¹ Ja̧'hua̧nö̧ ja̧'a̧ttö̧ Israel ttö̧ja̧ o'catoi'önä ttä̧dä̧tö̧ mi̧nä̧ttö̧ jui'ädö topö huȩyu̧tu̧ ttö̧ti̧nä̧u̧. Ja'huätömä Israel ttö̧ja̧ ruhuotö tti'äre cuyäruttänä huȩyu̧tu̧ ttö̧ti̧nä̧u̧. Juda ttö̧ja̧mä̧ Babilonia'ra̧'a̧ ttȩmi̧pi̧nä̧u̧ suronä jȩttä̧ra̧'a̧ttö̧. ² Ja'huätöttö ä̧cuo̧mȩnä̧ ttötahuiyä pönä huȩtti̧nä̧u̧mä̧, sacerdote huotö, Levi ahuaruhuä 'cotö, Dios ö̧jo̧dȩ adicuä ttö̧ja̧ ji̧na̧'a̧. ³ Yotucunä Judá ahuaruhuä o,cotö ji̧na̧'a̧, Benjamín ahuaruhuä o,cotö, Efraín ahuaruhuä o,cotö ja̧'hua̧ta̧'a̧nö̧ Manasés ahuaruhuä o,cotö'inä ko̧cui̧nä̧tö̧ Jerusalén ötahuiyänätä̧. ⁴ Ttaditipomenämä Amiud i̧tti̧ Utairö, Imri i̧tti̧ Omrirö, Bani i̧tti̧ Pérez ahuaruhuättö ya̧tȩ, Judá ahuaruhuä o'cotöttö. ⁵ Silinitasttömä Asiasrö ji̧na̧'a̧ ä̧cuo̧mȩnä̧ i̧tti̧ i̧tti̧mö̧. ⁶ Zerá i̧tti̧mu̧ttö̧mä̧ Jeuelrö ji̧na̧'a̧. Ja̧u̧ ahuaruhuä o'cotömä 690nö ji̧na̧'a̧. ⁷ Benjamin ahuaruhuä o'cotöttömä ji̧na̧'a̧, Masulam i̧tti̧ Salú, Hodavías i̧tti̧ Asenúa i̧tti̧. ⁸ Ja̧'hua̧ta̧'a̧nö̧ Jeroboham i̧tti̧ Ibenias'inä ji̧na̧'a̧, Uzi i̧tti̧ Elá'inä ji̧na̧'a̧, i̧tti̧ Micri'inä, Sefatías i̧tti̧ Mesulam; Ibnia i̧tti̧ Reuel. ⁹ Ja̧u̧ ahuaruhuättö ttahuaruhua o'cotö tti̧mi̧ pä'tä cuyäru'tänä tti̧huȩyu̧ti̧nä̧u̧mä̧ 956nö̧ huotö ji̧na̧'a̧. Pitö o'catoi'önä ruhuotö ji̧na̧'a̧ tö̧tä̧mö̧ mi̧nä̧tö̧mä̧. ¹⁰ Sacerdote huotömä ji̧na̧'a̧ Jedaias, Joiaib ja̧'hua̧ta̧'a̧nö̧ Jaquín. ¹¹ Juȩnȩmä̧ ki̧nö̧ Hilcia i̧tti̧ Azarías, Sadoc i̧tti̧ Mesulám, Ahitot i̧tti̧ Meraiot, jahuätö ji̧na̧'a̧ Dios ö̧jode tta̧huä̧rä̧cuä̧huä̧ ttö̧ja̧mä̧. ¹² Juȩnȩtä̧ ki̧nö̧ Jeroboam i̧tti̧ Adaia'inä, Malquías i̧tti̧ Pasur'inä. Juȩnȩtä̧ ki̧nö̧ Adel i̧tti̧ Mesai'inä, Mesulam i̧tti̧ Jazera'inä, Imer i̧tti̧ Mesilemit'inä. ¹³ Pitö ttahuaruhuämä, ttä̧do̧tö̧ mi̧nä̧ttö̧ ruhuotö, 1760nö̧ ji̧na̧'a̧. Jahuätömä jo̧mȩnö̧ huinätö̧ Dios ö̧jode tta̧ttä̧ra̧ pä'ö. ¹⁴ Levi ahuaruhuä o'cotöttömä kinö Hasub i̧tti̧ Samaías, Hasabías i̧tti̧ Azricam, Merari i̧tti̧mu̧tö̧mä̧. ¹⁵ Ja̧'hua̧ta̧'a̧nö̧ ko̧cui̧nä̧tö̧ Bachacar, Heres, Galal, Micaia i̧tti̧ Matanías, Sicri i̧tti̧, Asaf i̧tti̧. ¹⁶ Ja̧'hua̧ta̧'a̧nö̧ ko̧cui̧nä̧tö̧ Semaias i̧tti̧ Obadías, Galal i̧tti̧, Asa