Capítulo 4
1
Ji̧yȩnö̧ mo̧ro̧mä̧ nä̧tö̧ koromö̧ttö̧ ta̧ju̧nu̧ huotömä ya̧tȩ uborö 'chu'ädi'ipö pättäcuotö: Ujututtu cuäcuähuämä ujutumä tucuäcuotöjä̧, ujututtu ihueye 'ca̧tä̧cuä̧huä̧mä̧ ujutumä tö̧'ca̧tä̧huä̧cuo̧tö̧jä̧ ja̧'hua̧nö̧ ja̧'a̧nä̧ ja̧'a̧tä̧ topitö cui̧mi̧ tȩma̧'a̧nä̧ dä'ä juiyönä pätopärönä jä̧'i̧jö̧tä̧ jȩpö̧ icuitö.
2
Ji̧yȩnö̧ mo̧ro̧mä̧ tu̧ru̧hua̧ttö̧ ä̧na̧juä̧ päi'önä pöttächipömä juiyo adihuäcua'a ujuru jähuä ja̧'a̧ttö̧, ja̧'hua̧nö̧ ja̧'a̧nä̧ rȩjȩttö̧ u̧huä̧ju̧ päi'önä jö̧mä̧ Israel ttö̧ja̧ttö̧ ka̧cui̧pi̧nä̧tö̧ TTÖ̧Ä̧NÄ̧HUA̧ päi'önä ucuotäcuähuä jäcua̧'a̧.
3
Ja̧'hua̧nö̧ ja̧'a̧ Siónnä kö̧rö̧'i̧nä̧ juhua'a jö̧ ta'anö jerusalénnä kö̧rö̧'i̧nä̧ pättäcuotö ucumä surojö jui̧'a̧jä̧ jö̧nä̧, o'catoi'önä ka̧cuä̧tö̧rö̧mä̧ huȩyu̧tu̧ ku̧nä̧huä̧cua̧'a̧ Jerusalénnätä ka̧cuä̧tö̧ pä'ö.
4
Pi̧yȩmä̧ 'cuäopäcua'a ji̧yȩnö̧ pä̧nä̧ Siónttö̧ i̧tti̧mö̧ nä̧tö̧ jö̧nä̧ huotörö surojö ttu̧ju̧nä̧rö̧ Tu̧ru̧hua̧tä̧ töcö icu pänä, ja̧'hua̧ta̧'a̧nö̧ Jerusalén kä'cottö kä̧mä̧dö̧ ttucuojänä surojö 'cucuächi'inö töcö icuomenä, A̧'cua̧ru̧hua̧ ro̧ȩcuä̧ i̧sa̧nä̧'inä, juhua'a jö̧ ta'anö A̧'cua̧ru̧hua̧ ocurä i̧sa̧tä̧ jö̧nä̧ hua̧nä̧'i̧nä̧.
5
Ja̧'hua̧nö̧ ja̧'a̧ Siónttö de'ahuiyä o'cajuiyönä huämenä'inä ja̧'hua̧ta̧'a̧nö̧ ca̧ca̧cui̧pö̧ huȩnȩ ucuocuäcuähuome huämenä'inä, Tu̧ru̧hua̧mä̧ uhuäbe'äcua̧ mo̧ro̧mä̧ isoppa idicuoppa, ja̧'hua̧ta̧'a̧nö̧ yodó tejäda pä'ömä ocurä cuo'ö kä̧dȩpa̧'a̧ jä̧'i̧nö̧'a̧nö̧ jä̧cua̧'a̧; pi̧yȩ o'cajuiyönä huämenämä Tu̧ru̧hua̧ öadihuätä isärutä kä̧cua̧'a̧.
6
Tta̧huä̧ra̧ pä'ö'inä ppäda pä'ö'inä jö̧mä̧ mo̧ro̧ du'omenä ppäda päömä ttinö jö̧nä̧ jä̧cua̧'a̧, ja̧'hua̧ta̧'a̧nö̧ tta̧huä̧rä̧cua̧'a̧ ajiya ichö, ra̧huȩjö̧nä̧ 'cuäopomenä'inä.