¹ Ä̧ju̧cuä̧tu̧cui̧, ucutu adiunä cui̧ja̧ tu̧cua̧ pe'ö, TÖ̧Ä̧NÄHUA̧RÖ̧ usätömä: topätucui inähuä 'toopu tticuinähuä ja̧'hua̧ta̧'a̧nö̧ inädö ȩmä̧huo̧mȩttö̧'i̧nä̧ 'toopu icuähuotömä. ² Cuäätucu Abrahamrö̧ ja̧'hua̧ta̧'a̧nö̧ Sararö'inä topätucui, ki̧tti̧rö̧ uhuäbecuinäju̧ru̧; ä̧cuo̧mȩnä̧mä̧ katä huinö, ttötä huochinäcu̧. Ttötä adiunä ucuocu chu̧ju̧ni̧nä̧cu̧ ja̧'hua̧ta̧'a̧nö̧ juo̧tö̧tä̧ yottähui'apeö. ³ Iso pä'önä, TTÖ̧Ä̧NÄ̧HUA̧-MÄ̧ ppä̧dä̧cua̧ Israel ttö̧ja̧rö̧; Ja̧u̧mä̧ o'ca juiyönä ppädäcua tomȩ pu̧nä̧; koro'inä juiyome Ja̧u̧mä̧ adiunä jȩpi̧nö̧ ko̧ro̧ jue'i juiyome'inä Eden ji̧nu̧'a̧nö̧, ja̧'hua̧ta̧'a̧nö̧ mȩjȩ'qui̧yu̧ jui̧yu̧ ko̧ro̧ jue'i Jordan aje mu̧ä̧'qui̧yu̧ jäyänä, TTÖ̧Ä̧NÄ̧HUA̧ i'äbarä ji̧nö̧'a̧nö̧; eseu ja̧'hua̧ta̧'a̧nö̧ esehuä̧rö̧ ö̧jä̧cua̧ juȩnȩmä̧, adiu eseutä, ja̧'hua̧ta̧'a̧nö̧ ra̧ttö̧ ra̧mi̧pä̧'a̧tä̧. ⁴ ¡Adiu to̧pä̧ri̧jo̧ Ttöröttä, Chu̧mu̧huä̧yo̧ttö̧; ja̧'hua̧ta̧'a̧nö̧ ä̧ju̧cuä̧tu̧cui̧, CHu̧mu̧huä̧yo̧ttö̧! Ja̧'hua̧'a̧nö̧ ja̧'a̧ TTÖ̧ huȩdä̧cua̧sä̧ ji̧yȩtȩ huȩnȩ huȩyö̧tu̧ ru̧tä̧huä̧, ja̧'hua̧ta̧'a̧nö̧ TTO̧MÄ̧ jȩchä̧cua̧sä̧ TTÖ̧ ro̧dȩpu̧mä̧ kä̧dȩpu̧nä̧ tti̧rȩji̧yä̧nä̧ ttö̧ja̧. ⁵ Ro̧dȩpä̧cuä̧mä̧ tä̧cö̧ ttö̧'cö̧ ja̧'a̧; TTÖ̧ chö̧ji̧pä̧co̧mȩmä̧ rä̧o̧pä̧cua̧'a̧, ja̧'hua̧ta̧'a̧nö̧ TTö̧ chö̧jo̧mä̧ ro̧ȩpä̧cua̧'a̧ tti̧rȩji̧nä̧, rȩjȩmä̧ aje jäyänä ca̧cuä̧ttö̧mä̧ TTö̧ru̧ttä̧ to̧ttä̧rä̧co̧tö̧; TTÖ̧ chö̧ju̧ru̧ttä̧ ta̧'cua̧ ttu̧huä̧nä̧rä̧co̧tö̧. ⁶ Mo̧ro̧jä̧ra̧'a̧cu̧ topätucui ja̧'hua̧ta̧nö̧ rȩjȩcu̧ toipätucui, mo̧ro̧jä̧ ocurä isoppa jä̧'i̧nö̧'a̧nö̧ to̧ȩpä̧chä̧cuä̧jä̧, rȩjȩmä̧ pö̧jä̧ta̧ ȩmö̧ tticua jä̧'i̧nö̧'a̧nö̧ ȩmö̧ icuähuäcua'a ja̧'hua̧ta̧nö̧ ja̧huä̧jä̧nä̧ ka̧cuä̧tö̧mä̧ na̧nu̧ jä̧'i̧nö̧'a̧nö̧ hua'ö tticuäcuotö. Ja̧'hua̧nö̧ ja̧'a̧ Ttö ra̧huä̧pi̧ju̧ttö̧ rä'epö icu ppädädömä 'cuäopönä̧tä̧ kä̧cuȩ ja̧'hua̧ta̧nö̧ adihuome jȩchö̧'i̧nä̧ yorö'isotä jiyuhuächi'oca'a jä̧cua̧'a̧. ⁷ Ä̧ju̧cuä̧tu̧cui̧ttö̧, ucutu