i̧tti̧mu̧ Jedutún ja̧'hua̧ta̧'a̧nö̧ Berequías, Elcana i̧tti̧mä̧ ki̧nö̧ Netafalitas tti̧rȩjä̧nä̧ ¹⁷ Ahimán'inä, Talmón'inä, Acub'inä, Salum'inä, ji̧na̧'a̧ apate tta̧huä̧rä̧cuä̧huä̧ ttö̧ja̧mä̧. ja'huätö ttu̧ru̧hua̧mä̧ ji̧na̧'a̧ Salum. ¹⁸ Pä'äji pitömä kä̧hua̧ räopa'acu isarä apate tta̧huä̧rä̧cuä̧hua̧ ttö̧ja̧ Leví ahuaruhä o'cotö ji̧na̧'a̧. ¹⁹ Coré i̧tti̧ Salum, Corámä Ebiasafel i̧tti̧ ji̧na̧'a̧, jä'o ahuaruhuä ji̧na̧'a̧, Coraítamä ji̧yȩtȩ ppä̧'ä̧dä̧rö̧ ttäditähuä ku̧nä̧ri̧nä̧tö̧, jisode apatiyä hua'adö ku̧nä̧tö̧ ji̧na̧'a̧ tä̧do̧tö̧mi̧nä̧ TÖ̧Ä̧NÄ̧HUA̧ ö̧jode isätä hua'adö ttu̧ju̧ni̧nö̧ ta'anö, ja'huätö'inä ja̧'hua̧ta̧'a̧nö̧ hua'adö köninätö. ²⁰ Eleazar i̧tti̧ Fineesmä ä̧cuo̧mȩnä̧mä̧ ja'huätö ttu̧ru̧hua̧ päi'önä ki̧nö̧,TÖ̧Ä̧NÄ̧HUA̧ ja̧u̧cu̧'i̧nä̧ ki̧nö̧. ²¹ Meselemías i̧tti̧ Zacaríasmä̧ Dios ö̧jode do'ächäcuähuome tta̧huä̧rä̧cuä̧huä̧ i̧sa̧ ji̧na̧'a̧. "huȩnȩ ttucuocuome tto̧ȩcuä̧tä̧." ²² Apate tta̧ttä̧ra̧ pä'ö pojopö ȩmä̧huo̧tö̧mä̧ ji̧na̧'a̧ 212nö̧ jo̧mȩnä̧. Ja'huätö tti̧mi̧mä̧ ttidepiyu jo̧mȩ huȩyu̧tu̧ hua'adö rötähuina'a. David'rö'inä ja̧hua̧ta̧'a̧nö̧ Samuel'röinä. David ja̧'hua̧ta̧'nö̧ Samuel'inä pätö ji'ähuätö päi'önä tta̧'u̧ ttö̧'ä̧nä̧ri̧nä̧u̧. ²³ Ja̧'hua̧nö̧ ja̧'a̧ttö̧ ja'huätömä tti̧ti̧mu̧'i̧nä̧ apate TÖ̧Ä̧NÄ̧HUA̧ ö̧jode ä'ca tta̧ttä̧ra̧ pä'ö pätecuächinätö̧, tto̧'ȩcuä̧ta̧nä̧'i̧nä̧. ²⁴ Ja'huätö tta̧huä̧rä̧cuä̧huä̧ ttö̧ja̧mä̧ pa̧ja̧cuä̧nö̧ jo̧mȩ päte'ö pätetö ku̧nä̧huo̧tö̧ pi̧nä̧tö̧, kä̧hua̧ räopa'acu'inä, kä̧hua̧ ma̧'ä̧cha̧'a̧cu̧'i̧nä̧, kä̧hua̧ u̧hui̧o̧jua̧'a̧cu̧'i̧nä̧, kä̧hua̧ ö'ohuecu'inä. ²⁵ Ja'huätö ttahuaruhuä tö'cönänö ka̧cuä̧tö̧mä̧, ji̧mu̧tȩ ta'arenö mo̧ro̧ jo̧mȩnä̧ kärächönä pärou ki̧nä̧tö̧. ²⁶ Ja̧'hua̧nö̧ ja̧'a̧nä̧ pa̧ja̧cuä̧nö̧ huotö su̧ro̧do̧u̧ tturuhuotömä Levi ahuaruhuä isotömä, pätetö ku̧nä̧huo̧tö̧ pinätö pa̧ja̧cuä̧nö̧ päte'ö jo̧mȩ tta̧tä̧tä̧ra̧ pä'ö, ja̧hua̧ta̧'a̧nö̧ Dios o̧jodettö järe hua'adö ku̧nä̧huo̧mȩ. ²⁷ Ja'huätömä yodo jö̧ ta̧'a̧nö̧ Dios ö̧jode subucuächönä tta̧tä̧ra̧ pä'ö pätecuächinätö̧, tto̧ttä̧ra̧ pä'ö pätecuächä̧u̧ ja̧'a̧ttö̧. Ja'huatömä mo̧ro̧ päi'öta'anö ba'epinätö̧. ²⁸ Ja'huätöttö korotömä Dios o̧jode tta̧ttä̧ra̧ pä'ö hue'ä huotö ji̧na̧'a̧; Ja'huätömä Dios ö̧jodenä jacuä ko̧cu̧ tti'chächome ja̧'hua̧ta̧'a̧nö̧ räopome pa̧ja̧tä̧tö̧ ji̧na̧'a̧. ²⁹ Jahuätöttö korotö pönämä ro̧'ö̧ jähuä tta̧tä̧ra̧ pä'ö, ttu̧cuä̧ jua'opö cuäcuähuä'inä ja̧'hua̧ta̧'a̧nö̧ harina i̧sa̧ppȩ, vino isota, a̧dȩja, a̧mȩu̧nä̧ 'copö, koro a̧mȩu̧'i̧nä̧. ³⁰ Yotucunä Sacerdote huotö tti̧tti̧mö̧mä̧ adiunä a̧mȩhua̧ pä'ö'inä huihuatinätö̧. ³¹ Ya̧tȩ Matatías, Levi ahuaruhuä isotö i̧sa̧, Salum Core ötahuiyä ttö̧ja̧sa̧ ä̧cuo̧mȩnä̧ i̧tti̧ ji̧na̧'a̧, ttiäre iyähuä pan jo̧mȩnä̧ aditö ku̧nä̧huä̧ i̧sa̧ ji̧na̧'a̧. ³² Yotucunä ja̧u̧ ahuaruhuämä, Coattö ichäcuähuotö ji̧na̧'a̧, pan chutä ä'cajome rötätö, Sabado mo̧ro̧ jö̧ta̧'a̧nö̧ rötätö. ³³ Rä̧'ä̧tö̧'i̧nä̧ ja̧'hua̧ta̧'a̧nä̧ tturuhuotö'inä Levi ahuaruhuä o'cotömä ko̧cui̧nä̧tö̧ ro̧ca̧nä̧ koro ttaditaji juiyomenämä jua'amä mo̧ro̧'i̧nä̧ yodo'inä ttadita'atä ja̧'a̧ttö̧. ³⁴ Pitömä Levi ahuaruhuä o'cotöttö ruhuotö ji̧na̧'a̧ ja'huätö ttiäre cuyäru'tänä huȩyu̧tu̧ rötähua'attö ttahuaruhä isotö ji̧na̧'a̧ pä'ö. Ja'huätömä kocuinätö Jerusalennätä̧. ³⁵ Gabaón jä'o, Jehiel, irecua ki̧mi̧mä̧ mi̧cui̧nä̧ju̧ Maaca, Gabaón ötahuiyänä ki̧nä̧ju̧. ³⁶ Ja̧u̧ i̧tti̧ ä̧cuo̧mȩnä̧ i̧sa̧mä̧ ji̧na̧'a̧ Abdón ja̧u̧ i̧tti̧ Zur, Cis, Baal, Ner, Nadab, ³⁷ Gedor, Ahio, Zacarías ja̧'hua̧ta̧'a̧nö̧ Miclot. ³⁸ Simeam jä'o ji̧na̧'a̧ Miclotmä. Jahuätö'inä ttahuaruhuä ttö̧jo̧cuo̧mȩ tö'cö Jerusalennä ko̧cui̧nä̧tö̧. ³⁹ Nermä Cis jä'o ji̧na̧'a̧. Cismä Saúl jä'o ji̧na̧'a̧. Saulmä Jonatán jä'o ji̧na̧'a̧, Malqisúa, Abinadab; ja̧'hua̧ta̧'a̧nö̧ Esbaal'inä̧. ⁴⁰ Jonatán i̧tti̧mä̧ Meril Baal ji̧na̧'a̧. Meril Baalmä Micaía jä'o ji̧na̧'a̧. ⁴¹ Micaia i̧tti̧mu̧mä̧ ji̧na̧'a̧, Pitón, Melec, Tarea ja̧'hua̧ta̧'a̧nö̧ Acaz. ⁴² Acazmä Jara jä'o ji̧na̧'a̧, Jaramä̧ Alemet jä'o ji̧na̧'a̧, Azmavet, ja̧'hua̧ta̧'a̧nö̧ Zimri'i̧nä̧. Zimrimä̧ Mosa jä'o ji̧na̧'a̧. ⁴³ Mosamä̧ Bina jä'o ji̧na̧'a̧. Binamä̧ Refaías jä'o ji̧na̧'a̧. Refaíasmä̧ Eleasa jä'o ji̧na̧'a̧. Eleasamä̧ Azel jä'o ji̧na̧'a̧. ⁴⁴ Azel i̧tti̧mu̧mä̧ ji̧na̧'a̧ Azricam, Bocru, Ismael, Searías, Obadías, ja̧'hua̧ta̧'a̧nö̧ Hanán'i̧nä̧. Pitö ji̧na̧'a̧ Azel i̧tti̧mu̧mä̧.