¹ Ja̧u̧nu̧ pä̧nä̧, Miguelmä juȩ'i̧pa̧ ru̧hua̧ ahuaruhuärö adiu tta̧'a̧rö̧mä̧ i̧rȩbä̧huä̧cua̧. Huȩnȩ jö̧ mo̧ro̧'i̧nä̧ kä̧cua̧'a̧, ko̧ro̧jä̧ rȩjȩnä̧ mo̧ täbocutä päi'önä ttö̧ja̧ ttö̧ja̧cuä̧mi̧no̧mȩttö̧ jitä mo̧ro̧ jubö päi'önä jo̧co̧mȩ jä̧'i̧jo̧mȩnä̧. Ja̧u̧nu̧ pä̧nä̧ cuahuaruhuämä rä̧huä̧pi̧jö̧ttö̧ ttu̧ji̧pä̧cuo̧tö̧, o'catoi'önä ttimi cuyäru'tänä huȩyu̧tu̧ rutähuotömä. ² Jitö recuätö rȩba̧ jacuä ä'ecu pȩjä̧tö̧mä̧ ttä̧rä̧mi̧'ä̧cuo̧tö̧, yotucunämä kä̧cuä̧huä̧ i'cora̧'a̧ ja̧'hua̧ta̧'a̧nö̧ yotucunä̧mä̧ dä'ä ttuhuähuära̧'a̧ ja̧'hua̧ta̧'a̧nö̧ ku'cähuocö beipocöra̧'a̧. ³ Jitö huo̧juä̧huä̧ ku̧nä̧rä̧tö̧mä̧ säruhuönä ttäcuotö mo̧ro̧jä̧ ju'to säruhua'a jä̧'i̧ja̧'a̧nö̧ ja̧'hua̧ta̧'a̧nö̧ jitö adihuomenä jȩä̧cuä̧huä̧ rö̧ä̧nä̧ ku̧nä̧rä̧tö̧mä̧, 'cuäopönä̧tä̧ kä̧dȩpö̧nä̧ ttö̧jä̧cuo̧tö̧ si̧ri̧'cö̧ jä̧'i̧ja̧'a̧nö̧. ⁴ Ja̧'hua̧nö̧ ja̧'a̧nä̧ ucu Danielmä pi̧yȩ huȩnȩmä̧ jicuähuä'chä; ja̧u̧ cuyäru'tämä mö̧'ȩpö̧tä̧ röti röji mo̧ro̧ rȩbȩhuo̧mȩ jubö päi'önä̧. Recuätö porömä juhua'acutä ttichäcuotö ja̧'hua̧nö̧ jo̧mȩnä̧ ttu̧huo̧juä̧chö̧mä̧ yabonö̧tä̧ rö̧ä̧chä̧cua̧'a̧. ⁵ Ja̧'hua̧ ja̧'a̧ ttö ,Daniel,topinösä̧, korotö ta̧ju̧ juȩcuä̧nö̧ ttö̧jo̧cua̧'a̧. Ya̧tȩmä̧ ki̧nö̧ pa̧nä̧tä̧ aje jäyä, ja̧'hua̧ta̧nö̧ ka̧ra̧mä̧ ki̧nö̧ jäyoto aje ji̧jä̧nä̧. ⁶ Jahuätö ya̧tȩttö̧ pä'inö lino i̧sä̧ta̧ ca̧ta̧u̧ru̧, aje cuämȩcu̧ jäyoto kö̧rö̧: ''? Pi̧yȩ 'cuäopumä tta'anö recuo jo̧mȩnä̧ beipäcua'ajä̧tö̧?''. ⁷ Ttö ä̧ju̧cui̧nö̧sä̧ lino i̧sä̧ta̧ 'ca̧tä̧u̧ru̧, aje jäyoto huämecu kö̧rö̧, ja̧u̧ u̧mu̧pi̧yä̧ mo̧ro̧jä̧ra̧'a̧cu̧ cäepu pä'inö pädinömä jȩchä̧cua̧sä̧ CHU 'cuäopunä ko̧ i̧mi̧nä̧ pi̧yȩmä̧ 'cuäopä̧cuä̧ recuonä, recuonänö ja̧hua̧ta̧nö̧ jö'tometä̧'i̧nä̧. pi̧yȩmä̧ 'cuäopäcua'a Dios escuinä̧u̧ ttujuru beipächomejobu,ja̧'hua̧nö̧ jo̧mȩnä̧tä̧ jo̧mȩnö̧ pä'iäcua'a. ⁸ Ttömä ä̧ju̧cui̧nö̧sä̧, ja̧'hua̧nö̧ ja̧'a̧nä̧ huo̧huä̧chi̧'o̧cö̧ pinösä. Ja̧'hua̧nö̧ jä̧cu̧ jä'epinösä̧: "Chu̧ru̧hua̧, ¿tta̧'a̧nö̧ jä̧cua̧'a̧ jä̧ttö̧ pi̧yȩ 'cuäopö o'ca'amä?" Ja̧u̧ pä̧'i̧nö̧: ⁹ "Daniel, Cu̧mä̧nä̧nä̧tä̧ täi, ucu ja̧'a̧ pädö mu̧'ȩpö̧ ja̧'hua̧ta̧'a̧nö̧ nö'cädö cu̧ju̧nä̧cua̧mä̧ pi̧jä̧ beipächome jubu. ¹⁰ Recuätö pojopö icuähuäcuotö, töcö icuähuotö, ja̧'hua̧ta̧'a̧nö̧ ppa̧'ȩpö̧'i̧nä̧ icuähuotö, ja̧'hua̧nö̧ ja̧'a̧nä̧ jito suronä jȩpä̧tö̧mä̧ suronätö̧ jȩpö̧ ttö̧jä̧cuo̧tö̧. Ya̧tȩttö̧'i̧nä̧ suronä jȩpä̧tö̧ttö̧mä̧ huo̧juä̧chi̧'o̧co̧tö̧ ttäcuotö, Ja̧'hua̧nö̧ ja̧'a̧nä̧ jitö huä̧huä̧tö̧mä̧ ttu̧huo̧juä̧chi̧'ä̧cuo̧tö̧. ¹¹ Ji̧yȩnö̧ mo̧ro̧ ttiäre ku icu iyähuä ji̧nö̧ ttiyöjuiyönä 'chottipinomenä̧ ja̧'hua̧ta̧'a̧nö̧ suronä jȩpö̧ ttö̧jo̧mȩttö̧ rä'epö tticuomemä, jä̧cua̧'a̧ 1.290 mo̧ro̧ jo̧mȩ. ¹² '' 1.335 mo̧ro̧ beipomejobu ttä̧'a̧rö̧ kö̧mä̧ ppä̧'ä̧dä̧cua̧hua̧ ä̧cua̧. ¹³ Ucumä jinä yabocu cui̧'chö̧'a̧nö̧ ja̧'a̧, ja̧u̧nu̧ o'ca'atö 'cuä'ächö cu̧'a̧ pä'ö. Ucumä cu̧huä̧mi̧'ä̧cua̧jä̧ ucuru pätetö ku̧nä̧huo̧mȩcu̧, pi̧yȩ mo̧ro̧ becuipächomenämä."