adiu huo̧juä̧tö̧mä̧, ucutu ttö̧ja̧ Ttöttö hueähuä huȩnȩ'i̧nä̧ cua̧mi̧so'quitucunä ku̧nä̧rä̧tö̧mä̧: Ttö̧ja̧ yettepä'chömä̧ yecuecuätucuä ja̧'hua̧ta̧nö̧ suronä jȩtto̧mȩnä̧'i̧nä̧ cuijiyuhuächi'ätucuä. ⁸ Ja̧'hua̧nö̧ ja̧'a̧ ppȩrȩpö̧'i̧nä̧ pö̧jä̧ti̧yu̧mä̧ ttucui'äcuotö, ja̧'hua̧ta̧nö̧ mi̧yu̧mä̧ oveja i̧jȩta̧'i̧nä̧ ttucui'äcuotö; ja̧'hua̧nö̧ ja̧'a̧ Ttö adihuomenä jȩchö̧mä̧ 'cuäopönä̧tä̧ kä̧cuȩ, ja̧'hua̧ta̧nö̧ ra̧huä̧pi̧jö̧ttö̧ rä'epö icuähuämä juhua'a yabo cui̧tti̧mö̧tö̧cu̧ru̧'i̧nä̧ ppä̧dä̧dä̧cua̧sä̧." ⁹ Porächi'i, porächi'i, cujurucu 'ca̧tä̧hui̧, TÖ̧Ä̧NÄ̧HUA̧ öjomä porächä'i ni̧po̧ mo̧ro̧ ji̧nö̧'a̧nö̧, täbocu ka̧cui̧nä̧tö̧ ji̧nö̧'a̧nö̧. ¿Ucumä jo̧ca̧'a̧ ji̧na̧'a̧ Rahabrö kȩdö̧ icuinö̧mä̧, ucumä jo̧ca̧'a̧ ji̧na̧'a̧ Ärä ä̧ca̧rö̧ ta'ö icuinö̧mä̧? ¹⁰ ¿Ucumä jo̧ca̧'a̧ ji̧na̧'a̧ aje dä'ähuotö täcuoto jo'ädinömä, aje de'ähuoto täcuoto mänä päi'önä jȩpi̧nö̧mä̧ cuȩmi̧nä̧u̧ ttöjähuächa pä'ömä? ¹¹ TÖ̧Ä̧NÄ̧HUA̧ rä'epö icu ppä̧di̧nä̧u̧mä̧ ppa̧ttä̧chä̧cuo̧tö̧ ja̧'hua̧nö̧ Siónra̧'a̧cu̧ ppa̧'a̧chö̧ eseu ttajahuäcuotö ja̧'hua̧ta̧nö̧ ttönämä 'cuäopönä eseäcuähuätä kä̧cua̧'a̧, tteseäcuäumä yabonä̧nö̧ 'cuäo'äcua'a, ja̧'hua̧ta̧nö̧ ubara'i̧nä̧ a̧'u̧ ttuhuähuä'i̧nä̧ töipächäcua'a. ¹² TTÖ, ttöta ja̧'a̧ suronä jö̧ jȩpö̧ icumä. ¿Dä̧bö̧ yecuecuätucua'attö̧ pi̧ja̧ ttö̧ja̧rö̧mä̧, 'corujuottächäcuotörömä, pi̧jä̧ ttöja tti̧tti̧mu̧rö̧mä̧, dede'cua jä̧'i̧nö̧'a̧nö̧tä̧ huotörömä. ¹³ ¿Dä̧bu̧ cunichi'ina'ajä̧ttö̧ CU̧Ä̧NÄ̧HUA̧ ucuru uhuäbe'ö, mo̧ro̧jä̧ra̧'a̧ttö̧ te'ädö ja̧'hua̧ta̧'a̧nö̧ pi̧jä̧ rȩjȩ juiyäi ki̧nö̧rö̧mä̧? Ucutumä 'cuäopönätä suronä 'cuä̧o̧pä̧u̧ ye'ecue'ötä ko̧cuä̧tö̧jä̧ cuä̧mo̧nä̧ cu̧'ä̧i̧tu̧cu̧nä̧ cua̧bo̧'cha̧tu̧cu̧ si'epö icua pä̧u̧. ¿Ti̧yȩjä̧ttö̧ ta̧bo̧'cha̧ ö̧'ä̧i̧mä̧? ¹⁴ Chu rö̧ä̧nä̧p aditömä, jurunänö TÖ̧Ä̧NÄ̧HUA̧TÄ̧ pppä̧dä̧cua̧, ja̧u̧mä̧ 'coru juo'ächocö jä̧cua̧ ja̧'hua̧ta̧'a̧nö̧ hua'are rejunä'inä