ ppȩjä̧mi̧nä̧tö̧ ja̧u̧cu̧ juä̧jä̧ rȩjȩnä̧mä̧. Yorö'iso ya̧tȩ'i̧nä̧ ucuocuocö pinö̧, ja̧'hua̧nö̧ ja̧'a̧ jahuätö tottomȩnä̧ ja̧u̧ usurä ȩmä̧u̧mä̧ ro̧ȩi̧nä̧ jähuä ji̧na̧'a̧.