¹ Porächi, porächi'ö, cujuru 'ca̧tä̧dä̧cuä̧hui̧ Sión; adiu a̧'cua̧cuä̧ta̧ 'ca̧tä̧hui̧, Jerusalén ötahuiyä 'cä̧'ȩpö̧ ku̧nä̧huo̧mȩmä̧; ja̧'hua̧nö̧ ja̧'a̧ yorö'iso porö yabocumä u̧da̧pä̧rȩ päjure 'cui'ocuocotömä̧, suropätömä do'ächocotö ttäcuotö. ² Jerusalén ttö̧ja̧ rȩjȩ i̧sa̧ppȩmä̧ ppusäu icu; ä̧rä̧mi̧'ö̧mä̧ pä̧mä̧di̧; cu̧ru̧pä̧'quȩ rä̧sa̧ ko̧'ä̧dä̧cuä̧u̧ icui, Sión ittiju cärenä pä̧ju̧. ³ Ja̧'hua̧ta̧nö̧ pi̧yȩ ja̧'a̧ TÖ̧Ä̧NÄ̧HUA̧ päömä: "Ucumä micuä juiyönä̧tä̧ iyö icuähuajujä ja̧'hua̧nö̧ ja̧'a̧ttö̧ pärätänä chimitoca'a chȩmä̧cua̧ju̧jä̧." ⁴ Ja̧'hua̧nö̧ ja̧'a̧ pi̧yȩ ja̧'a̧ TÖ̧Ä̧NÄ̧HUA̧ Dios päömä: "Ä̧cuo̧mȩnä̧mä̧ chu̧mö̧huäyotömä Egipto rȩjȩra̧'a̧cu̧ mȩyȩhui̧nä̧tö̧ cueächähuä ttö̧ja̧ jö̧nä̧ ttö̧ja̧cua̧ pä'ömä; Asiria ttö̧ja̧mä̧ suronä jȩpö̧ huehuepinä̧tö̧. ⁵ ¿Ja̧'hua̧nö̧ ja̧'a̧ jitämä pȩnȩmä̧ däje chu̧ju̧nä̧ra̧'a̧ttö̧, pä'ötó TÖ̧Ä̧NÄ̧HUA̧MÄ̧-- topösä chu̧mö̧huäyotörö koro'i̧nä̧ jȩtto̧ca̧'a̧nä̧ ttȩpa̧'a̧mä̧? Jahuätörö ruhuonä hue'ätörömä̧ ya̧'a̧huȩ'i̧nä̧tö̧ pä'öto TÖ̧Ä̧NÄ̧HUA̧MÄ̧ ja̧'hua̧ta̧nö̧ chi̧mi̧nä̧mä̧ 'cuäopönä̧tä̧ surojötä ucuocuätö. ⁶ Ja̧'hua̧nö̧ ja̧'a̧ttö̧ chu̧mö̧huäyotömä chimimä ttu̧huo̧juä̧cuo̧tö̧, jahuätömä ja̧u̧nu̧ mo̧ro̧tä̧ Ttö ja̧'a̧ pä'ömä ttu̧huo̧juä̧cuo̧tö̧ ja̧u̧ huȩnȩ pä'ömä, "A̧ Ttötä ja̧'a̧! ⁷ Juiyo adiunä uhuähua'a huȩnȩ jittähua pä'ö muä'quiyu 'cuä'opö tticha'amä, huȩnȩ juiyönä kä̧cuä̧huä̧, jareö huȩnȩ ttȩpa̧'a̧, ki̧'i̧cuä̧ huȩnȩ jittähua'a, Jerusalénrö̧ pätta'a, "¡Ucu CU̧Ö̧Ä̧NÄ̧HUA̧ ja̧'a̧ hue'ömä!" ⁸ Ä̧ju̧cui̧, to̧pä̧rö̧ tta̧'a̧rä̧tö̧mä̧ pä̧i̧cu̧nä̧ huopätö, ja'huätucu eseunu huopätö ya̧cu̧pö̧nä̧ tottäcua'attö, TÖ̧Ä̧NÄ̧HUA̧ Jerusalenra̧'a̧ ppa̧huä̧cha̧'a̧. ⁹ Pä̧i̧cu̧nä̧ eseunu huopätucui, ucutu Jerusalén jacuä ko̧cuä̧tö̧mä̧; TÖ̧Ä̧NÄ̧HUA̧ ppä'ädäji u̧mu̧huäyuotörömä; surojöttö ttö̧ji̧pö̧nä̧ ppä̧dä̧cua̧ Jerusalén ttö̧ja̧rö̧mä̧. ¹⁰ TÖ̧Ä̧NÄ̧HUA̧ i̧jȩpö̧ chutä ujuru pi̧jä̧ o̧'ca̧jui̧yö̧nä̧ to̧ttö̧nä̧; TÖ̧Ä̧NÄ̧HUA̧ pädömä pi̧jä̧ o'cajuiyönä toittäcuotö. ¹¹ Pporächi'ätucui, pporächi'ätucui, juorö rä'opätucui; Ttö̧ä̧nä̧hua̧ ä'cattö suronä jö̧mä̧ mȩcuä̧tu̧cuä̧: juorömä rö'opächätucui, suronä jö̧mä̧ töcäu icuätucui, ucutumä TÖ̧Ä̧NÄ̧HUA̧ öäre o̧tta̧ ȩpä̧tö̧jä̧. ¹² Ucutumä rohuäunumä rä'opocotö cuäcuotöjä, ja̧'hua̧ta̧'a̧nö̧ ye'ecunu'inä rä'opocotö cuäcuotöjä; TÖ̧Ä̧NÄ̧HUA̧TÄ̧ cuä'catucunä i̧'chä̧cua̧, ja̧'hu̧ta̧'a̧nö̧ Israél ttö̧ja̧ TÖ̧Ä̧NÄ̧HUA̧TÄ̧ cuo'ca'atucunä tta̧huä̧rä̧cua̧. ¹³ Topätucui, chu̧mu̧huäyätömä juo̧ju̧nä̧tä̧ jȩttä̧cuo̧tö̧; Ja̧u̧mä̧ ucuo te'äunu ca̧ttȩpä̧cua̧ ja̧'hua̧ta̧'a̧nö̧ rö̧ä̧nä̧ ttuu̧cuo̧tä̧cua̧. ¹⁴ korotömä ucurui topö'inä jerupinä̧tö̧ - cuabo'iyotömä cui'ä'inä jeru'unätä cuäcuäpö tticuinäcu̧jä̧, ja̧'hua̧ta̧'a̧nö̧ ttö̧ja̧sa̧ jö̧nä̧'i̧nä̧ huocö pinöjä̧. ¹⁵ Ja̧'hua̧ta̧'a̧nö̧, ttö chumuhuäyotömä jittähuäcuotö deiyu ttö̧ja̧cuo̧mȩ o̧dö̧nä̧ ja̧'hua̧nö̧ ja̧'a̧ttö̧ ruhuotömä tä muttȩpä̧cuo̧tu̧ juo̧u̧ i̧mi̧nä̧. Ja̧'hua̧nö̧ ja̧'a̧nä jittähuocö ji̧nö̧mä̧, jitötä totäcuotö ja̧'hua̧ta̧'a̧nö̧ ttä̧ju̧co̧cö̧ ji̧nö̧mä̧, jitötä ttu̧huo̧juä̧ chä̧cuo̧tu̧.