¹ Rubén i̧tti̧mö̧ pinätö̧, Rubénmä Israel ä̧cuo̧mȩnä̧ji̧ i̧tti̧ ji̧na̧'a̧ ja̧'hua̧nö̧ ja̧'a̧ uhuäpächinomettö uruhuo ji̧nö̧mä̧ iyähui'ina'a José i̧tti̧mö̧ 'cotöttö ja̧'a̧mä̧ Irael i̧tti̧ ji̧na̧'a̧ ja̧'hua̧ta̧'a̧nö̧ Rubenmä jäyä jȩpi̧nö̧ (jȩö̧ eiyeppata) Ja̧'hua̧nö̧ ja̧'a̧ttö̧ ä'canä i̧tti̧ jȩi̧nö̧nä̧mä̧ hueyecuächoca'a ji̧na̧'a̧. ² Judá ujuru ku̧nä̧ri̧nö̧ ahuaruhuättö'inä abonänö ja̧'hua̧nö̧ ja̧'a̧ttö̧ ttu̧ru̧hua̧ päi'önä ki̧nö̧, ja̧'hua̧nö̧ ja̧'a̧nä̧ ä'canä tti̧tti̧ jȩi̧nö̧nä̧mä̧ Joserötä pätecuächi'ina'a ³ Israel ä'canä i̧tti̧ Ruben i̧tti̧mö̧ pinätömä pitö ji̧na̧'a̧: Hanoc, Falú, Hezrón ja̧'hua̧ta̧'a̧nö̧ Carmi'i̧nä̧. ⁴ Joel i̧tti̧mö̧ 'cotöttömä pitö ji̧na̧'a̧: Joel i̧tti̧mä̧ Semaías ji̧na̧'a̧. Semaías i̧tti̧mä̧ Gog ji̧na̧'a̧. Gog i̧tti̧mä̧ Simei ji̧na̧'a̧. ⁵ Simei i̧tti̧mä̧ Micaía ji̧na̧'a̧. Micaía i̧tti̧mä̧ Reaía ji̧na̧'a̧. Reaía i̧tti̧mä̧ Baal ji̧na̧'a̧. ⁶ Baal i̧tti̧mä̧ Beera ji̧na̧'a̧, pidemä ottächinäcu̧ Tilgat Pilneser, ä'canä Asiria ru̧hua̧ u̧ji̧no̧mȩcu̧. Beera ji̧na̧'a̧ Ruben ahuaruhuä 'cotö ttu̧ru̧hua̧ päi'önä ki̧nö̧. ⁷ Beera ahuaruhuärö tti̧tti̧mö̧ mi̧nä̧ttö̧ huȩyu̧tu̧ ku̧ni̧nä̧tö̧ ja̧u̧nu̧ pä̧nä̧ ku̧nä̧ri̧nä̧tö̧ tturuhuotörö Jeielnä ja̧'hua̧ta̧'a̧nö̧ Zacariasmä. ⁸ Azaz i̧tti̧mä̧ Bela ji̧na̧'a̧, Sema'i̧nä̧ i̧tti̧, Joel'i̧nä̧ i̧tti̧. jahuätömä ka̧cui̧nä̧tö̧ Aroernä̧, otonänö Nebottö'inä ja̧'hua̧ta̧'a̧nö̧ Baal Meónttö̧'i̧nä̧. ⁹ Kä̧hua̧ räopa'acuttö kämädinömä meje'ca rö̧ä̧'ca tö'cöhuächi'ome jubö juhuenemä rö̧ä̧chi̧'o̧mȩ Eufrate aje jubö. Pi̧yȩmä̧ pa̧'a̧nö̧ pä'ö jina̧'a̧ jahuätömä pä̧cä̧yu̧ recuätörö ku̧nä̧ri̧nä̧tö̧ Galaad rejenä. ¹⁰ Saúl ö̧ji̧nö̧ mo̧ro̧mä̧ Ruben ahuaruhuäcu Agareno ttö̧ja̧rö̧ rohuähuinä̧tö̧ ja̧'hua̧ta̧'a̧nö̧ jahuätörömä cuä'äu tticuinä̧u̧. Jahuätömä ka̧cui̧nä̧tö̧ Agareno ttö̧ja̧ korojuei iyähuä aditö ttö̧ji̧'ä̧nö̧mä̧ o'cajuiyönä tti̧rȩjä̧ pönä ji̧nö̧mä̧ juhua'amä Galaad rȩjȩ kä̧hua̧ räopa'acu jina'a'. ¹¹ Galaad ahuaruhuämä ka̧cui̧nä̧tö̧ jahuätö ttö̧ja̧cuo̧mȩmä̧ tö'cöcu Basán rȩjȩnä̧ otó salca jö̧ta̧'a̧nö̧. ¹² Ttu̧ru̧hua̧ päi'önä kinömä Joel ji̧na̧'a̧, ja̧u̧ ahuaruhuättö'inä ö̧ji̧na̧'a̧ttö̧ ja̧'hua̧ta̧'a̧nö̧ tturuhuotömä ji̧na̧'a̧ safan'inä ja̧'hua̧ta̧'a̧nö̧ Janai'inä juhua'atäcu Safat Basan rrȩjȩttö̧mä̧. ¹³ Ji̧nä̧so ttä̧do̧tö̧ minättö̧ ttahuaruhuä 'cotömä pitö ji̧na̧'a̧: Micael'i̧nä̧, Mesulam'i̧nä̧, Seba'i̧nä̧, Jorai'i̧nä̧, Jacán'i̧nä̧, Zía'i̧nä̧, ja̧'hua̧ta̧'a̧nö̧ Heber'i̧nä̧-- o'catoi'önämä sietenö ji̧na̧'a̧. ¹⁴ Pitöttö huämenä huȩyu̧cuo̧tö̧ttö̧ji̧na̧'a̧. Abihail ahuaruhuä 'cotömä ja̧'hua̧ta̧'a̧nö̧ Abihailmä Huri i̧tti̧ ji̧na̧'a̧, Hurimä̧ jaroa i̧tti̧ ji̧na̧'a̧. Jaroamä̧ Galaad i̧tti̧ ji̧na̧'a̧. Galaadmä̧ Micael i̧tti̧ ji̧na̧'a̧. Micaelmä̧ Jesisai i̧tti̧ ji̧na̧'a̧. Jesisaimä̧ Jahdo i̧tti̧ ji̧na̧'a̧. Jahdomä̧ Buz i̧tti̧ ji̧na̧'a̧. ¹⁵ Ja̧'hua̧ta̧'a̧nö̧ Ahilmä Adiel i̧tti̧ ji̧na̧'a̧ Guni i̧tti̧ ja̧u̧mä̧ ttu̧ru̧hua̧ ji̧na̧'a̧ ahuaruhuä 'cotö. ¹⁶ Jahuätömä ka̧cui̧nä̧tö̧ Galaadnä, Basán ötahuiyänä jitötä ttidepiyunä ja̧'hua̧nö̧ ja̧'a̧ juȩnȩ rȩjȩ sharon pä̧cä̧yu̧ ttucuä'cua jä̧ttä̧jä̧tä̧ ki̧no̧mȩ tti̧rȩjä̧ beipäromettömä otonänö ji̧na̧'a̧. ¹⁷ Jahuätö o'catoi'önä cuyäru'tänä huȩyu̧cuä̧tö̧tä̧ ji̧na̧'a̧ täbocu ttä̧do̧tö̧ mi̧nä̧ tti̧huȩyu̧ti̧nä̧u̧tä̧ Jotan ö̧'i̧nö̧ mo̧ro̧ Judá ru̧hua̧ ja̧'hua̧ta̧'a̧nö̧ Israelnä Jeroboam ru̧hua̧ ö̧'i̧nö̧ pä̧nä̧. ¹⁸ Ja̧'hhua̧ta̧'a̧nö̧ Rubenista'inä, Gadista'inä ja̧'hua̧ta̧'a̧nö̧ Manasés ahuaruhuä ju'totö jomenö huotö 'chi̧nä̧tö̧. Cuarenta y cuatro mil jo̧mȩnä̧ su̧ro̧da̧u̧rö̧ ku̧nä̧ri̧nä̧tö̧ jahuätömä huo̧juȩtä̧cuä̧huo̧tö̧ ji̧na̧'a̧ curä rohuähuäcuähuämä, jahuätömä cue'ädinä̧tö̧ ttoecuäcuähuä'inä juhua'atäcu curä o'chu'inä ja̧'hua̧ta̧'a̧nö̧ 'po'ähuinä̧tö̧ 'po̧'a̧ri̧nä̧. ¹⁹ Jahuätömä Agareno ttö̧ja̧rö̧ curä rohuäu 'chi̧nä̧tö̧ Jetur'inä, Nafis'inä ja̧'hua̧ta̧'a̧nö̧ Nodabrö'inä. ²⁰ Jahuätö ttabo iyotöttömä ppädinäu ja̧'hua̧nö̧ ja̧'a̧ o'catoi'önä jahuätucu ka̧cuä̧tö̧mä̧ 'cä̧'ȩcuä̧chi̧nä̧tö̧ Ttö̧ä̧hua̧ Diosrö jä̧ttȩpä̧ra̧'a̧ttö̧ jahuätömä curä ka̧'a̧nä̧ jä̧'ȩpä̧rä̧tö̧mä̧ Israelista ji̧na̧'a̧ ja̧'hua̧nö̧ ja̧'a̧ttö̧ yotäcu ädätinäu ja̧u̧ ya̧tȩrö̧tä̧ ucuo tettähua'attö. ²¹ Ja̧'hua̧nö̧ ja̧'a̧ jahuätömä eminätö̧ ttä̧ji̧mö̧rö̧, camellotö̧ttö̧mä̧ 50,000 mil jo̧mȩnä̧ ji̧na̧'a̧, ja̧hua̧ra̧'a̧nö̧ ovestöttö̧mä̧ ji̧na̧'a̧ 250,000 mil jo̧mȩnä̧ juhua'atäcu burrotö̧mä̧ ji̧na̧'a̧ 2000 mil jo̧mȩnä̧ ja̧'hua̧ta̧'a̧nö̧ umätö̧mä̧ 100,000 milnö jo̧mȩnä̧ ji̧na̧'a̧. ²² Diosmä rohuähuinö jahuätönä pä'i'ö, jahuätömä cuä'ähuinätö̧ ttaboiyotörö recuätörö, jahuätömä ka̧cui̧nä̧tö̧ tti̧rȩjä̧nä̧ curä kinome jubö. ²³ Manasés ahuaruhuä jö'totöttömä ki̧nä̧tö̧ Basan rȩjȩnä̧ otonänö Baal Hermón jo̧mȩttö̧'i̧nä̧ ja̧'hua̧nö̧ ja̧'a̧ Senir'inä (Hermon meje'ca jubö. ²⁴ Pitö ji̧na̧'a̧ ttahuaruhuättö tturuhuotö päi'önä ka̧cui̧nä̧tö̧mä̧; Efer'inä, Isi'inä, Eliel'inä, Asriel'inä, Jeremías'inä, Hodavias'inä ja̧'hua̧ta̧'a̧nö̧ Jadiel'inä. Jahuätö umätömä juruhuinätö ja̧'hua̧ta̧'a̧nö̧ ra̧huȩjö̧nä̧. Jahuätö umätömä ucuo jö̧nä̧ ka̧cui̧nä̧tö̧ jahuätömä ttahuaruhuä tturuhuotö päi'önä ka̧cui̧nä̧tö̧. ²⁵ Ja̧'hua̧ta̧'a̧nö̧ jahuätömä esetocotö pinätö̧ ttä̧do̧tö̧ mi̧nä̧ Ttö̧ä̧nä̧hua̧ Diosrömä. Päro cua'acu jahuätömä pi̧yȩ rȩjȩ jähuä tätähuä'catä ucuo te'äcuinätö̧ ja̧'hua̧nö̧ ja̧'a̧ttö̧ Diosmä pparopö icuiniyä̧u̧ ttä'ca jo̧mȩttö̧. ²⁶ Ja̧'hua̧nö̧ ja̧'a̧ttö̧ Israel TTÖ̧Ä̧NÄ̧HUA̧ Diosmä pul a̧'cua̧ru̧hua̧nä̧ ttipperecuächönä jȩpi̧nö̧. Asirio ru̧hua̧ ji̧na̧'a̧. Ja̧hua̧ta̧'a̧nö̧ Tiglat--Pilese, Asirio ru̧hua̧ oípö 'chi̧nö̧ Rubenista'inä Gadistarö'inä ja̧'hua̧ta̧'a̧nö̧ Manasés ahuaruhuä ju'totöttö'inä ji̧na̧'a̧ juhua'atäcu o'ipö päinä̧u̧ Halahra̧'a̧'i̧nä̧ Habor'ra̧'a̧'i̧nä̧, Harannä'inä ja̧'hua̧ta̧'a̧nö̧ Gazan ajecu ka̧cuä̧tö̧ jȩta̧ mo̧ro̧ jubö päi'önä.