jui'ächocö ja̧'hua̧ta̧'a̧nö̧ u̧cuä̧'i̧nä̧ juiyiyönä ö̧jä̧cua̧. ¹⁵ Tötäsä CÄU̧Ä̧NÄ̧HUA̧TU̧CU̧ Diosmä, Dä'ähuoto'inä pä̧i̧cu̧nä̧ obinä ppa̧u̧nä̧ jȩpö̧mä̧, TTÖTÄSÄ o'catoi'önä isoppa huoto'inä TTÖ̧Ä̧NÄ̧HUA̧MÄ̧. ¹⁶ Tötäsä cucuocua pä'ö'inä jȩpö̧mä̧, Tötä chu̧mu̧nä̧ tto̧dȩpä̧ra̧'a̧nä̧tä̧ ko̧jä̧, jua'amö Tötä mo̧ro̧jä̧ra̧'a̧ttö̧ jȩchä̧cua̧sä̧, pi̧jä̧ rȩjȩnä̧ i̧sä̧ta̧ setädö rötö, pa̧'a̧nö̧ pä'ö, Tötä ja̧'a̧ pä'ömä Israél ttö̧ja̧rö̧: Ucutu ja̧'a̧ ttö chu̧muhuäyotömä. ¹⁷ Jerusalén, porächiö, porächiö, ä̧rä̧mi̧i̧, TÖ̧Ä̧NÄHUA̧ u̧mu̧nä̧ iyö öjö'quiyönä jö̧ ahuinöjä̧ ucumä, ucu copa 'ta̧nä̧ ahuinöjä̧ tä̧cuä̧mä̧cho̧mȩbu päi'önä. ¹⁸ Ya̧tȩ'i̧nä̧ toinaa o'cato'inä ki̧tti̧mu̧ cuhuäbecuinä'u̧ttö̧mä̧ ocuipatö pe'ömä; ya̧tȩ'i̧nä̧ toinaa o'cato'inä ki̧tti̧mu̧ cuu̧ttä̧di̧nä̧'u̧ttö̧mä̧ cumu̧nä̧ ocuipatö pe'ömä. ¹⁹ Pi̧yȩ taare surojö ichinäcu̧jä̧ ucuru ¿ Dirö barahua'anöttö̧ ucuru? ppainä ja̧'hua̧ta̧'a̧nö̧ curä'chunä'inä juiyönä cui̧ji̧pu̧nä̧ ja̧'hua̧ta̧'a̧nö̧ surojottepinömä. ¿Dijä̧ttö̧ ppa̧da̧cua̧mä̧? ²⁰ Ucu cui̧tti̧mu̧ jiyupächätö̧; jähuätö mä̧nä̧ u̧yu̧'ca̧ri̧ jo̧mȩ pä̧tö̧, yä̧mä̧ ä̧tȩcuä̧ kö̧mȩ i̧jä̧ji̧'a̧nö̧; jähuätörö TÖ̧Ä̧NÄHUA̧ DIOS öjö'quiyönä ju̧mä̧ ra̧hua̧ri̧pu̧mä̧ ro̧ȩpi̧näu̧. ²² Ja̧'hua̧nö̧ ja̧'a̧nä̧ ji̧tä̧mä̧ ä̧ju̧cui̧ pi̧yȩ, ucutu cuä̧cuä̧pä̧cuä̧huo̧tö̧ ja̧'hua̧ta̧'a̧nö̧ ttä̧'ä̧mä̧tö̧, ja̧hua̧'a̧nö̧ ja̧'a̧nä̧ ttä̧'ä̧mo̧co̧ttö̧jä̧ vino isoyatömä: ²¹ Ucu TTÖ̧Ä̧NÄ̧HUA̧ DIOS, " Topi, ttö̧mä̧ ahuäjisä kärä'u i̧so̧'ta̧ cu̧mu̧ttu̧mä̧, ju̧huo̧'ta̧mä̧, i̧so̧'ta̧mä̧ TTÖ̧ chi̧'ä̧i̧ ja̧'a̧, ju̧hua̧'a̧mä̧ u̧cu̧ cua̧hui̧jiya pä'ö ja̧'a̧to pä'äta'anö ja̧u̧ttö̧mä̧." ²³ TTÖ̧MÄ̧ chu̧tö̧cua̧sä̧ ucuru cuä̧cuä̧ttä̧co̧ttö̧ ttö̧mu̧nä̧, ji̧tö̧ ucuru pä'i̧nä̧tö̧rö̧: ¡ Rä̧mä̧di̧, ucu cuhuä̧mȩnä̧ cu'ȩttä̧cha̧!; jȩpi̧nö̧jä̧ cua̧bo̧mä̧ rȩjȩ a̧'cua̧ru̧nä̧ ja̧'hua̧ta̧'a̧nö̧ mä̧nä̧ ju̧huä̧tö̧ huä̧mȩnä̧ cuȩttä̧chua̧ pä'ö."