¹ Ttö topinösä̧ TÖ̧Ä̧NÄ̧HUA̧RÖ̧ ku icu iyähuome ppeyä ö̧ja̧'a̧, ja̧'hua̧nö̧ ja̧'a̧ ja̧'u̧ pä̧'i̧nö, "Jacuojunä̧ ko̧cu̧ o'ca pparopö icui. Ja'huätörö jörä̧chi̧'ö̧nä̧ ki'opö icui, ja̧'hua̧nö̧ ja̧'a̧ttö̧ ttötä curä'chunä cuäcuäpu chicuäcuotö röji ko̧cui̧pä̧tö̧mä. Ja'huätöttömä ya̧tȩ'i̧nä̧ otomä 'cho̧co̧to̧ ttäcuotö, ja'huätöttömä ya̧tȩ'i̧nä̧ tö'ipächocöjä̧cua̧. ² Seolra̧'a̧ satöttö'inä, ju̧orötä 'chudädäcuotö. Mo̧ro̧jä̧ra̧'a̧ 'chacuächöttö'inä, juhua'attötä mȩyȩdö̧ chicuäcuotö. ³ Carmelo mu'ä'quiyu juttä ttödajuächöttö'inä̧, juhua'atä usu'chä̧nö 'chudadacuotö. Jahuätö aje rö'oto jacuä ttö tochöjuiyönä ttödajuächötö'inä̧, juorö'inä̧ äcarö hue'ö chu̧ju̧nä̧cua̧sä̧, jahuätörö yö̧yö̧pu̧ tticuattö pä'ö. ⁴ Ttabo'iyotö koromecu̧ ttȩpö̧ttö̧'i̧nä̧, jua'attö'inä hue'ö chu̧ju̧nä̧cua̧sä̧ curä'chunä̧ 'cui'cuipö cä'ö tticuatö pä'ö. TTÖTÄ to̧chä̧rä̧cua̧sä̧ jahuätörö suraja'a pä'ötä ja̧'hua̧ta̧'a̧nö̧ adihua pä'ömä̧'cö̧". ⁵ TTÖ̧Ä̧NÄ̧HUA̧, su̧ro̧do̧u̧'i̧nä̧ TTÖ̧Ä̧NÄ̧HUA̧ pi̧jä̧ra̧'a̧ mȩ'ö̧ttö̧mä̧ 'chärächi'a'a; o'catoi'önä juȩnȩ ko̧cuä̧tö̧mä̧ ajuäcuähuätö; O'cajuiyönä su'ädäcua'a aje su'äda'a'cua̧rö̧nä̧, pä'äjita'anö Egipto aje 'cua̧rö̧nä̧ su'ädäjipö jui'ächäjipö jȩa̧'a̧. ⁶ Ja̧u̧ta̧ ja̧'a̧ mo̧ro̧jä̧ra̧'a̧tö̧tä̧ aditömä ö̧jä̧dä̧cuo̧mȩ, aditö ku̧ni̧nö̧ pi̧jä̧ttö̧ hua'adö u̧ju̧nä̧cuo̧mȩ. Ja̧u̧ta̧ ja̧'a̧ dä'ähuoto ajiya'inä rö̧nö̧mä̧, ja̧'hua̧ta̧'a̧nö̧ pi̧jä̧ rȩjȩnä̧'i̧nä̧ ajiya huerädö, ja̧u̧ i̧mi̧mä̧ TÖ̧Ä̧NÄ̧HUA̧. ⁷ Etiopía ttö̧ja̧ ji̧nö̧'a̧nö̧ huocotöjä Ucutu ttörömä, Israél ttö̧ja̧? pa̧'a̧nö̧ pä'ö TÖ̧Ä̧NÄ̧HUA̧MÄ̧. ¿Israel ttö̧ja̧rö̧mä̧ rä'epö icuocö pinösä Egipto rȩjȩttö̧mä̧, Filisteas ttö̧ja̧rö̧mä̧ Cretattö ja̧'hua̧ta̧'nö̧ aramerömä Kirttö? ⁸ Topätucui TÖ̧Ä̧NÄ̧HUA̧ Dios ö'äremä rö̧'ä̧nä̧ suronä jȩtto̧mȩ to̧pä̧rö̧, ja̧'hua̧nö̧tä̧ si'epö i̧cuä̧cua̧ pi̧jä̧ttö̧mä̧, Ja̧'hua̧nö̧ ja̧'a̧nä̧ si'epö icuocö chä̧cua̧sä̧ Jacob ahueruhuä o'cotörötä; Pa̧'a̧nö̧tä̧ pä'ö TÖ̧Ä̧NÄ̧HUA̧MÄ̧. ⁹ Topätucui, Ttömä ji̧yȩtȩ huȩdä̧cua̧sä̧ ja̧'hua̧ta̧'a̧nö̧ Ttömä o'catoi'önä ka̧cuä̧tö̧ ttö̧'cä̧tȩ ka̧cuä̧tö̧ Israel ttö̧ja̧ ttö̧ttä̧huö̧nä̧ jȩchä̧cua̧sä̧, yȩcuäcänä u̧huä̧ju̧ ote yȩttȩpa̧'a̧ jä̧'i̧nö̧'a̧nö̧, ido a̧'u̧cuo'qui'inä rȩjȩ maä̧chö̧ juiyäcua'a. ¹⁰ O'catoi'önä chumöhuäyotö surojö jȩpi̧nä̧tö̧mä̧ curä'chuttö totte'ächäcuotö, jitömä pä'ätö, surojömä ujutu tö̧ja̧'a̧cu̧ ichömä rȩbȩhuo̧ca̧'a̧ jäcua'a. ¹¹ Ja̧u̧nu̧ mo̧ro̧mä̧ David ojusode maä̧chi̧node chäräbe'ä́cua̧sä̧ ja̧'hua̧nö̧ jȩpö̧ bahuecuomemä mö̧'ȩpö̧ chi̧cuä̧cua̧sä̧. Ötahuiyä maä̧chi̧no̧mȩmä̧ chä̧rä̧bȩ'ä̧cua̧sä̧ ja̧'hua̧ta̧'a̧nö̧ mo̧ huȩji̧nö̧ ta'anö huȩju̧nä̧ chaditä̧cua̧sä̧. ¹² Edom ttö̧ja̧ttö̧ ka̧cui̧pi̧nä̧tö̧ ttö̧ja̧cua̧ pä'ömä, ja̧'hua̧ta̧'a̧nö̧ o'catoi'önä ka̧cuä̧tö̧mä̧ chi̧mi̧nä̧ jättepäcua'anö, pä'ötó TÖ̧Ä̧NÄ̧HUA̧MÄ̧, pi̧yȩ jȩpö̧mä̧. ¹³ Ä̧ju̧cuä̧tu̧cuí̧, TÖ̧Ä̧NÄHUA̧ i̧chä̧cuȩ moró̧ ji'ähuinö̧, kö̧nähuä̧ i̧sa̧ u̧huä̧ju̧ ö̧ca̧ca̧tä̧cua̧rö̧ i̧rȩhuo̧bȩhui̧'o̧mȩnä̧ ja̧'hua̧ta̧'a̧nö̧ uva isoya päi'önä 'cuȩ'cuä̧huä̧ i̧sä̧ u̧ju̧näcua̧rö̧ i̧rȩbȩhui̧'o̧mȩnä̧. Möä'cattö huerä chipäcua'a vino isoya sa̧doya ja̧'hua̧ta̧'a̧nö̧ o'ca juiyönä muä̧tȩtȩ ju̧ o'cadä̧jä̧ ja̧u̧tä̧cu̧. ¹⁴ Chahuaruhuä Israelrö ttö̧ja̧rö̧ ttȩmi̧pi̧nä̧u̧ ttö̧ja̧cuo̧mȩttö̧ ppa̧dä̧dä̧cua̧sä̧. Jähuätö ttaditäcuotö ötahuiyä suro juoächinö̧ aditi'ipö ttö̧ja̧cua̧ pä'ö, ttö̧ju̧näcuó̧tö̧ uva'inä ja̧'hua̧ta̧'a̧nö̧ ttahuäcuotö uva isoya'inä, jähuätö ttö̧cuȩ cuähuä ttö̧ju̧näcuo̧tö̧ ja̧'hua̧ta̧'a̧nö̧ ttöcuäcuotö u̧huä̧ju̧ oba. ¹⁵ Tti̧rȩjä̧nä̧ ttö̧ja̧cu̧nä̧ chu̧ju̧nä̧cuo̧tö̧ ja̧'hua̧nä̧ ja̧'a̧ttö̧ juorömä ya̧tȩ'i̧nä̧ rä'epö icuoco̧u̧ ttäcuotö Ttö chiyinäjä̧tö̧mä", pä'ötó TÖ̧Ä̧NÄHUA̧ Diosmä.